Bændablaðið - 25.05.2022, Page 24

Bændablaðið | Miðvikudagur 25. maí 202224
Nú síðastliðið haust, nánar tiltekið þann
23. september, hóf Bændablaðið regluleg
greinaskrif á síðum sínum varðandi áhuga-
leikhúsin í landinu.
Mikill áhugi hafði verið varðandi kynningu
á starfsemi þeirra, enda kemur þar að fólk úr
öllum starfsstéttum og um mikilvægan og
merkilegan þátt menningarlífs okkar að ræða.
Leitað var til formanns Bandalags
íslenskra leikfélaga, Harðar Sigurðarsonar,
sem hefur unnið afar gott starf í þágu
áhugaleikhúsa, og deildi hann fúslega með
okkur þeim upplýsingum sem innt var eftir, er
varðaði tilvonandi sýningarhöld leikhúsanna,
uppákomur, fundi eða annað, auk þess að
gauka að okkur áhugaverðu efni sem annars
hefði ekki komist á síður blaðsins.
Farið hefur verið víða og lesendur kynnst
glaum og gleði landshorna á milli, sorg og sút
á sviðum leikhúsa okkar Íslendinga.
Vaninn er sá að vertíðir áhugaleikhúsa
séu haust og vor og því ætlum við hér hjá
Bændablaðinu að gefa umfjöllunum er varða
áhugaleik svolítið sumarfrí.
Mikil gleði og ánægja hefur þó verið með
efnið og lesendur blaðsins spenntir að fylgjast
með hvar sýningar standa yfir.
Nú vil ég sem þetta skrifar, fyrir hönd okkar
hér á ritstjórninni, bjóða áhugaleikhúsunum
að hafa samband við mig í sumar ef kemur til
þess að verða í boði námskeið, leiksýningar
eða aðrar uppákomur sem gaman væri að
fjalla um eða koma á framfæri, eða ef fólki
liggur eitthvað á hjarta sem það telur lesendum
okkar mikilvægt.
Við óskum áhugaleikhúsfólki og unnendum
gleðilegs sumars og hlökkum til að taka upp
þráðinn í haust.
Takk fyrir okkur.
/SP
Áhugaleikhúsin okkar landsmanna
ÁHUGALEIKHÚS Á ÍSLANDI
Í fylgd með fullorðnum – Hörgárdalur Pétur Pan – Húnaþing vestra
Fyrsti kossinn – Keflavík Stúart litli – Mosfellssveit
Nei, ráðherra – Hveragerði
Rúi og Stúi – Kópavogur
Tom, Dick & Harry – Fljótsdalshérað
Beint í æð – Selfoss
Ronja Ræningjadóttir – Sauðárkrókur Ef væri ég gullfiskur – Reykholt
Nei, ráðherra – Sauðárkrókur
Hrollleikur – Hugleikur
Kardimommubærinn – Eyjafjörður
Ferðamaður deyr – Hafnarfjörður Bót og betrun – Hólmavík
Smán – Eyjaförður Leitin að sumrinu – Sólheimar Slá í gegn – Borgarnes
Síðastliðna þrjá áratugi hefur Þjóðleikhúsið
verið í samstarfi við Bandalag íslenskra
leikara hvað varðar val á leiksýningu úr smiðju
áhugaleikhúsanna er sérstaka athygli vekur. Eins
og kom fram í síðasta tölublaði þóttu sýningar
Leikflokks Húnaþings vestra og Leikfélags
Keflavíkur eiga þann heiður skilinn og óskum
við þeim alls hins besta á fjölum Þjóðleikhússins nú í júní.
Frá vinstri eru hér þau Björn Ingi Hilmarsson frá dómnefnd
Þjóðleikhússins, Guðlaugur Ómar Guðmundsson, ásamt
Brynju Ýr Júlíusdóttur frá Leikfélagi Keflavíkur og Arnar
Hrólfsson frá Leikflokki Húnaþings vestra.