Skessuhorn - 26.01.2022, Blaðsíða 10

MIÐVIKUDAGUR 26. JANÚAR 202210
Garða- og Saurbæjarprestakall ætl-
ar í febrúar að bjóða upp á svoköll-
uð „drop in“ brúðkaup í Akra-
neskirkju, nánar tiltekið þriðju-
daginn 22. febrúar 2022. „Eruð
þið búin að stefna að brúðkaupi,
en aldrei orðið af því, kannski út af
covid eða bara einhverju allt öðru?
Þann 22.02.2022 verður boðið
upp á drop in brúðkaup í Akranes-
kirkju, einföld en falleg og hátíð-
leg athöfn. Tilvalið tækifæri til að
láta verða af því að gifta sig og svo
er auðvelt að muna dagsetninguna,
sem getur komið sér vel,“ segir í
tilkynningu frá prestum í sókninni.
Það sem fólk þarf að gera er að
útvega fæðingar- og hjúskapar-
stöðuvottorð hjá Þjóðskrá og bóka
síðan tíma hjá Akraneskirkju þenn-
an dag eða kvöld. En fyrir hverja
verður þetta? „Fyrir ykkur sem
hafið alltaf ætlað að gifta ykkur en
aldrei látið verða af því. Fyrir ykk-
ur sem viljið gifta ykkur í fallegri
kirkju, fá fyrirbænir og blessun
en viljið ekki mikið tilstand. Fyrir
ykkur sem viljið gifta ykkur,“ segja
prestarnir.
Að sögn Þóru Bjargar Sigurðar-
dóttur, prests í Akraneskirkju,
er hugmyndin komin frá kolleg-
um þeirra á Norðurlöndunum og
í Grafarvogskirkju. „Prestarnir
þar prófuðu þetta á síðasta ári og
það gekk alveg ljómandi vel. Það
var mjög vel sótt hjá þeim og við
ákváðum að nýta þessa flottu dag-
setningu því hún speglast og er svo
flott þannig.“ Aðspurð með hugs-
unina á bak við þetta segir Þóra
Björg þetta vera hvatningu til að
fólk geti gift sig án þess að það
sé of mikið tilstand því það eru
margir í þeim hugleiðingum og
nú sé tækifæri til að láta verða af
því. En hvað með tímasetninguna
klukkan 22 mínútur yfir tvö þenn-
an dag sem yrði þá 2.22/22.2.22,
er hún frátekin? „Nei, hún er enn
laus. Fyrstur kemur, fyrstur fær.“
Þennan dag verða allir þrír
prestar Akraneskirkju á vakt-
inni og munu skipta þessu á milli
sín. Tíminn sem um ræðir er frá
morgni til miðnættis ef þess þarf.
Akraneskirkja annast athöfnina án
endurgjalds með presti, organista
og kirkjuverði og er áætlað að hver
athöfn taki ekki lengri tíma en 30
mínútur. Brúðhjónin þurfa að hafa
með sér tvo svaramenn og gesti í
samráði við sinn prest.
Þóra Björg segir að þau hafi
fengið góð viðbrögð við auglýs-
ingunni og það séu nú þegar sex
brúðhjón búin að bóka giftingu
þennan dag í kirkjunni. Hún ger-
ir ráð fyrir því að það bætist fljót-
lega við fleiri og biður fólk um að
vera tímanlega því nú sé aðeins
tæplega mánuður til stefnu. Hún
segir einnig að þessi dagur sé alveg
tilvalinn dagur til að ganga í heil-
agt hjónaband því þó umstangið sé
ekki mikið að þá verði þetta hátíð-
legt, skemmtilegt og án mikils til-
kostnaðar.
vaks
Um miðjan dag á sunnudaginn var
áhöfnin á Kap II VE-7 að leysa
landfestar í Grundarfjarðarhöfn og
áhöfnin að gera klárt til að fara út
og leggja netin eftir vestan-bræl-
una í vikulokin. Þetta er fjórða ver-
tíðin sem Kap II rær með net frá
Grundarfirði, er skipið búið að
landa þrisvar sinnum samkvæmt
vef Fiskistofu og aflinn hefur verið
um hundrað tonn. Kap II er gamall
loðnubátur en búið er að gera hann
út á grálúðunet og þorskanet síðan
fiskveiðiárið 2016-17. þa
Björgunarsveitin Lífsbjörg í Snæ-
fellsbæ var kölluð út um eittleytið
á laugardaginn að Mýrarholti 3 í
Ólafsvík. Verkefnið var að binda
niður þak hússins með stroffum, en
þak þetta hefur verið til vandræða í
langan tíma, en enginn er búsettur í
húsinu. Þetta var ekki í fyrsta skipt-
ið sem Lífsbjörg er kölluð út til
sama verkefnis. Nágranni hússins
segir að þakið gæti skapað hættu ef
það færi á flug og gæti þá skemmt
hús í nágrenninu. Samkvæmt
heimildum Skessuhorns stendur til
að rífa húsið á næstu dögum.
af
Varnaræfingin Norður Víkingur
verður haldin dagana 2.-14. apríl
næstkomandi en þetta er í fyrsta sinn
sem æfingin hefur verið haldin síð-
an árið 2011. Um er að ræða tvíhliða
varnaræfingu Íslands og Bandaríkj-
anna en einn helsti hápunktur æf-
ingarinnar verður æfing landtöku
landgönguliða bandaríska sjóhersins
af sjó. Þótti besti staðurinn fyrir
þann hluta æfingarinnar vera Mið-
sandur í Hvalfirði, fjaran sem liggur
á milli Hvalstöðvarinnar og gömlu
olíubryggjunnar.
Óskað var eftir samstarfi við
sveitarstjórn Hvalfjarðarsveit-
ar, byggingarfulltrúa og skipulag-
og umhverfisfulltrúa og var mál-
ið tekið fyrir á fundi umhverfis-,
skipulags- og náttúruverndarnefnd-
ar Hvalfjarðarsveitar miðvikudaginn
19. janúar. Í fundargerðinni kemur
fram að landtökudagarnir verði dag-
part á tímabilinu 8.-12. apríl og fer
hún þannig fram að móðurskip sjó-
hersins mun liggja við stjóra utarlega
í firðinum og „frá því munu svo sigla
landtökuprammar og svifnökkv-
ar með liðsaflann sem telja munu
200-400 manns. Liðsaflinn mun
dvelja í fjörunni dagpart. Hugsan-
lega mun hluti hans leggja í göngu
meðfram þjóðveginum,“ segir í
fundargerðinni. Olíudreifing, eig-
andi landsins sem um ræðir, hefur
gefið leyfi fyrir notkun á fjörunni og
Hvalur hf. hefur einnig gefið leyf-
ir fyrir að starfsmannaaðstaða fyrir-
tækisins í gömlu hermannabröggun-
um verði nýtt ef þörf er á því.
Umhverfis-, skipulags- og nátt-
úruverndarnefnd Hvalfjarðarsveit-
ar gerði ekki athugasemdir við æf-
inguna en hvetur jafnframt til þess að
haft verði samráði við landeigendur
á hverjum stað vegna skipulags og
undirbúnings. arg
Viltu gifta þig 22.2.22?
Sr. Þóra Björg Sigurðarsdóttir og aðrir
prestar í sókninni munu bjóða upp á
„drop in“ brúðkaup 22.02.22.
Falleg dagsetning getur verið krydd á annars góðan dag. Ljósm. Gunnhildur Lind
Photography
Kap II á netaveiðum
frá Grundarfirði
Liðsmenn Lífsbjargar að binda þakið að Mýrarholti 3 niður.
Komu böndum á laust þak
Móðurskip sjóhersins mun liggja við stjóra utarlega í firðinum og frá því munu svo sigla landtökuprammar og svifnökkvar með liðsaflann sem telja mun 200-400
manns.
Varnaræfingin Norður-Víkingur í Hvalfirði í apríl