Fréttablaðið - 11.06.2022, Blaðsíða 18

Kvennalandsliðið fær
aðeins einn æfingaleik
fyrir Evrópumótið.
18 Íþróttir 11. júní 2022 LAUGARDAGURÍÞRÓTTIR FRÉTTABLAÐIÐ 11. júní 2022 LAUGARDAGUR
29
fyrsta leik
Íslands á EM
DAGAR Í
Algjört fúsk virðist einkenna undir-
búning KSÍ fyrir Evrópumót kvenna
í sumar. Íslenska kvennalands-
liðið er flaggskip sambandsins í dag,
karlalandsliðið getur aðeins unnið
slökustu landslið í heimi á meðan
stelpurnar eru á stærsta sviði Evr-
ópufótboltans í sumar.
Undirbúningurinn fyrir mótið
virðist hins vegar einkennast af
fúski, þar sem allt virðist illa skipu-
lagt. Það þarf kannski ekki að koma
á óvart enda hefur sambandið misst
flesta sína reynslumestu starfsmenn
í kringum stórmót á undanförnum
mánuðum og árum.
Það var aðeins í síðustu viku, rétt
rúmum mánuði fyrir mót, sem ljóst
var að liðið myndi spila æfingaleik
fyrir Evrópumótið. Þorsteinn Hall-
dórsson fær einn æfingaleik við
fremur slakt landslið Póllands til
að undirbúa liðið. Talað hafði verið
um að leikirnir yrðu tveir, liðið fær
því ekkert sérstakan undirbúning
fyrir mótið.
Fjölmiðlar fengu svo í vikunni
tölvupóst um að hópurinn sem
færi á mótið yrði kynntur á föstu-
dag, frábær tímasetning til að til-
kynna hvaða leikmenn fá það traust
að koma fram fyrir Íslands hönd á
stærsta sviði fótboltans. Skipulagið
var ekki betra en það hjá KSÍ að
örfáum klukkustundum síðar kom
póstur þess efnis að búið væri að
færa fundinn og opinberun hópsins
til laugardags. Opinberun hóps um
miðjan dag á laugardag mun vekja
litla sem enga athygli, um kaffileyti
á laugardegi eru flestir að spá í allt
annað en að hanga fyrir framan
síma, tölvu eða sjónvarp til að fylgj-
ast með opinberun hópsins. Kon-
urnar sem fá þann heiður að vera
í hópi Íslands eiga meiri og betri
athygli skilið en að hópurinn sé
kynntur á miðjum laugardegi í júní.
Fari illa á EM er vafalítið hægt að
horfa í undirbúninginn. ■
Fúsk fyrir EM kvenna
■ Utan vallar
Hörður Snævar
Jónsson
hordur@
frettabladid.is
Landsliðshópur kvenna fyrir
Evrópumótið í sumar er til-
kynntur í dag og Fréttablaðið
fékk Eið Ben., annan þjálfara
Íslandsmeistaraliðs Vals í
fyrra, til að rýna í stöðuna.
Stærstur hluti hópsins virðist
vera nokkuð öruggur um sæti
sitt.
kristinnpall@frettabladid.is
FÓTBOLTI Þegar mánuður er í fyrsta
leik Íslands á Evrópumóti kvenna
og tíu dagar í að liðið komi saman,
kynnir Þorsteinn Halldórsson, þjálf-
ari kvennalandsliðsins, hópinn fyrir
EM í dag. Þetta er fjórða skiptið í röð
sem Ísland er meðal þátttökuþjóða
og er líklegt að þrír einstaklingar
fari á sitt fjórða stórmót. Þorsteinn
hefur möguleikann á að boða stærri
hóp líkt og andstæðingar okkar í
riðlakeppninni hafa gert og getur
gert breytingar til 26. júní komi upp
meiðsli.
Þorsteinn getur þakkað fyrir þann
jákvæða hausverk að hafa úr breið-
um hópi að velja enda varla nein
alvarleg meiðsli að hrjá hópinn. Það
þarf ekki að fara lengra en fimm ár
aftur í tímann til að rifja upp þegar
fjórir leikmenn slitu krossband
í aðdraganda EM, ásamt öðrum
meiðslum sem settu strik í reikning
liðsins.
Líklegt er að þjálfarateymið haldi
sig við sömu leikmenn og hafa verið
að fá hlutverk hjá Þorsteini í undan-
keppni HM undanfarið ár, en þá eru
ekki mörg sæti sem standa til boða
fyrir þá sem hafa beðið eftir tæki-
færi.
„Ég á ekki von á einhverju óvæntu
frá Þorsteini í dag. Það eru um 30
Stór hluti
hópsins með
öruggt sæti
Byrjunarlið Íslands gegn Bandaríkjunum í vor. Þessar ellefu ættu allar að vera í stóru hlutverki á EM.
FRÉTTABLAÐIÐ/GETTY
Bótagreiðslurnar búbót fyrir íslensk félög
Það eru ekki aðeins leikmennirnir sem bíða
spenntir eftir því hvort þeir verði í leikmanna-
hópnum á Evrópumótinu í sumar, því gjaldkerar
liðanna ættu að bíða spenntir. Bótagreiðslur
evrópska knattspyrnusambandsins til félaga
sem eiga leikmenn á mótinu gætu aðstoðað
gjaldkerana við að rétta af ársreikningana.
Í fyrsta sinn í sögunni á Evrópumóti kvenna
eiga félög rétt á sérstökum bótagreiðslum
fyrir hvern leikmann sem er fjarverandi frá því
að landsleikjahléið hefst þann 20. júní næst-
komandi. Það telur fimm hundruð evrur á dag og
þrjár vikur hið minnsta og fá félög því tíu þúsund
evrur að minnsta kosti, um 1,4 milljónir íslenskra
króna, fyrir hvern leikmann sem er í hópnum.
Í síðasta landsliðshóp kvennalandsliðsins fyrir
leikina gegn Hvíta-Rússlandi og Tékklandi var að
finna þrjá leikmenn Vals, tvo leikmenn Breiða-
bliks og einn leikmann Selfoss.
Öruggar með farseðil til
Englands:
■ Sandra Sigurðardóttir
■ Cecilía Rán Rúnarsdóttir
■ Sif Atladóttir
■ Guðrún Arnardóttir
■ Ingibjörg Sigurðardóttir
■ Glódís Perla Viggósdóttir
■ Hallbera Guðný Gísladóttir
■ Sara Björk Gunnarsdóttir
■ Dagný Brynjarsdóttir
■ Gunnhildur Yrsa Jónsdóttir
■ Karólína Lea
Vilhjálmsdóttir
■ Alexandra Jóhannsdóttir
■ Agla María Albertsdóttir
■ Amanda Andradóttir
■ Sveindís Jane Jónsdóttir
■ Berglind Björg
Þorvaldsdóttir
Nokkuð öruggar með sæti:
■ Telma Ívarsdóttir
■ Elísa Viðarsdóttir
■ Selma Sól Magnúsdóttir
■ Svava Rós
Guðmundsdóttir
■ Elín Metta Jensen
Spurningarmerkin:
■ Guðný Árnadóttir
■ Áslaug Munda
Gunnlaugsdóttir
■ Natasha Anasi
■ Ásta Eir Árnadóttir
■ Hlín Eiríksdóttir
leikmenn sem hann hefur tekið inn
á þessu rúma ári sínu í starfi og ég á
ekki von á því að hann fari að taka
neinn nýjan leikmann inn. Hvort
hann boði stærri hóp í dag og skeri
síðan niður, eins og önnur lið hafa
gert, það er síðan eitthvað sem gæti
verið sniðugt. Það yrði vont að velja
23 leikmenn og þurfa svo að bæta í
ef það eru einhver spurningarmerki
sem hann er með,“ segir Eiður Ben.
Eiríksson, sem var í þjálfarateymi
Íslandsmeistaraliðs Vals í fyrra,
aðspurður hvort von væri á ein-
hverju óvæntu nafni í hópnum.
„Manni finnst að með tilkomu
Þorsteins hafi komið ákveðin íhalds-
semi, bæði þegar kemur að leikað-
ferð og leikmönnum. Maður sá oft
undir stjórn síðustu þjálfara að það
var misjöfn áhersla eftir andstæð-
ingum, á meðan Þorsteinn reynir að
halda í sömu gildi óháð mótherjum.“
Allir burðarásar liðsins eru heilir
og þarf Þorsteinn því ekki að ráðast
í róttækar breytingar.
„Það verður áhugavert að sjá hvar
nokkrir leikmenn standa, þótt hlut-
irnir séu farnir að líta betur út. Sara
er farin að spila en það er ekki langt
síðan hún eignaðist barn, Cecilía
er nýkomin af stað eftir meiðsli,
Alexandra spilaði lítið í vetur og
Elín Metta og Berglind áttu erfitt í
vetur. Þarna eru lykilleikmenn en
þær virðast allar vera að koma til á
réttum tíma.“
Eiður segir að það sé raunhæft að
stefna á að komast áfram í riðlinum
en um leið að það megi lítið bregða
út af hjá íslenska liðinu.
„Það er ástæða til bjartsýni, en það
þarf allt að ganga upp til þess. Ef það
væru allir í toppstandi væri maður
bjartsýnn á að stefna á að minnsta
kosti átta liða úrslit,“ segir Eiður og
heldur áfram:
„Þegar þú kemur inn á stórmót
ertu með ákveðinn kjarna sem er
að fara að spila flestar mínútur . Ef
einhver lykilmaður dettur út verður
þetta strax mun erfiðara. Þótt það
sé ágætis breidd í hópnum erum
við ekki með 23 leikmenn á heims-
mælikvarða, þannig að við þurfum
að hafa heppnina með okkur. Síðast
varð liðið fyrir miklum skakka-
föllum rétt fyrir mót, þegar lykil-
leikmenn duttu út rétt fyrir mót eftir
óaðfinnanlega undankeppni.“ ■
Rekstrarstuðningur til einkarekinna fjölmiðla
Auglýst er eftir umsóknum einkarekinna fjölmiðla um rekstrarstuðning
sem veittur verður á árinu 2022. Umsóknir skulu sendar Fjölmiðlanefnd og er
umsóknarfrestur til og með 2. ágúst 2022.
Með breytingu á lögum um fjölmiðla nr. 38/2011, sem samþykkt var á Alþingi 25. maí 2021, var
Úthlutunarnefnd veitt heimild til að ákvarða sérstakan rekstrarstuðning til einkarekinna fjölmiðla.
Úthlutunarnefnd skipa Árni Vilhjálmsson hæstaréttarlögmaður, Stefán Svavarsson endurskoðandi og
Valgerður Anna Jóhannsdóttir, lektor við Háskóla Íslands.
Í X. kafla B laga um fjölmiðla, sbr. frumvarp til laga um breytingu á lögum um fjölmiðla sem samþykkt var á
Alþingi 25. maí 2021, og reglugerð nr. 770/2021 um rekstrarstuðning til einkarekinna fjölmiðla, eru tilgreind
skilyrði fyrir rekstrarstuðningi til einkarekinna fjölmiðla og einnig getið sérstakra atriða sem þurfa að koma
fram í umsókn. Er umsækjendum bent á að kynna sér þau og einnig hvaða kröfur eru gerðar um gögn sem
eiga að fylgja umsókn. Samkvæmt lögunum sér Fjölmiðlanefnd um umsýslu umsókna og veitir Úthlutunar-
nefnd sérfræðiaðstoð eftir nánara samkomulagi.
Til úthlutunar árið 2022 verða 384,3 millj. kr. að frádreginni þóknun fyrir störf Úthlutunarnefndar og öðrum
kostnaði við umsýslu. Í 62. gr. i. laga um fjölmiðla kemur fram að rekstrarstuðningur skuli að hámarki vera
25% af stuðningshæfum rekstrarkostnaði umsækjanda. Þá ráðist endanlegt hlutfall af umfangi og fjölda
umsókna.
Umsóknargögn og leiðbeiningar eru á vefsíðu Fjölmiðlanefndar, www.fjolmidlanefnd.is. Þar eru tvö skjöl
sem umsækjendur sækja og fylla út. Mikilvægt er að öll fylgiskjöl fylgi með umsókn.
Umsóknir skulu berast á netfangið postur@fjolmidlanefnd.is, fyrir miðnætti 2. ágúst nk. Ef spurningar vakna
um hvernig eigi að fylla umsóknina út er hægt að senda fyrirspurn á framangreint netfang.