Skessuhorn - 26.01.2022, Page 28

MIÐVIKUDAGUR 26. JANÚAR 202228
Vörur og þjónusta
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
S
K
E
S
S
U
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Dreifi bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
- Meirapróf - Fjarnám - Aukin ökuréttindi
Verkleg kennsla/próf; Akranes - Reykjavík,- valkvætt.
Upplýsingar á aktu.is og í síma 892-1390.
Ökuskóli allra landsmanna
Pennagrein
Pennagrein
Í vor verða 28 ár síðan Snæfellsbær
varð til við sameiningu fjögurra
sveitarfélaga; Staðarsveitar, Breiða-
víkurhrepps, Neshrepps utan Enn-
is og Ólafsvíkurkaupstaðar. Segja
má að sú sameining hafi heppn-
ast vel og íbúar sveitarfélagsins
séu ánægðir hvernig til tókst bæði
í dreifbýli og þéttbýli. Okkur hef-
ur tekist að byggja upp öflugt sam-
félag með sterka innviði og góða
þjónustu. Hins vegar er mikilvægt
að skoða stöðuna á hverjum tíma
og hugsa til framtíðar hvað varð-
ar uppbyggingu samfélagsins, íbú-
um til heilla. Þess vegna tók bæjar-
stjórn Snæfellsbæjar þá ákvörðun
að óska eftir sameiningarviðræðum
við Eyja- og Miklaholtshrepp.
Ástæða þess að bæjarstjórn Snæ-
fellsbæjar telur skynsamlegt að
sameina þessi sveitarfélög er sú
að með því munum við efla bæði
sveitarfélögin á svo margan hátt og
þá sérstaklega dreifbýlið á sunnan-
verðu Snæfellsnesi. Með samein-
ingu yrði ein landfræðileg heild frá
Haffjarðará að Búlandshöfða sem
skapar mikil tækifæri til framtíðar
fyrir íbúa svæðisins alls.
Það er ekkert launungarmál að
stærsta málið hvað varðar sam-
eininguna er framtíð skólastarfs á
sunnanverðu Snæfellsnesi. Það er
mín skoðun að með sameiningu
sveitarfélaganna getum við rekið
einn öflugan dreifbýlisskóla, sem
er lykilatriði fyrir öflugri byggð á
svæðinu. Sú staðreynd að börnum
á svæðinu hefur fækkað mikið er
verkefni sem þarf að bregðast við
með öflugri viðspyrnu og það ger-
um við með því að efla skólastarfið.
Þannig fáum við unga fólkið til að
vera áfram og nýja íbúa til að koma
og búa á svæðinu.
Við í Snæfellsbæ erum ákaf-
lega stolt af okkar skólastarfi og
er skólinn á Lýsuhóli þar engin
undantekning. Þar hefur í gegnum
árin verið ákaflega kröftugt skóla-
starf með ýmsum skemmtilegum
áherslum sem hafa vakið athygli
á landsvísu. Nemendur sem hafa
lokið námi frá Lýsuhólsskóla hafa
skarað fram úr á mörgum sviðum
sem segir margt um skólastarfið.
Atvinnutækifæri í dag eru það
fjölbreytt að fólk getur í æ meira
mæli unnið vinnu sína að stórum
hluta heima frá sér sem er afar já-
kvætt. Bæði sveitarfélögin hafa
byggt upp ljósleiðarakerfi sem er
bylting í fjarskiptum fyrir fólk-
ið í dreifbýlinu og jafnframt eyk-
ur möguleika á atvinnuþátttöku frá
heimili.
Fjárhagsstaða beggja sveitarfé-
laga er góð og hefur því umræða
um fjármál sveitarfélaganna ekki
verið eins áberandi eins og í mörg-
um öðrum sameiningum sem er já-
kvætt.
Sú staðreynd að við sameiningu
sveitarfélaganna komi tæpar 600
milljónir inn í samfélagið frá Jöfn-
unarsjóði sveitarfélaga gefur okkur
síðan tækifæri á að efla svæðið og
samfélagið í heild, enn frekar en nú
er.
Sú spurning hefur komið fram
hvort það muni breytast hvar fólk
sæki þjónustu eins og t.d. versl-
un, læknisþjónustu og almenn að-
föng svo eitthvað sé nefnt. Þá er
því til að svara að sjálfsögðu breyt-
ist það ekkert og fólk sækir þjón-
ustu á hverjum tíma sem hentar
hverju sinni enda binda hreppa-
mörk ekki hvert fólk vill fara í þeim
efnum. Hins vegar bind ég vonir
við að samstarf og samvinna fólks-
ins í dreifbýlinu verði enn meiri en
nú er m.a. vegna þeirrar staðreynd-
ar að einn öflugur skóli getur orðið
„límið“ sem drífur það áfram eins
og við þekkjum frá starfsemi Lýsu-
hólsskóla.
Starfsemin í Breiðabliki hef-
ur verið að eflast á undanförnum
árum og sé ég fyrir mér að hún
muni eflast enn frekar og segja má
að Breiðablik sé hliðið inn á Snæ-
fellsnes fyrir ferðaþjónustuna.
Halda má áfram að efla það sem
boðið verður upp á þar með fjöl-
breyttari þjónustu fyrir svæðið og
þá sem okkur heimsækja.
Ágætu íbúar! Þann 19. febrúar
næstkomandi munu íbúar Eyja- og
Miklaholtshrepps og Snæfellsbæj-
ar kjósa um sameiningu sveitarfé-
laganna og skora ég á alla að mæta
og nýta sér kosningarrétt sinn, það
ætla ég að gera og segja JÁ.
Kristinn Jónasson, bæjarstjóri
Snæfellsbæjar.
Horfum saman
til framtíðar
Í nýjasta hefti Náttúru-
fræðingsins er grein um fisk-
tegundina brisling sem hef-
ur fundist í vaxandi mæli
við Íslandsstrendur frá
2017. Í greininni er getið
um alla þekkta fundarstaði
brislings við landið hing-
að til. Brislingur er fremur
strandlægur fiskur og hef-
ur nú fundist víða við sunn-
an- og vestanvert landið,
flestir út af Rangársandi og
Landeyjasandi, í Faxaflóa,
Arnar firði og Ísafjarðardjúpi.
Langflestir brislinganna voru
kynþroska fiskar. „Brislingur
er mikilvæg stærð í vistkerf-
inu í Eystrasalti og Norður-
sjó og spennandi verður að
fylgjast með hvernig honum
muni reiða af hér við land,“
segir í frétt frá Hafrann-
sóknastofnun.
Brislingur líkist mjög
ungsíld í útliti. Fiski-
fræðingar útiloka ekki þann
möguleika að hér við land sé
þessi fisktegund að vaxa og
mögulega nýr nytjastofn að
verða til.
mm
Brislingur er ný fisktegund við Ísland
Miklar endurbætur voru gerðar
á strandveiðikerfinu á síðastliðnu
kjörtímabili með 12 daga kerfi sem
treysti öryggi sjómanna, efldi sjáv-
arbyggðir ásamt nýliðun og jók
jafnræði í greininnni. Annað okk-
ar leiddi þá vinnu í góðri, þverpóli-
tískri samvinnu á Alþingi og í sam-
starfi við sjómenn og hagsmuna-
samtök þeirra. Ekki náðist á enda-
sprettinum að tryggja varanlega
48 daga til veiðanna. Það er auð-
velt ef viljinn er til staðar. Raunar
er löngu tímabært að endurskoða
útfærslu og samsetningu félagslega
hluta fiskveiðistjórnunarkerfisins,
þ.e. 5,3% af heildarúthlutuðum
afla á Íslandsmiðum hvert ár.
Okkur þingmönnum tókst að
efla strandveiðar á síðasta kjör-
tímabili undir forystu VG. Það
ber að gera áfram, enda jákvæð
byggðaaðgerð. Stórútgerðin sér
um sína.
Ár sjálfbærra veiða
Afli strandveiðibáta dreifðist á 51
stað vítt og breitt um landið síð-
astliðið sumar en 672 leyisfhafar
stunduðu veiðarnar. Mjög margir
þeirra eru háðir veiðunum sem
hluta lífsafkomunnar. Mörg afleidd
störf í fullvinnslu í landi fylgja
veiðunum og þjónustu við grein-
ina, ásamt auknum tekjum hafna.
Strandveiðar eru umhverfisvæn-
ustu veiðar sem til eru. Sameinuðu
þjóðirnar gáfu út að árið 2022 skuli
vera ár sjálfbærra veiða þar sem
sérstök áhersla er lögð á handfæra-
veiðar. Það rímar vel við strand-
veiðar.
Vissulega á að vinna að útgerð
með vísindalegri nálgun að nýt-
ingu auðlinda. Þegar sveiflur verða
í afkomu lífstofna þarf að bregð-
ast við, t.d. með því að auka nytj-
ar eða minnka. Það er hins vegar
pólitísk ákvörðun hvar skerðingin,
vissulega háð magninu, er látin
koma niður. Vísindaleg ráðgjöf er
eitt en annað hvernig er unnið úr
sveiflum í útgefinni veiðiráðgjöf og
aflareglu hverju sinni. Þar er brýnt
að forgangsraða í þágu þeirra sem
ekki þola mikla ágjöf, þ.e. smærri
útgerða.
Betur má ef duga skal
Það urðu okkur mikil vonbrigði
að sjá að strandveiðar á kom-
andi sumri skulu verulega skert-
ar. Í stað þess ætti að tryggja 48
vinnudaga á veiðitímabilinu. Það
lögðu þingmenn VG til á á liðnu
þingi m.a. í krafti formennsku í at-
vinnuveganefnd. Skerðingin set-
ur veiðarnar í uppnám. Hún get-
ur rýrt mikla vinnu sem farið hefur
fram við að ná samstöðu um efld-
ar strandveiðar og að tryggja þær til
framtíðar, með jafnræði og öryggi
sjómanna í huga.
Sagan segir okkur að margbreyti-
legar ráðstafanir hafa verið gerðar
fyrir stórútgerðina í gegnum tíðina
sem ræður yfir 80 til 90% af öllum
afla á Íslandsmiðum. Má þar nefna
m.a. aukna yfirfærslu aflaheimilda
á milli ára, sem talin hefur rúmast
innan vísindalegrar ráðgjafar, og
einnig niðurfellingu veiðigjalda.
Handfæraveiðar eru vistvænar
og geta afar seint valdið ofveiði eða
raskað sjávarlífríkinu. Meðal annars
þess vegna á að leita allra leiða til að
koma í veg fyrir niðurskurð 2022.
Leyfa heldur þessari ábyrgu og
sjálfbæru atvinnugrein að blómstra
og festast varanlega í sessi í sjávar-
byggðum landsins. Það er á ábyrgð
okkar í VG, sem komum strand-
veiðunum á 2009, að standa vörð
um þær og efla.
Vel getur verið að ráðherrann
okkar nái að draga úr skerðingunni
þegar vorar. Hún hefur viljann til
þess og hugur hennar stendur til
þess í anda stefnu VG. Við bæði
treystum og hvetjum til þess að svo
megi verða á ári sjálfbærra veiða.
Lilja Rafney Magnúsdóttir, vara-
þingmaður VG í Norðvesturkjör-
dæmi.
Ari Trausti Guðmundsson, fv.
þingmaður VG í Suðurkjördæmi.
Sjálfbærar
strandveiðar!