Skessuhorn - 26.01.2022, Blaðsíða 13

MIÐVIKUDAGUR 26. JANÚAR 2022 13
Íslenska karlalandsliðið í hand-
bolta, sem keppir nú á EM í
Ungverjalandi, getur átt möguleika
á sæti í undanúrslitum með sigri
á Svartfjallalandi kl. 14:30 í dag,
miðvikudag. Eftir að hafa sigr-
að alla leiki í riðlakeppni og farið
upp í milliriðil með tvö stig hefur
íslenska liðið verið hálf vængbrot-
ið. Strax fyrir fyrsta leik í milli-
riðli, sem var gegn Dönum, voru
nokkrir af lykilleikmönnum Íslands
búnir að ná sér í kórónuveiruna
og komnir í einangrun. Íslensku
strákarnir sýndu breidd liðsins og
að maður getur sannarlega kom-
ið í manns stað. Þrátt fyrir að hafa
misst nokkra reynslumestu leik-
menn liðsins þurftu heimsmeistar-
ar Dana að hafa nokkuð fyrir því að
ná sigri, sem þeir þó gerðu. Næstu
andstæðingar voru ólympíumeist-
ararnir frá Frakklandi og höfðu þá
enn fleiri lykilleikmenn bæst í hóp
þeirra smituðu. Þrátt fyrir það áttu
íslensku strákarnir stórleik og sigr-
uðu Frakka með átta marka mun,
sem er stærsta tap Frakka á EM frá
upphafi. Strákarnir spiluðu þriðja
leik sinn í milliriðli gegn Króat-
íu á mánudaginn en Ísland hefur
aldrei sigrað Króatíu á stórmóti, og
var engin breyting þar á. Leikurinn
byrjaði vel og strákarnir náðu góðri
forystu snemma í fyrri hálfleik.
Svo misstu þeir aðeins taktinn og
Króatía náði yfirhöndinni og eftir
hörkuspennandi lokamínútur sigr-
aði Króatía með einu marki.
Nú á miðvikudagsmorgni er stað-
an í riðlinum þannig að Danir eru
efstir með 8 stig, Frakkar þar á eft-
ir með 6 stig, Ísland í þriðja sæti
með 4 stig og Holland, Svartfjalla-
land og Króatía með tvö stig hvert.
Ísland mætir Svartfjallalandi kl.
14:30 í dag og á enn möguleika á
sæti í undanúrslitum með sigri. En
til þess að svo verði þurfa Dan-
ir að sigra Frakka þegar liðin mæt-
ast kl. 19:30 í kvöld. Enn hefur þó
bæst í hóp smitaðra í liði Íslands en
Elliði Snær Viðarsson fékk jákvætt
á hraðprófi í gær og eftir að hafa
losnað úr einangrun fyrir leikinn
gegn Króatíu greindist Björgvin
Páll Gústavsson aftur með veiruna í
gærmorgun. Þegar Skessuhorn fór
í prentun var ekki ljóst hvort fleiri
yrðu sendir í einangrun fyrir leik-
inn eða hvort einhverjir verða laus-
ir úr einangrun fyrir leik.
Meðfylgjandi myndir eru allar úr
leik Íslands og Króatíu á mánu-
daginn. arg/ Ljósm. HSÍ
Ræðst í dag hvort strákarnir komast í undanúrslit
S
K
E
S
S
U
H
O
R
N
2
02
2
Helstu verkefni og ábyrgðarsvið:
Umhverfisfulltrúi hefur yfirumsjón með
umhverfis- og náttúruverndarmálum
sveitarfélagsins, þjónustar íbúa Hvalfjarðarsveitar
á þeim málefnasviðum, er ráðgefandi fyrir
sveitarstjórn, landbúnaðarnefnd og umhverfis,-
skipulags- og náttúruverndarnefnd og vinnur
skv. samþykktum þeirra. Eftirfarandi heyrir m.a.
undir verkefna- og ábyrgðarsvið umhverfisfulltrúa
Hvalfjarðarsveitar:
• Yfirumsjón með umhverfis- og
náttúruverndarmálum sveitarfélagsins.
• Yfirumsjón með hreinlætis-, sorp- og
fráveitumálum sveitarfélagsins.
• Yfirumsjón með opnum svæðum,
gróðursetningu og uppgræðslu.
• Yfirumsjón með meindýraeyðingu og
mengunarvörnum í sveitarfélaginu.
• Yfirumsjón með útivistarsvæðum og
gönguleiðum, merking og kortlagning.
• Yfirumsjón verkefna er varða gróðurvernd,
fjallskil, refa- og minkaeyðingu og hunda- og
kattahald.
• Undirbúningur nefndarfunda, lögformleg
afgreiðsla erinda og eftirfylgni mála.
• Gerð starfs- rekstrar-, og framkvæmdaáætlana
fyrir þá málaflokka sem undir hann heyra.
Umhverfisfulltrúi ber ábyrgð á meðferð,
skráningu og varðveislu gagna, úrvinnslu og
upplýsingagjöf, stefnumótun, þróun verklags og
þjónustugæða. Umhverfisfulltrúi er starfsmaður
landbúnaðarnefndar.
Almennt stjórnunarsvið:
Umhverfisfulltrúi starfar og stjórnar í samræmi við
lög og reglugerðir sem gilda um landbúnaðarmál
og skipulags- og umhverfismál sveitarfélaga.
Einnig eftir lögum er varða opinbera þjónustu
og stjórnsýslu, samkvæmt markmiðum
sveitarstjórnar og í samræmi við fjárhagsáætlun
Hvalfjarðarsveitar á hverjum tíma.
Menntunar- og hæfniskröfur:
• Háskólamenntun sem nýtist í starfi.
• Þekking og reynsla af umhverfismálum er
æskileg.
• Reynsla af störfum í opinberri stjórnsýslu er
kostur.
• Færni í mannlegum samskiptum auk forystu-
og skipulagshæfileika.
• Frumkvæði og sjálfstæði í vinnubrögðum.
• Hæfni til að tjá sig í ræðu og riti.
Kjör:
Laun og starfskjör eru samkvæmt
kjarasamningum viðkomandi stéttarfélags og
Sambands íslenskra sveitarfélaga.
Umsóknarfrestur er til og með 6. febrúar 2022.
Æskilegt er að viðkomandi geti hafið störf sem
fyrst.
Umsóknum skal fylgja ítarleg starfsferilsskrá
og kynningarbréf þar sem gerð er grein fyrir
ástæðu umsóknar og rökstuðningur fyrir hæfni
viðkomandi í starfið.
Umsóknir skal senda á skrifstofu
Hvalfjarðarsveitar, Innrimel 3, 301 Akranes eða á
netfangið hvalfjardarsveit@hvalfjardarsveit.is
Nánari upplýsingar um starfið veitir Linda Björk
Pálsdóttir sveitarstjóri í síma 433-8500 og á
netfanginu linda@hvalfjardarsveit.is

Hvalfjarðarsveit er öflugt sveitarfélag með um
690 íbúa. Náttúrufegurð er mikil og möguleikar
til að njóta fjölbreyttrar útiveru eru óþrjótandi.
Hvalfjarðarsveit er dreifbýlt sveitarfélag með
litlum íbúakjörnum. Þar er nægt lóðaframboð,
fjölbreytt atvinnutækifæri, öflugur landbúnaður,
vaxandi ferðaþjónusta og metnaðarfullt
skólastarf.
Mikil uppbygging hefur átt sér stað á
atvinnusvæðinu við Grundartanga með
fjölbreyttum fyrirtækjum. Hvalfjarðarsveit er
í nálægð við þéttbýli og í góðu samstarfi við
nágrannasveitarfélög. Nánari upplýsingar má
finna á www.hvalfjardarsveit.is
Umhverfisfulltrúi
Laust er til umsóknar starf umhverfisfulltrúa Hvalfjarðarsveitar. Um er að ræða 50% starf innan stjórnsýslu
sveitarfélagsins. Leitað er að metnaðarfullum aðila til að stýra fjölbreyttum verkefnum í umhverfismálum sveitarfélagsins.
Æskilegt er að viðkomandi geti hafið störf sem fyrst.