Skessuhorn - 26.01.2022, Blaðsíða 30

MIÐVIKUDAGUR 26. JANÚAR 202230
Hvernig fannst þér
Þorrablót Skagamanna?
Spurning
vikunnar
(Spurt á Akranesi)
Sigrún Ágústa Helgudóttir
„Mér fannst það frábært og sér-
staklega skaupið.“
Sigríður K. Valdimarsdóttir
„Mér fannst það mjög skemmti-
legt.“
Anna Berglind Einarsdóttir
„Mér fannst það virkilega
skemmtilegt.“
Ásbjörn Egilsson
„Við vorum með gesti úr bæn-
um og misstum af því.“
Sólveig Sigurðardóttir
„Mér fannst það vel skipulagt
og góð afþreying.“
Lífshlaupið er heilsu- og hvatn-
ingarverkefni Íþrótta- og
Ólympíusambands Íslands sem
höfðar til marga. Markmið þess er
að hvetja landsmenn til þess að fara
eftir ráðleggingum Embættis land-
læknis um hreyfingu hvort sem er
í frítíma, vinnu, skóla eða við val á
ferðamáta. Í ráðleggingunum seg-
ir að börn og unglingar ættu að
hreyfa sig í minnst 60 mínútur dag-
lega og fullorðnir ættu að stunda
miðlungserfiða hreyfingu í minnst
30 mínútur daglega.
Eins og ávallt eru landsmenn
hvattir til að taka þátt í Lífshlaup-
inu og skapa skemmtilega stemn-
ingu og auka félagsandann á vinnu-
staðnum eða í skólanum. Það er
gaman að geta fylgst með sinni
hreyfingu og jafnframt tekið þátt í
þessari skemmtilegu landskeppni.
Nú sem aldrei fyrr er mikilvægt að
huga vel að bæði andlegri og lík-
amlegri heilsu. Huga þarf að heils-
unni og vera dugleg/ur að hreyfa
sig reglulega, muna að allt telur.
Lífshlaupið skiptist í fjóra
keppnisflokka: Vinnustaðakeppni
frá 2. febrúar til 22. febrúar fyrir
16 ára og eldri. Framhaldsskóla-
keppni frá 2. febrúar til 15. febrúar
fyrir 16 ára og eldri. Grunnskóla-
keppni frá 2. febrúar til 15. febrú-
ar fyrir 15 ára og yngri. Einstak-
lingskeppni þar sem hver og einn
getur skráð inn sína hreyfingu
allt árið. Hægt er að skrá sig inn á
www.lifshlaupid.is.
vaks
Snæfell gerði góða ferð í Garða-
bæinn í 1. deild kvenna á laugar-
daginn þegar liðið lagði Stjörnuna
að velli, lokatölur 52:66 fyrir Snæ-
felli. Besti leikmaður Snæfells í vet-
ur, Sianni Martin, er komin í þriggja
leikja bann og var því ekki með gegn
Stjörnunni en það virtist ekki koma
að sök. Fyrsti leikhluti var hnífjafn,
Snæfell var þó með undirtökin
allan tímann en frekar lítið var um
stigaskor hjá báðum liðum, staðan
13:15 fyrir Snæfelli. Í byrjun annars
leikhluta náði Snæfell góðum kafla
og var komið með níu stiga forystu
eftir tæplega fimm mínútna leik og
hélt því forskoti fram í hálfleik, stað-
an 23:32.
Í þriðja leikhluta náðu Snæfells-
stúlkur að auka muninn enn meira
og voru komnar með 15 stiga for-
skot eftir tæplega sjö mínútna leik.
Stjarnan var þó ekki alveg á því að
gefast upp og náði að minnka mun-
inn í ellefu stig fyrir síðasta leik-
hlutann en Snæfell enn með örugga
forystu, 41:52. Í honum hleypti Snæ-
fell Stjörnunni aldrei of nálægt, þær
spiluðu af mikilli skynsemi og unnu
að lokum sanngjarnan sigur, 52:66.
Stigahæstar í liði Snæfells í leikn-
um voru þær Rebekka Rán Karls-
dóttir með 21 stig, Minea Takala
með 13 stig og Rósa Kristín Indriða-
dóttir með 12 stig. Hjá Stjörnunni
var Diljá Ögn Lárusdóttir allt í öllu
með 30 stig, Hera Björk Arnarsdótt-
ir með 8 stig og Elva Lára Sverr-
isdóttir með 6 stig.
Mikil spenna er komin í deildina
nú þegar hún er rúmlega hálfnuð.
Á toppnum sitja lið ÍR og Ármanns
með 18 stig, í þriðja til fimmta sæti
eru lið Snæfells, Aþenu og Þórs Ak-
ureyrar öll með 14 stig og skammt á
eftir eru KR og Hamar-Þór með 12
stig í sjötta og sjöunda sæti deildar-
innar.
Næsti leikur Snæfells var í gær-
kvöldi gegn KR í Stykkishólmi, en
honum var ekki lokið þegar Skessu-
horn fór í prentun. vaks
Skagamenn léku gegn liði Sindra
í 1. deild karla í körfuknattleik á
föstudaginn og fór leikurinn fram
á Höfn í Hornafirði. Átján stigum
munaði á liðunum í deildinni fyr-
ir leikinn, Sindri er í baráttu um
að komast upp í Subway deildina á
meðan ÍA situr sem fastast á botn-
inum með tvö stig. Sindri byrj-
aði betur í leiknum, var kominn í
16:7 eftir rúmlega fimm mínútur
og bætti enn við forskotið það sem
eftir lifði leikhlutans, staðan 27:12.
Munurinn jókst síðan enn meir í
öðrum leikhluta. Á þremur mín-
útum náði Sindri að skora 13 stig
gegn aðeins þremur stigum gest-
anna, staðan 40:17 og þegar flaut-
að var til leikhlés var þetta á svip-
uðum nótum, 51:33 fyrir heima-
menn.
Lítið gekk hjá Skagamönnum
að saxa á forskot heimamanna í
þriðja fjórðungnum, liðin skiptu-
st á að skora og staðan 73:57 fyrir
fjórða og síðasta leikhluta. Skaga-
menn náðu síðan að koma aðeins
til baka því eftir rúman fimm mín-
útna leik var munurinn orðinn tíu
stig og smá von kviknaði í herbúð-
um ÍA en nær komust þeir ekki.
Sindramenn hleyptu þeim aldrei
of nálægt og öruggur sigur Sindra
í höfn á Höfn, 89:77.
Skagamenn léku eins og í
undanförnum leikjum án Banda-
ríkjamannsins Cristopher Clover.
Hann fór til heimalandsins í jólafrí
í desember og fékk síðan kóvid og
hefur því enn ekki fengið að koma
til landsins en er væntanlegur fyr-
ir mánaðamótin. Nestor Saa ákvað
að yfirgefa Skagamenn á síðasta
ári og fór erlendis. Bretinn Lucien
Christofis var að spila sinn annan
leik fyrir ÍA og styrkir liðið mik-
ið en hann hefur leikið í Svíþjóð
undanfarin ár. ÍA hefur nú tapað
fimm leikjum í röð í deildinni eft-
ir að hafa unnið sinn fyrsta sigur
gegn Hrunamönnum um miðjan
desember.
Stigahæstir í liði ÍA voru þeir
Lucien Christofis með 28 stig,
Davíð Alexander Magnússon með
15 stig og Þórður Freyr Jónsson
með 14 stig. Í liði Sindra var Pat-
rick Simon með 20 stig, Jordan
Connors með 19 stig og 20 fráköst
og Tómas Orri Hjálmarsson með
17 stig.
Næsti leikur Skagamanna er
gegn Fjölni sunnudaginn 30. jan-
úar á Akranesi og hefst leikurinn
klukkan 19.15.
vaks
Lífshlaupið hefst í byrjun febrúar
Snæfell nálgast toppbaráttuna eftir sigur á Stjörnunni
ÍA í sigurleiknum gegn Hrunamönnum í desember. Ljósm. vaks
ÍA tapaði gegn Sindra