Skessuhorn - 26.01.2022, Blaðsíða 6

MIÐVIKUDAGUR 26. JANÚAR 20226
Gat á sjókví
AUSTURLAND: Mat-
vælastofnun barst síðastliðinn
fimmtudag tilkynning frá Löx-
um Fiskeldi um að gat hefði
fundist á nótarpoka einnar
sjókvíar Laxa við Vattarnes í
Reyðarfirði. „Gatið uppgötv-
aðist við reglubundið eftirlit
með kvíum á stöðinni og virkj-
aði fyrirtækið viðbragðsáætlun
sína strax og er viðgerð lokið.
Samkvæmt upplýsingum Laxa
var gatið á um sjö metra dýpi
og reyndist vera um það bil
50x15 cm að stærð. Í þessari
tilteknu kví eru um 145.000
laxar með meðalþyngd 2,6 kg.
Laxar lögðu út net í takt við
viðbragsáætlun og tilkynntu
Matvælastofnun, Fiskistofu og
Fjarðarbyggð um atburðinn
strax,“ segir í tilkynningu frá
MAST. -mm
Meira fyrir
minkinn
BORGARBYGGÐ: Á fundi
Umhverfis- og landbúnað-
arnefndar Borgarbyggðar 20.
janúar síðastliðinn var sam-
þykkt að taxtar til veiðimanna
sem sinna refa- og minka-
eyðingu hækki um 3%. Þá
samþykkti nefndin að fjár-
magni samkvæmt fjárhags-
áætlun yrði skipt þannig að
greitt verði fyrir 348 refi
og 174 minka á árinu. Þá
var að endingu samþykkt af
nefndinni að Einar Ólafsson
og Sigurður Ólafsson taki við
refa- og minkaveiði í Hvítár-
síðu af Snorra Jóhannssyni.
-vaks
Kaupa dælubíl í
stað tankbíls
BIFRÖST: Í útkalli á
gamlárskvöld skemmdist
dælubifreið Slökkviliðs Borg-
arbyggðar sem staðsett hef-
ur verið á Bifröst. Ekki er
talið svara kostnaði að gera
við bifreiðina. Slökkviliðs-
stjóri hefur lagt til við sveit-
arstjórn að breyta fyrirhug-
uðum fjárfestingum slökkvi-
liðsins á þessu ári þannig að
hætt verði við kaup á tank-
bíl og í stað þess verði keypt-
ur minni dælubíll. Eftirstöðv-
ar af áætluðu framkvæmdafé
verði nýtt til kaupa á mann-
skapsbíl ef unnt er. Byggðar-
ráð Borgarbyggðar tók mál-
ið fyrir á síðasta fundi sínum
og samþykkti breytingu á fjár-
festingum Slökkviliðs Borgar-
byggðar þannig að hætt verði
við kaup á tankbíl á þessu ári
en að keyptur verði í staðinn
dælubíll og mannskapsbíl ef
eftirstöðvar verða af áætluðu
framkvæmdafé. -mm
Kannabislykt
á sveimi
AKRANES: Á laugardags-
kvöldið var kvartað yfir há-
vaða í ónefndu húsnæði og
tilkynnt um mjög mikinn há-
vaða frá tónlist. Lögregla fór
á staðinn og samkvæmt bókun
lögreglu lagði mikla kanna-
bislykt úr íbúðinni. Ummerki
voru eftir kannabisneyslu en
engin efni fundust á staðnum.
-vaks
Rannsókn á bruna
á lokastigi
AKRANES: Rannsókn Lög-
reglunnar á Vesturlandi á bruna
sem varð í Brekkubæjarskóla á
Akranesi að kvöldi 13. janúar síð-
astliðinn er nú á lokastigi. Í til-
kynningu lögreglu í síðustu viku
kom fram að málið teljist upplýst
og verði unnið í samvinnu með
barnavernd. Við rannsókn máls-
ins naut Lögreglan á Vesturlandi
liðsinnis tæknideildar LRH. -mm
Bjóða út
bankaviðskipti
AKRANES: Bæjarráð Akra-
neskaupstaðar hefur samhljóða
samþykkt að bjóða út bankavið-
skipta bæjarfélagsins. Hefur bæj-
arstjóra verið falin frekari úr-
vinnslu málsins og að koma með
fullbúin útboðsgögn á næsta fund
bæjarráðs sem verður 27. janú-
ar næstkomandi. Landsbankinn
hefur um langa hríð verið við-
skiptabanki bæjarins. -mm
Vír hékk úr lofti í
göngunum
HVALFJ.SVEIT: Á þriðjudag í
liðinni viku varð vörubifreið fyr-
ir tjóni við suðurendann í Hval-
fjarðargöngunum. Ökumaður ók
á rafmagnsvír sem hékk úr loft-
inu í göngunum milli akreina,
sveiflaðist til og náði vírinn nið-
ur á götu. Vinstri hliðarspegill á
bílnum brotnaði og sprunga kom
í framrúðu. Ljósmyndir voru
teknar af rafmagnsvírnum og var
Vegagerðin látin vita um atvikið.
-vaks
Snjóhúsið – útivistarbúð og klifur-
hús, var opnað við Sólvelli 8 í
Grundarfirði sunnudaginn 16. jan-
úar. Það eru systurnar Marta og
Guðbjörg Soffía Magnúsdætur sem
opuðu Snjóhúsið en þar eru seldar
allar helstu útivistarvörur frá Fjalla-
kofanum. „Við erum í samstarfi við
Fjallakofann og getum selt allt frá
þeim,“ segir Marta. Aðspurð segir
hún hugmyndina að nýju búðinni
ekki hafa verið mjög djúpa. „Þessi
hugmynd kviknaði á gamlársdag
og við opnuðum búðina 16 dög-
um seinna. Ég á enn eftir að kom-
ast að því hvort þetta var góð eða
slæm hugmynd,“ segir hún og hlær.
En hvað var það sem kveikti þessa
hugmynd? „Ég keypti mér hús um
daginn og það fylgdu því þrír versl-
unarpanilar til að hengja vörur á
og svoleiðis. Svo ég ákvað að opna
bara verslun,“ segir hún kímin. „En
ástæðan fyrir því að við ákváðum
að opna útivistarbúð frekar en eitt-
hvað annað er einfaldlega vegna
þess að útivist gerir okkur öllum
mjög gott og við ættum öll að vera
meira úti,“ bætir hún við.
Opnunartími Snjóhússins er á
milli kl. 17:00 og 19:00 alla daga
vikunnar. Þá er klifurhúsið einnig
opið á sama tíma. arg
Áhugafólk um sauðfjárrækt bíður
nú spennt niðurstaðna úr rannsókn-
um á sýnum sem tekin voru undir
lok síðustu viku úr fénu á Kambi í
Reykhólasveit. Rannsakað verður
hvort afkomendur kindar frá Kambi
beri hið mikilvæga gen, ARR-arf-
gerð, sem verndar kindur fyrir riðu.
Genið sem um ræðir fannst í fé
frá bænum Þernunesi við Reyðar-
fjörð. Féð á það sameiginlegt að
vera út af gimbur frá Karli Krist-
jánssyni bónda á Kambi, en gimbr-
ina seldi hann austur að Þernunesi
árið 2013. Ekki er hægt að fullyrða
að þessi verndandi arfgerð sé frá
Kambi komin, er þess nú freistað að
fá úr því skorið. Hinn möguleikinn
er sá að genin komi frá upprunalega
Þernunesfénu en þar hefur aldrei
farið fram niðurskurður vegna riðu
eða annarra sauðfjársjúkdóma. Karl
á Kambi upplýsir á Facebook síðu
sinni að tekin hafi verið 45 sýni úr
ánum hans fyrir helgi sem send voru
til rannsóknar í Þýskalandi. Niður-
stöðu er svo að vænta um mánaða-
mótin. Ef eitthvað af þessari arfgerð
finnst í Kambsfénu, segir Karl, að
mjög líklegt sé að arfgerðin finnist
víða á svæðinu.
Í frétt RUV um ARR arfgerðina
sem fannst á Þernunesi segir að
gripirnir sex sem fundust á bænum
séu aðeins með arfgerðina á öðr-
um litningi. Það veiti talsverða vörn
gegn riðu en þýðir einnig að aðeins
helmingur afkomenda þeirra erfir
arfgerðina. „Sem stendur er aðeins
vitað um einn hrút með arfgerðina,
Gimstein frá Þernunesi, en fleiri
gætu fundist í hópi ættingja hans
eða á meðal 15-20 þúsund gripa
sem greindir verða í stórátaki í vet-
ur. Vonir standa til að undan Gim-
steini komi fleiri hrútar í vor sem
gæti nýst til undaneldis á næsta ári.
Nú liggja menn menn á bæn um að
Gimsteini heilsist vel og að hann
komist á sæðingarstöð næsta haust,“
segir í umfjöllun RUV. mm
Á fallegum vordegi í Reyhólasveit. Ljósm. sm.
Tóku sýni úr Kambsfénu við
leit að geninu dýrmæta
Systurnar Marta og Guðbjörg Soffía opnuðu útivistarbúðina Snjóhúsið í Grundar-
firði. Ljósm. aðsend
Snjóhúsið opnað í Grundarfirði