Bændablaðið - 09.06.2022, Page 44

44 Bændablaðið | Fimmtudagur 9. júní 2022
Sími: 517-8240 - Súðarvogur 20 - www.eyjalind.is
Vertu vinur okkar á Facebook
Sæti og varahlutir í
- Lyftara
- Vinnuvélar
- Vörubíla
- Báta
Lokaverkefni í búfræði við Landbúnaðarháskóla Íslands:
Hagnýtur upplýsingavefur
fyrir viðskipti með líflömb
Sara María Ásgeirsdóttir, nemi
á öðru ári í búfræði við Land-
búnaðarháskóla Íslands, vann
lokaverkefni sem fólst í því að
búa til vef með yfirliti yfir þau
sauðfjárbú sem hafa leyfi til að
selja líflömb.
Þar koma einnig fram ýmsar
upplýsingar fyrir hvert og eitt; til
dæmis sláturupplýsingar síðasta
árs, gerð, fita og fallþungi – og
útlitseinkenni fjárins.
Vantar fleiri bú
Sara segist vonast eftir að fleiri bú
komi inn í verkefnið, en könnun
sem hún gerði áður en hún hóf
vinnu við það gaf til kynna að
bændur væru áhugasamir.
„Áður en ég byrjaði að vinna
í þessu setti ég inn könnun inn á
Facebook-hóp fyrir sauðfjárbændur
til að athuga áhugann fyrir svona
vef. Viðbrögðin voru þó nokkur og
svöruðu þar um 30 sölubændur sem
sögðust hafa áhuga á að taka þátt
og rúmlega 170 kaupendur.
Þrátt fyrir þennan áhuga hafa
einungis 11 bændur sent mér
upplýsingar og vilja taka þátt,
þannig að eftir eru 126 söluaðilar
sem ekki hafa haft samband.“
Tímafrekt að afla sér upplýsinga
Alls hafa 137 bú í fjórum
sauðfjárveikihólfum leyfi til sölu
á líflömbum í dag, samkvæmt
upplýsingum frá Matvælastofnun.
Að sögn Söru segir það sig
sjálft að fyrir þá sem þekkja lítið
til slíkra viðskipta, tekur talsverðan
tíma að afla sér upplýsinga um búin
með því að hafa samband við hvert
og eitt – og það sé einmitt kveikjan
að verkefninu.
Slík var einmitt raunin með
hana og mann hennar, Gest Má
Þorsteinsson, þegar þau tóku við
sauðfjárbúi foreldra hennar á Hóli
í Lýtingsstaðahreppi árið 2018.
Nýtt blóð í stofninn
„Okkur langaði til að koma með
nýtt blóð inn í stofninn og kynbæta
eftir okkar sérvisku. Þá komst ég
að því að einu upplýsingarnar sem
hægt var að nálgast um sölubúin
voru einungis nöfn bændanna
og heimilisfang og svo ýmist
símanúmer eða netfang til að hafa
samband.
Þá kviknaði sú hugmynd hjá mér
að hafa þetta allt aðgengilegt á einni
heimasíðu þar sem væri hægt að
kynna sér búin og hafa svo samband
við bændurna í framhaldi ef áhugi er
fyrir að kaupa,“ segir Sara.
Verkefnið hafi aðallega falist
í því að hafa samband við alla
bændurna sem eru með söluleyfi
og bjóða þeim þátttöku.
„Sendur var tölvupóstur á alla
á listanum, sett innlegg inn á
Facebook-hópa fyrir sauðfjárbændur
og einnig fóru nokkrar kvöldstundir
í að hringja í bændur af listanum.
Það sem bændurnir þurftu að
gera til að taka þátt var að senda
mér þær upplýsingar í tölvupósti
sem þeir vildu hafa á síðunni
um sín bú og ég sá svo um að
færa þær inn á heimasíðuna.“
Sláturupplýsingar og lífdómar
Hjá hverju búi eru, sem fyrr segir,
ýmsar hagnýtar upplýsingar við val á
líflömbum, eins og sláturupplýsingar
síðasta árs, gerð, fita og fallþungi.
„Einnig er talsvert um að
meðaltal lífdóma síðasta árs sé
tilgreint, hvort stofninn sé hyrntur
eða kollóttur, litafjölbreytileiki og
svo eru nokkrir sem létu vel valdar
myndir fylgja með sem gerir þetta
enn þá skemmtilegra,“ segir Sara,
sem sá sjálf um að hanna og setja
vefinn upp.
Vefurinn aðgengilegur öllum
Vefurinn er í rauninni klár og er
aðgengilegur öllum á liflomb.123.
is. En ekkert mál er að bæta við
búum og þurfa bændur þá einungis
að setja sig í samband við mig og
óska eftir því. Bæjunum sem hafa
fallist á þátttöku er skipt niður á
varnarhólfin sem þau eru í. „Þegar
upplýsingarnar eru orðnar svona
aðgengilegar og allar á sama stað,
ímynda ég mér að kaupendur eigi
auðveldara með að taka ákvörðun
um hvar þeir vilji versla sér líflömb
eftir því hvað þeir vilja kynbæta og
leggja áherslur á í sínum stofni, til
dæmis gerð, frjósemi, liti, hornafar
og svo framvegis.“ /smh
Bændur eru hvattir til þess að skrá
veltu samkvæmt framtali síðasta árs
hið fyrsta inni á Bændatorginu.
Veltuskráning þessi er forsenda fyrir
félagsaðild í samtökin skv. samþykktum
á síðasta Búnaðarþingi.
Bændasamtök Íslands
starfa í þágu landbúnaðarins í heild !
Fulltrúar BÍ svara fyrirspurnum í síma 563-0300
á skrifstofutíma. Hægt er að senda skilaboð
í gegnum Bændatorgið og á gudrunbirna@bondi.is.
Það borgar sig að vera í Bændasamtökunum
Snúum bökum saman og stöndum vörð
um íslenskan landbúnað
→
→
Sara María Ásgeirsdóttir. Mynd / Aðsend
Hólf 3, 5, 14 og 19 eru þau hólf sem geta sótt um líflambasöluleyfi hjá MAST.
Fyrir framan verslun SS á Hvolsvelli
á vegum búvörudeildar SS má nú
sjá 36 tilraunareiti sem sýna áhrif
mismunandi áburðarskammta á
korn og hafra.
„Til að athuga hvort sýrustigið sé
ákjósanlegt, þá var tekið jarðvegssýni
úr reitunum í vor. Mikilvægt er að
sýrustigið sé á bilinu pH 6-6,5 svo
að upptaka næringarefna verði sem
best. Æskilegt sýrustig fyrir bygg
er á bilinu pH 6,0-6,5 og fyrir hafra
pH 5,8-6,3,“ segir í tilkynningu frá
Sláturfélagi Suðurlands. Sáð var
byggi í 30 reiti en notuð voru tveggja
raða yrkin Kría, Anneli og Filippa og
sex raða yrkin Smyrill og Aukusti.
Einnig var sáð í sex reiti af
höfrum með yrkinu Niklas.
„Allir reitirnir fengu 70 kg/ha af
köfnunarefni en mismunandi magn
af fosfór og kalí. Allur áburður
sem var notaður er frá Yara,“ segir
jafnframt í tilkynningunni en
reitirnir eru vel merktir fyrir gesti
og gangandi á svæðinu. /ghp
Sýningarreitir á Hvolsvelli
MENNTUN&RANNSÓKNIR
Varahlu�r i VOLVO
Vinnutæki