Faxi - 01.12.2021, Blaðsíða 37

FAXI 37
Við vonumst til þess að þessi verkefni
verði hvati fyrir fjárfesta og að þeir sjái
Hafnargötuna sem arðbært uppbyggingar-
svæði. Því án aðkomu fjárfesta, bæjaryfir-
valda og einstaklinga verður engin þróun á
miðbænum okkar.

En hvað með Sundhöllina gömlu? Þar voru
margir íbúar ósáttir og vildu að hún yrði
varðveitt og endurbyggð
„Sundhöllin er gott dæmi um samtalið,
þar sem uppbygging og hugmyndir um
verndun fóru ekki saman. Í upphafi fórum
við í viðræður við Minjastofnun og bæj-
aryfirvöld til þess að skoða hvort það væri
grundvöllur fyrir því að vinna hugmyndir
verkkaupa okkar áfram og tengja þær sund-
höllinni. Eftir þá vinnu varð ljóst að svo
var, en það voru alls ekki allir sammála, því
almenningur skiptist í tvær fylkingar, með
niðurrifi og á móti. Ég held, þó ákveðið hafi
verið að fara í niðurrif, útfrá fyrri áætlunum
og gögnum sem unnin voru, hefur samtalið
aldrei verið sýnilegra og ljóst er að almenn-
ingur hefur áhuga á skipulagsmálum og er
annt um umhverfi sitt.
Þarna skiptir einmitt máli sagan okkar og
hvernig við viljum varðveita hana til fram-
tíðar ekki satt?
„Já, grundvöllur hönnunar er að skilja
söguna, að byggja á einhverju og á sama
tíma að koma inn með nýja ásýnd í
samræmi við væntingar hvers tíma. Þessi
virðing við söguna er okkur afar mikilvæg.
Það þýðir ekki endilega að það megi ekki
stundum gera breytingar. Ég tel að það sé
mikilvægt að mannvirki hafi notkun, en séu
ekki aðeins minnisvarði.
Gott dæmi um það er borgin Vín í
Austurríki, hvernig hún kom mörgum af
eldri perlum sínum til bjargar. Þar má helst
nefna verkefni eins og Museumquartier og
Gasometer þar sem nýtt og gamalt fer ótrú-
lega vel saman og skapa nýja og spennandi
ásýnd og notkun. Sú aðferð er ein af mörgu
leiðum til að meðhöndla söguna okkar með
mannvirkjum.
Fyrst og fremst hef ég mikla trú á því
að við höfum óþrjótandi möguleika til að
móta umhverfi okkar til framtíðar og það er
virkilega spennandi. Til þess að gera það vel
þurfum við að vinna skipulag í samtali við
alla aðila, þannig að það skapist sátt um það
hvers konar umhverfi við viljum skapa og
þá ekki síður, hvernig umhverfi viljum við
skila frá okkur fyrir komandi kynslóðir?
Dagný Maggýjar
Óskum
Suðurnesjamönnum
gleðilegra jóla
og farsældar á nýju ári .