Skessuhorn - 26.01.2022, Blaðsíða 19

MIÐVIKUDAGUR 26. JANÚAR 2022 19
Dagur í lífi...
Nafn: Dóróthea Elísdóttir.
Fjölskylduhagir/búseta: Ég er
gift Hilmari Þór Hákonarsyni
sjúkraþjálfara og við eigum fjög-
ur börn á aldrinum 19-27 ára.
Ekki má gleyma að ég er nýorðin
amma og á litla nöfnu sem heitir
Dóróthea Björk Blöndal.
Starfsheiti/fyrirtæki: Ég er leik-
skólakennari og starfa sem deildar-
stjóri í leikskólanum Klettaborg í
Borgarnesi, sem er auðvitað besti
vinnustaðurinn.
Áhugamál: Ekki spurning: Úti-
vist, hreyfing og almenn heilsuefl-
ing.
Dagurinn: Þriðjudagurinn 18.
janúar 2022
Klukkan hvað vaknaðirðu og
hvað var það fyrsta sem þú gerð-
ir? Ég vaknaði klukkan 5:40. Það
fyrsta sem ég geri þegar ég vakna
er að taka lýsi og vítamínin mín
og hleypa hundinum út, var svo
mætt í íþróttahúsið klukkan 6:10 í
Morgunþrek.
Hvað borðaðirðu í morgunmat?
Ég fékk mér Cheerios og All-bran
í morgunmat með Hleðslu.
Hvenær fórstu til vinnu og
hvernig? Ég mætti í vinnuna
klukkan 7:45. Ég fer alltaf labbandi
í vinnuna.
Fyrstu verk í vinnunni? Fyrsta
verk í vinnunni er að stimpla mig
inn, fer svo að kveikja undir hafra-
grautnum og gera deildina klára til
þess að taka á móti börnunum.
Hvað varstu að gera klukkan 10?
Klukkan 10 var ég í ávaxtastund,
við setjumst alltaf niður og fáum
okkur ávexti á morgnana.
Hvað gerðirðu í hádeginu? Í há-
deginu var ég í Lubbastund með
elstu börnunum á deildinni. Lubbi
er að kenna börnunum málhljóðin
og í dag var það „L“ sem var verið
að leggja inn hjá börnunum.
Hvað varstu að gera klukkan 14?
Klukkan 14 var ég í fataherberginu
að taka á móti börnunum inn úr
útiveru og fór svo að undirbúa síð-
degishressinguna.
Hvenær hætt og það síðasta
sem þú gerðir í vinnunni? Ég
klára vinnudaginn klukkan 16 en
í dag var starfsmannafundur eftir
vinnu svo vinnudagurinn var að-
eins lengri eða til 18.15. Það síð-
asta sem ég gerði í vinnunni var að
ganga frá í fataherberginu.
Hvað gerðirðu eftir vinnu? Þegar
ég kom heim úr vinnunni náði ég
að horfa á síðustu tíu mínúturnar
í leik Íslands við Ungverja í hand-
bolta sem voru mjög spennandi,
ÁFRAM ÍSLAND!
Hvað var í kvöldmat og hver eld-
aði? Það var nú ekki mikil metn-
aður lagður í kvöldmatinn þenn-
an daginn, feðgarnir á heimilinu
fengu sér pylsur sem þeir elduðu
sjálfir en ég fékk mér boost með
geggjuðu heimagerðu múslí.
Hvernig var kvöldið? Kvöldið var
mjög rólegt eftir langan vinnudag.
Vafraði um á netinu og gleymdi
mér inni á „Fjölbreytt kennsla“ þar
sem finna má frábæran fróðleik og
verkefni sem hægt er að nýta í leik-
skólastarfinu.
Hvenær fórstu að sofa? Ég fór að
sofa um klukkan 22.30.
Hvað var það síðasta sem þú
gerðir áður en þú fórst að hátta?
Skoðaði myndir af barnabarninu.
Hvað stendur upp úr eft-
ir daginn? Það sem stendur helst
upp úr eftir daginn er hvað allir
eru samtaka og tilbúnir að láta allt
ganga vel í Klettaborginni í þessu
Covid veseni.
Eitthvað að lokum? Takk fyrir
mig!
Leikskólakennara
í Borgarnesi
Qair Iceland ehf. áformar að reisa vindorkugarðinn
Múla. Þróunarverkefnið er matsskylt skv. lögum um
umhverfismat framkvæmda og áætlana nr. 111/2021,
tl. nr. 3.02 í 1. viðauka laganna.
Nú hugar þróunaraðili að því að halda opinn kynningar-
fund og vegna Covid-19 faraldursins verður hann sendur
út rafrænt.
Kynningarfundurinn mun fara fram 10. febrúar næstkom-
andi milli klukkan 20:00-22:00 og verður hlekkur á
fundinn aðgengilegur á vefslóðinni www.efla.is/streymi
Eru íbúar og hagsmunaaðilar hvattir til að kynna sér
verkefnið. Á fundinum verður einnig til umfjöllunar
fyrirhugað umhverfismat þar sem starfsmenn EFLU
verkfræðistofu kynna helstu áherslur matsins, auk þess
að ráðfæra sig við fundargesti.
Umhverfismat vegna
vindorkuverkefnisins Múla
Héraðsdómur Reykjavíkur kvað á
mánudaginn upp úrskurð þar sem
íslenska ríkið er sýknað af kröf-
um Þórðar Þórðarsonar vegna
ákvörðunar lögreglustjórans á
Vesturlandi um að framlengja ekki
skipun Þórðar í embætti lögreglu-
manns. Í júní 2019 fékk Þórður til-
kynningu með bréfi um að lög-
reglustjórinn á Vesturlandi hefði
ákveðið að auglýsa stöðu hans laust
til umsóknar. Þórður hafði starfað
sem lögreglumaður frá árinu 1985.
Í mars 2015 átti hann samtal við
yfirlögregluþjón vegna kvartana
sem höfðu borist um framkomu
hans. Í nóvember 2018 átti hann
aftur samtal, þá við lögreglustjóra
og yfirlögregluþjón á Vestur-
landi, vegna kvartana frá samstarfs-
fólki sem hafði ítrekað kvartað yfir
framkomu hans. Á þeim fundi var
honum kynnt að til greina kæmi
að auglýsa stöðu hans lausa til um-
sóknar vegna þessara samstarfsörð-
ugleika. Í maí 2019 ræddi yfir-
lögregluþjónn við tvær lögreglu-
konur sem voru orðnar þreyttar
á ástandinu og sögðust íhuga að
hætta störfum. Loks í júní sama
ár barst kvörtun fimm samstarfs-
manna Þórðar yfir einelti og var í
kjölfarið ákveðið að auglýsa stöð-
una lausa. Þegar Þórður leitaði
skýringa var honum sagt að sam-
skiptaörðugleikar við annað starfs-
fólk væri ástæðan.
Þórður telur brotið á rétti sín-
um með ákvörðun lögreglustjórans
að framlengja ekki skipun hans í
starfi og auglýsa stöðuna þess í stað
lausa til umsóknar. Jafnframt tel-
ur hann að í ljósi þess að ákvörðun
lögreglustjóra megi rekja til þess
að samstarsfólk Þórðar hafi kvart-
að undan honum hafi hann átt að
fá andmælarétt og tækifæri til að
bæta ráð sitt áður en honum væri
sagt upp.
Í niðurstöðu dómsins kemur
fram að embættismenn geti ekki
haft réttmætar væntingar til þess
að skipun þeirra í embætti verði
framlengt umfram það sem segir
í skipunarbréfi. Jafnframt kemur
fram að ákvörðunin hafi átt langan
aðdraganda og að yfirmenn emb-
ættisins höfðu átt samtöl við Þórð
vegna þeirra samskiptaörðugleika
sem ákvörðunin byggir á. Var því
hafnað að Þórður hafi ekki feng-
ið þann andmælarétt sem hann
átti rétt á. Með hliðsjón af þessu
var það niðurstaða dómsins að
ákvörðunin um að auglýsa emb-
ættið laust til umsóknar hafi haft
skýrar lagaheimildir og var íslenska
ríkið því sýknað.
arg
Ríkið sýknað af kröfum fyrrum
lögreglumanns á Vesturlandi