Skessuhorn - 08.06.2022, Blaðsíða 54

MIÐVIKUDAGUR 8. JÚNÍ 202254
Hvaða fiskur er þinn
uppáhalds á diskinn?
Spurning
vikunnar
(Spurt í Grundarfirði)
Svavar Áslaugsson sjómaður:
Soðinn saltfiskur með kartöflum
og blómkáli.
Baldur Orri Rafnsson
tónlistarkennari
Fish and chips að sjálfsögðu
Rut Rúnarsdóttir einkaþjálfari
Pönnusteiktur þorskur í raspi.
Eydís Lúðvíksdóttir kennari
Steiktur fiskur í raspi með kart-
öflum og lauk.
Lúðvík Karlsson listamaður
Nætursaltaðir þorskhnakkar
með kartöflum og hamsatólg
eins og mamma gerði.
Pennagrein
Til hamingju með að ná kjöri. Nú
er mikilvægt að vanda sig. Eitt
af því sem kjörnir fulltrúar bera
ábyrgð á er að þeirra sveitarfélag
hafi samráð við fatlað fólk. Nú er
lag að nýjar og endurkjörnar sveit-
arstjórnir gæti að lagaskyldu sinni
til að koma upp notendaráðum fatl-
aðs fólks í hverju sveitarfélagi. Fjöl-
mörg sveitarfélög hafa nú þegar
góða reynslu af slíku fyrirkomu-
lagi sem skilar sér í betri ákvörðun-
um og betri nýtingu á fjármagni,
auk þess sem samfélög sem viðhafa
samráð verða betri staðir til að búa
á.
Hvort sem sveitarfélög hafa starf-
rækt notendaráð áður, eða hyggj-
ast leggja af stað í þá vegferð núna,
þá er mikilvægt að kalla strax eft-
ir tilnefningum frá hagsmunafélög-
um fatlaðs fólks um einstaklinga á
svæðinu til að sitja í þessum ráðum.
Undirrituð hafa verið í sam-
bandi við fatlað fólk í notendaráð-
um um allt land undanfarin miss-
eri á reglulegum fundum. Auk þess
höfum við átt samtal við starfsfólk
sveitarfélaga og kjörna fulltrúa um
þessi mál. Af þeirri reynslu höfum
við lært að það virkar vel að kjörn-
ir fulltrúar sitji í slíkum ráðum og
séu þannig í beinu talsambandi
við fatlaða íbúa í stefnumótun og
ákvarðanatöku. Vel hefur gefist að
starfsfólk sveitarfélaganna sé frekar
í stuðningshlutverkum í þessum
nefndum.
Nokkur atriði sem gott er að hafa
í huga við skipan og starfrækslu
notendaráða:
Leitast við að hafa hóp fulltrúa
fatlaðs fólks ekki of lítinn þannig að
fjölbreytileiki náist.
Tryggja að fatlað fólk sé ekki í
miklum minnihluta í notendaráð-
inu.
Greiða fyrir setu í ráðinu líkt og
greitt er fyrir í öðrum fastanefnd-
um.
Passa að fundir séu haldnir í
aðgengilegu húsnæði og að gögn
séu send með hæfilegum fyrirvara
fyrir fundi til að hægt sé að kynna
sér þau í þaula.
Við skorum hér með á sveitar-
stjórnarfulltrúa sem þetta lesa, að
gera málið að sínu og tryggja að
samráð við fatlað fólk sé til fyrir-
myndar í ykkar sveit.
Ekki hika við að hafa samband
hvort sem er í síma eða tölvupósti
mottaka@obi.is. ÖBÍ er boðið og
búið að aðstoða ykkur varðandi
þessi mál og auðvitað til þess að fá
tilnefningar um fatlað fólk til sam-
starfs.
Þuríður Harpa Sigurðardóttir, for-
maður Öryrkjabandalags Íslands
Rúnar Björn Herrera Þorkelsson, for-
maður NPA-miðstöðvarinnar
Katrín Oddsdóttir, mannréttindalög-
fræðingur
Vorsýning Fimleikafélags Akra-
ness var síðastliðinn miðvikudag
í fimleikahúsinu við Vesturgötu.
Boðið var upp á tvær sýningar og
var húsfyllir á þeim báðum. Þar
sýndu iðkendur og þjálfarar þeirra
afrakstur þrotlausra æfinga í vet-
ur. Þema sýninganna var gömlu
ævintýrin og mátti sjá fjölmargar
persónur úr sögum H.C Andersen,
Grimms bræðra, Astrid Lindgren
og fleiri bregða fyrir. Allir iðkend-
ur FIMA, 5 ára og eldri, koma fram
í sýningunni og er óhætt að segja
að stemningin í nýju fimleikahöll-
inni hafi verið frábær. Fimleikar
eru með fjölmennari íþróttagrein-
um sem eru æfðar á Akranesi og
hefur nýtt fimleikahús virkað sem
vítamínsprauta á starfið. Eftir sýn-
ingarnar voru seldar grillaðar pyls-
ur, gos og svalar utan húss, en sýn-
ingarnar voru um leið mikilvæg
fjáröflun fyrir félagið. gó
Sumarhátið íþróttaskólans í Dala-
byggð fór fram laugardaginn 4.
júní. Mikil stemning, fjör og gleði
var í hópi barnanna. „Íþrótta-
skólinn er fyrir öll börn 0-6 ára
og hefur verið starfræktur núna í á
annað ár og gengur vel. Þetta var
síðasta skiptið á þessari önn, en við
komum til með að byrja aftur síð-
ari hlutann í ágúst,“ segir Guðbjört
Lóa Þorgrímsdóttir. Allir voru
ánægðir með hoppukastala, andlist-
málningu, leiki og grillaðar pylsur í
lokin. mm
Ævintýrastemning á vorsýningu FIMA
Íþróttaskólinn í Dölum kominn í sumarfrí
Opið bréf til nýkjörinna sveitarstjórnarfulltrúa!