Skessuhorn - 08.06.2022, Blaðsíða 13

MIÐVIKUDAGUR 8. JÚNÍ 2022 13
Verkefnastjóri
Kennslu og
þróunar
Háskólinn á Bifröst leitar að verkefnastjóra í kennslufræðum í fullt starf.
Háskólinn á Bifröst leitar að verkefnastjóra í kennslufræðum í fullt starf. Um er að ræða tvíþætt starf, sem felur annars vegar í sér
kennslufræðilega aðstoð og þróun gæða háskólanáms í stafrænni miðlun og hinsvegar utanumhald og verkefnastýringu staðlota
grunnnáms. Við leitum að metnaðarfullum einstaklingi til að vinna með góðum hópi í stuðningi við kennara og þróun starfræns náms.
Háskólinn á Bifröst leggur áherslu á samþættingu fræða og framkvæmdar í kennslu og er leiðandi hér á landi í stafrænni miðlun náms
á háskólastigi.
Helstu verkefni og ábyrgð:
•Námskeiðahald og kennslufræðileg ráðgjöf í samráði við framkvæmdastjóra kennslu og þjónustu og deildarforseta.
•Þróun á kennslufræði starfræns náms og lausna í stafrænni kennslu
•Aðstoð við nám- og kennsluskrárvinnu í samvinnu við verkefnastjóra, kennslustjóra og deildarforseta
•Kennslumat og úrvinnsla gagna
•Umsjón með vinnuhelgum grunnnáms, verkefnastjórnun og gerð stundatöflu
•Samskipti við bóksölu vegna pantana á námsbókum
Menntunar- og hæfniskröfur:
•Framhaldsnám á sviði menntunarfræða eða á öðru sviði sem nýtist í starfi
•Reynsla af þróun kennsluhátta er kostur
•Góð almenn tölvuþekking og þekking á stafrænum kennsluháttum
•Frumkvæði og sjálfstæð vinnubrögð
•Góð hæfni í stýringu verkefna og skipulagshæfni
•Góð Þekking á stafrænum kennsluháttum
•Góð samskiptahæfni og hæfni í að vinna með fjölbreyttum hópum
•Góð kunnátta í íslensku og ensku, bæði í rituðu og töluðu máli
•Kennslureynsla kostur
•Þekking á háskólasamfélagi kostur
Umsókn: Með umsókn fylgi ferilskrá ásamt kynningarbréfi þar sem lýst er reynslu sem nýtist í starfi.
Starfsstöð verkefnisstjóra í kennslufræðum er á Bifröst með ákveðna viðverudaga í Reykjavík
Nánari upplýsingar Halldóra Lóa Þorvaldsdóttir, framkvæmdastjóri kennslu og þjónustu kennslustjori@bifrost.is sími 433-3000
eða Hulda Dóra Styrmisdóttir mannauðsstjóri, mannaudsstjori@bifrost.is. Umsóknir skilist inn á umsóknarvefnum Alfred.is.
Umsóknarfrestur er til og með 13. Júní 2022 bifrost.is
bifrost.is
Árgangur 1971 frá Akranesi er án
efa samheldnasti árgangur fyrr og
síðar og hópurinn sem slíkur beitt
sér fyrir ýmsum framfaramálum í
heimabæ í gegnum tíðina. Síðast-
liðinn laugardag var komið að
árgangsmóti, sem haldið er fimmta
hvert ár, og var glatt á hjalla að
venju.
Dagskráin hófst á fjallgöngu á
Akrafjall. Auk þess var safnað fyr-
ir þyrluferð fyrir skólabræðurn-
ar Svenna og Benna Kalla svo þeir
gætu hitt mannskapinn á toppi
fjallsins, en þeir eiga aðeins erfið-
ara með gang en aðrir. Sem og
reyndar einnig bæjarstjórinn Sæv-
ar Freyr en samkvæmt læknisráði
fer hann ekki í fjallgöngur. Eftir
hádegið voru svo Langisandur sótt-
ur heim og farið í Guðlaugu og í
kjölfarið í skoðunarferð um bæinn.
Venju samkvæmt var svo hátíðar-
dagskrá um kvöldið þar sem félags-
heimilið Miðgarður var miðpunkt-
urinn en þar var borðað, skemmti-
atriði flutt og dansað fram á rauða
nótt með DJ Óla Palla eins og í
félagsmiðstöðinni Arnardal forðum
daga. „Alveg hreint frábærlega vel
heppnað mót í alla staði og gam-
an að fá að vera með þessum snill-
ingum,“ skrifaði Pétur Magnússon
sem tók meðfylgjandi myndir sem
hann góðfúslega leyfði Skessuhorni
að birta.
mm/ Ljósm. pm.
Hópurinn fór í kirkjugarðinn og minntist jafnaldra þeirra, Guðráðs Sigurðssonar,
sem lést fyrr á þessu ári.
Tóku þyrluflug og göngu á topp Akrafjalls
Hópurinn á toppi Akrafjalls.
Guðmundur
flugstjóri í þyrlu-
fluginu, Benni,
Svenni og Sævar
Freyr.