Skessuhorn - 26.01.2022, Blaðsíða 16

MIÐVIKUDAGUR 26. JANÚAR 202216
Mesti afli ársins barst að landi milli lægða
Miðvikudaginn 19. janúar gerði
loks blíðviðri á og við Snæfells-
nes. Þá héldu allflestir bátar á sjó
og metafli á þessu ári barst á land
í Snæfellsbæ, eða alls 415 tonn
í Ólafsvík og Rifi. Í Ólafsvík var
landað 167 tonum og 248 tonnum
í Rifi. Þar af var línubáturinn Rifs-
nes SH með 77 tonn og netabátur-
inn Bárður með 39 tonn og drag-
nótarbáturinn Magnús SH með 22
tonn, en aðrir voru með minna. Að
sögn hafnarvarðar í Rifi voru línu-
bátar almennt með góðan afla.
Í Ólafsvík var netabáturinn Ólaf-
ur Bjarnason með 28 tonn, drag-
nótarbáturinn Gunnar Bjarnason
með um 15 tonn og dragnótarbát-
urinn Guðmundur Jensson var með
12,6 tonn og þar af var karfi fimm
tonn. Að sögn Illuga Jónassonar
skipstjóra var meðalverð á karfan-
um þennan dag 728 krónur sem er
hærra verð en fékkst fyrir þorskinn.
Illugi var því heldur betur ánægð-
ur með verðið á karfanum og sagði;
„það var góð EBITA í þessum
róðri,“ og brosti sínu breiðasta.
Mikið líf er við hafnirnar þegar
vel veiðist og margir bátar á sjó í
glennunum milli lægða. Því var
nóg að gera hjá löndunarmönnum
markaðanna og í slægingarþjón-
ustunum tveimur sem eru í Snæfell-
bæ. Það þurfti að flokka og slægja
fiskinn og unnið langt fram á nótt
við þá vinnu. Fréttaritari Skessu-
horns kíkti á hafnirnar í Snæfells-
bæ og tók púlsinn á sjómönnum
þegar þeir voru í óða önn að landa
og ditta að dragnótinni, en næturn-
ar vilja taka upp á því að rifna við
veiðarnar og þá þarf handlagna sjó-
menn til þess að bæta þær.
af
Grzegorz Marcin Lakomski á línubátnum Brynju SH að landa tíu tonnum sem fékks á 36 bala. Guðmundur Gunnlaugsson á línubátnum Signýju HU að byrja löndum.
Garðar Kristjánsson á dragnótarbátnum Matthíasi SH að hífa aflann frá borði.
Magnús Guðni Emanúelsson á línubátnum Rán SH við löndunarkranann.
Mikið líf þegar margir eru á sjó. Þarna er netabáturinn Ólafur Bjarnason að landa
og Þórsnes SH að koma að bryggju, en Þórsnesið landar afla sínum í Stykkishólmi.
Ingólfur Áki Þorleifsson, Jón Bjarki Jónatansson og Magnús Darri Sigurðsson á
dragnótarbátnum Magnúsi SH að gera við dragnótina sem rifnaði við veiðarnar.
Eggert Bjarnason á Magnúsi SH fékk ekki að bæta nótina að
þessu sinni vegna þess að einhver þarf að hífa körin frá borði.
Illugi Jónasson skipstjóri á Guðmundi Jenssyni SH var
ánægur með verðið á karfanum sem var 728 krónur þenn-
an miðvikudag, „algjör gull karfi,“ sagði Illugi.
Davíð Óli Axelsson að hífa þorskinn frá borði á Esjari.