Skessuhorn - 26.01.2022, Blaðsíða 12

MIÐVIKUDAGUR 26. JANÚAR 202212
Íbúar sem búa bæði norðan og sunn-
an við Hvalfjörð hrukku ónotalega
upp við sprengingu og skjálfta í
kjölfarið, laust fyrir klukkan hálf sjö
miðvikudagskvöldið 19. janúar sl. Á
jarðskjálftamælum Veðurstofunnar
mældist skjálfti upp á 0,7 stig og þar
á bæ var farið að kanna hverju það
sætti, enda Hvalfjörður ekki þekkt
jarðskjálftasvæði. Eftir að íbúar
fóru að ræða þetta sín á milli á sam-
félagsmiðlum varð fljótlega upp-
lýst að sprenging vegna grjótnáms
skammt frá Grundartanga hafi ver-
ið orsökin. Það fékkst síðan staðfest
síðar um kvöldið þegar verktaka-
fyrirtækið Borgarvirki sendi Veð-
urstofunni tölvupóst og upplýsti
að á þess vegum hefði verið unnið
við sprengingar. Nágrannar lögðu
strax morguninn eftir fram kæru
vegna málsins.
Pétur Ingason, sem er í forsvari
fyrir Borgarvirki, sagði í samtali
við fréttavef Vísis á miðvikudags-
kvöldið að framkvæmdir hafi staðið
yfir á Grundartanga. Algengt væri
að slíkar sprengingar heyrðust og
að ekki hafi verið brugðið út af van-
anum í þetta skipti. „Þetta er bara
spurning um hvað hljóðbært það er
og annað, þannig að þetta er ekki
neitt neitt. Það er mjög stillt yfir og
þá heyrist bara meira. Það kemur
höggbylgja í loftið og svona,“ sagði
Pétur í samtali við fréttastofu Vísis.
Ýmsar getgátur á lofti
Íbúar sem Skessuhorn ræddi við
næsta dag lýstu atburðinum ekki á
sömu lund og verktakinn. Töldu
þetta hafa verið meira en „ekki neitt
neitt.“ Fyrst á eftir sprenginguna
hafi fólki dottið í hug að tundurtufl
úr stríðinu hafi sprungið í firðin-
um, sprenging hafi orðið í verk-
smiðju, aðrir giskuðu á vígahnött,
eða jarðvegsskrið og enn aðrir að
loftsteinn eða jafnvel geimskip
hafi fallið til jarðar. Ekkert skorti á
ímyndunaraflið.
Húsið skalf og nötraði
Gunnar Þór Gunnarsson býr á
Galtarlæk, næsta bæ við Grundar-
tanga. Hann skrifar á íbúasíðu
sveitunga hans að sprengingin hafi
ekki farið framhjá sér; „enda í 400
metra frá sprengingunni. Hús-
ið skalf og nötraði. Mikill mökk-
ur var eftir þessa sprengingu. Gott
að enginn var í heilsubótargöngu
í flóanum því Faxaflóahafnir eru
að láta sprengja grjót á svæðinu.
Hefðu mátt láta íbúa vita í næsta
nágrenni,“ skrifaði Gunnar.
Hafa kært málið
Þrír íbúar við Hvalfjörð lögðu
strax morguninn eftir fram form-
lega kæru til Lögreglunnar á Vest-
urlandi. Það voru þau Jóhanna
Harðardóttir í Hlésey, Brynja
Magnúsdóttir í Galtarvík og Lár-
us Vilhjálmsson í Álfagarði, sem
er býli sunnan megin við Hval-
fjörð. Jóhanna sagði í samtali við
Skessuhorn að þau hafi lagt fram
kæru og máli sínu til stuðnings
vísa þau í reglugerð um sprengi-
efni, nr. 510/2018. Borgarvirki hafi
brotið í bága við nokkrar greinar
þeirrar reglugerðar. „Það er ekki
með nokkru móti hægt að sætta
sig við að starfsmenn verktakafyr-
irtækja hagi sér eins og villimenn
og brjóti lög og reglur sem að starf-
semi þeirra snýr. Því ætlum við ekki
að una og kærum því fyrirtækið og
förum fram á formlega rannsókn
lögreglu á þessu atviki,“ segir Jó-
hanna Harðardóttir.
mm
Kærðu verktakafyrirtæki fyrir brot á lögum
um meðferð sprengiefnis
Lárus Vilhjálmsson, Jóhanna G Harðardóttir og Brynja Magnúsdóttir skráðu kæru hjá lögreglufulltrúa á Akranesi á fimmtu-
dagsmorgun.
S
K
E
S
S
U
H
O
R
N
2
02
2
Helstu verkefni og ábyrgðarsvið:
Skipulagsfulltrúi hefur yfirumsjón með
skipulagsmálum sveitarfélagsins, þjónustar
íbúa Hvalfjarðarsveitar á því málefnasviði og
er ráðgefandi fyrir sveitarstjórn og umhverfis,-
skipulags- og náttúruverndarnefnd og vinnur skv.
samþykktum þeirra. Eftirfarandi heyrir m.a. undir
verkefna- og ábyrgðarsvið skipulagsfulltrúa
Hvalfjarðarsveitar:
• Yfirumsjón skipulagsmála í sveitarfélaginu.
• Málsmeðferð skipulagsmála.
• Skipulagsgerð, undirbúningur og verkstjórn.
• Útgáfa framkvæmdaleyfa.
• Umsagnir leyfisumsókna, samráð við
opinbera aðila, almenning og aðra
hagsmunaaðila.
• Eftirlit með að framkvæmdir séu í samræmi
við skipulag og útgefin leyfi.
• Kynningar og auglýsingar á lýsingum og
skipulagstillögum auk yfirferðar ábendinga
og athugasemda.
• Undirbúningur nefndarfunda, lögformleg
afgreiðsla erinda og eftirfylgni mála.
• Gerð starfs- rekstrar-, og framkvæmdaáætlana
fyrir þá málaflokka sem undir hann heyra.
Skipulagsfulltrúi ber ábyrgð á meðferð, skráningu
og varðveislu gagna, úrvinnslu og upplýsingagjöf,
stefnumótun, þróun verklags og þjónustugæða.
Skipulagsfulltrúi er starfsmaður umhverfis,-
skipulags,- og náttúruverndarnefndar.
Almennt stjórnunarsvið:
Skipulagsfulltrúi starfar og stjórnar í samræmi við
lög og reglugerðir sem gilda um skipulagsmál
sveitarfélaga. Einnig eftir lögum er varða opinbera
þjónustu og stjórnsýslu, samkvæmt markmiðum
sveitarstjórnar og í samræmi við fjárhagsáætlun
Hvalfjarðarsveitar á hverjum tíma.
Menntunar- og hæfniskröfur:
• Háskólamenntun og viðeigandi réttindi til að
annast skipulagsgerð skv. 7. gr. skipulagslaga
nr. 123/2010 er skilyrði.
• Þekking og reynsla af skipulagsmálum er
skilyrði.
• Reynsla af störfum í opinberri stjórnsýslu er
skilyrði.
• Reynsla af þátttöku í stefnumótandi
áætlanagerð og gerð rekstrar- og
fjárhagsáætlana er æskileg.
• Reynsla af stjórnun, rekstri og þróunarstarfi
er kostur.
• Færni í mannlegum samskiptum auk forystu-
og skipulagshæfileika.
• Frumkvæði og sjálfstæði í vinnubrögðum.
• Hæfni til að tjá sig í ræðu og riti.
Kjör:
Laun og starfskjör eru samkvæmt
kjarasamningum viðkomandi stéttarfélags og
Sambands íslenskra sveitarfélaga.
Umsóknarfrestur er til og með 6. febrúar 2022.
Umsóknum skal fylgja ítarleg starfsferilsskrá
og kynningarbréf þar sem gerð er grein fyrir
ástæðu umsóknar og rökstuðningur fyrir hæfni
viðkomandi í starfið.
Umsóknir skal senda á skrifstofu
Hvalfjarðarsveitar, Innrimel 3, 301 Akranes eða á
netfangið hvalfjardarsveit@hvalfjardarsveit.is
Nánari upplýsingar um starfið veitir Linda Björk
Pálsdóttir sveitarstjóri í síma 433-8500 og á
netfanginu linda@hvalfjardarsveit.is
Hvalfjarðarsveit er öflugt sveitarfélag með um
690 íbúa. Náttúrufegurð er mikil og möguleikar
til að njóta fjölbreyttrar útiveru eru óþrjótandi.
Hvalfjarðarsveit er dreifbýlt sveitarfélag með
litlum íbúakjörnum. Þar er nægt lóðaframboð,
fjölbreytt atvinnutækifæri, öflugur landbúnaður,
vaxandi ferðaþjónusta og metnaðarfullt
skólastarf.
Mikil uppbygging hefur átt sér stað á
atvinnusvæðinu við Grundartanga með
fjölbreyttum fyrirtækjum. Hvalfjarðarsveit er
í nálægð við þéttbýli og í góðu samstarfi við
nágrannasveitarfélög. Nánari upplýsingar má
finna á www.hvalfjardarsveit.is
Skipulagsfulltrúi
Laust er til umsóknar starf skipulagsfulltrúa Hvalfjarðarsveitar. Um er að ræða 60% starf innan stjórnsýslu sveitarfélagsins.
Leitað er að metnaðarfullum aðila til að stýra fjölbreyttum verkefnum í skipulagsmálum sveitarfélagsins. Æskilegt er að
viðkomandi geti hafið störf sem fyrst.