Skessuhorn - 08.06.2022, Blaðsíða 10

MIÐVIKUDAGUR 8. JÚNÍ 202210
Heildarmat fasteigna á Íslandi
hækkar að meðaltali um 19,9% frá
yfirstandandi ári og verður í heild
12.627 milljarðar króna, sam-
kvæmt nýju fasteignamati Þjóð-
skrár Íslands fyrir árið 2023. Er
þetta mesta hækkun fasteignamats
frá hruni. Hægt er að sjá fyrirhug-
að mat á www.skra.is frá og með 1.
júní ár hvert og það tekur svo gildi
31. desember.
Að óbreyttu kemur þetta
mjög við pyngju húseigenda,
bæði einstaklinga og fyrirtækja.
Sveitarfélög hafa hins vegar
þann möguleika að bregðast við
hækkun inni með lækkun álagning-
arprósentu fasteignaskatts á móti
og hafa nokkur sveitarfélög þegar
tilkynnt að sú leið verði farin, ekki
liggur hins vegar fyrir hversu mik-
il lækkunin verður í þeim tilvikum.
Fasteignamat er gangverð,
umreiknað til staðgreiðslu, sem
ætla má að eignin hefði haft í
kaupum og sölum í febrúarmánuði
þessa árs.
Vesturland
Ef fasteignamat á sérbýli á Vestur-
landi er skoðað sést að langmesta
hækkunin hefur orðið í Grundar-
firði en minnst í Helgafellssveit
(ekki sameinað sveitarfélag með
Stykkishólmi á viðmiðunartím-
anum). Fasteignagjöld miðast við
mat á febrúarverðlagi ári áður en
gjöldin eru lögð á, en hafa ber í
huga að í sumum sveitarfélög-
um liggur ekki mikill fjöldi seldra
eigna til grundvallar matinu.
Hækkunin mælist svo í landshlut-
anum:
Akraneskaupstaður 19,7%
Borgarbyggð 17,0%
Dalabyggð 16,0%
Eyja- og Miklaholtshreppur 9,5%
Grundarfjarðarbær 29%
Helgafellssveit 8,9%
Hvalfjarðarsveit 22,2%
Skorradalshreppur 14,6%
Snæfellsbær 24,7%
Stykkishólmur 21,2%
Tilgangur fasteignamats er fyrst
og fremst að skapa grundvöll fyr-
ir álagningu opinberra gjalda en
matið er stofn fasteignagjalda og
erfðafjárskatts. Fasteignamat hef-
ur einnig verið notað sem viðmið
í ýmsum öðrum tilgangi. Til dæm-
is er fjárhæð stimpilgjalds vegna
þinglýsingar kaupsamnings háð
fasteignamati eignar. Enn frem-
ur miða sumar lánastofnanir veð-
hæfni fasteigna við ákveðið hlut-
fall af fasteignamati. Á vef Þjóð-
skrár kemur fram að mikilvægt sé
að eigendur gangi úr skugga um
að upplýsingar um fasteignir þeirra
séu rétt skráðar.
gj
Svandís Svavarsdóttir matvælaráð-
herra hefur ákveðið að skipa þriggja
manna svokallaðan spretthóp sem
skila á ráðherra tillögum og val-
kostagreiningu vegna alvarlegr-
ar stöðu í matvælaframleiðslu hér
á landi. Nefnir hún hópinn sprett-
hóp þar sem hann skal skila af sér
niðurstöðu í síðasta lagi 13. júní og
verður hún kynnt fyrir ríkis stjórn
daginn eftir. Verð á helstu aðföng-
um hefur hækkað gríðarlega í kjöl-
far innrásar Rússa í Úkraínu og litl-
ar líkur eru á að þær hækkanir gangi
til baka á næstu mánuðum eða jafn-
vel misserum. Þessi þróun mun, að
öllu óbreyttu, kippa stoðum undan
rekstri bænda m.a. flestra sauðfjár-
og nautgripabúa. Þannig kunni
framboð á innlendri vöru að drag-
ast verulega saman næstu misseri
með tilheyrandi áhrifum á fæðuör-
yggi.
„Það liggur fyrir að áhrif inn-
rásarinnar í Úkraínu verða
langvinn og því ljóst að taka verður
stöðuna alvarlega. Formaður hóps-
ins verður Steingrímur J. Sigfús-
son, fyrrverandi ráðherra, en auk
hans sitja í hópnum Vigdís Häsler,
framkvæmdastjóri Bændasamtaka
Íslands, og Saga Guðmundsdóttir,
sérfræðingur í fjármála- og efna-
hagsráðuneytinu. Matvælaráðu-
neytið verður hópnum til aðstoð-
ar. Hópurinn skal greina einstaka
valkosti í stöðunni. Huga þarf sér-
staklega að fæðuöryggi, verðlagi og
hagsmunum neytenda og bænda í
þessu samhengi,“ segir í tilkynn-
ingu frá ráðuneytinu.
mm
Úrbeining í Sláturhúsi Vesturlands. Ljósm. úr safni/mm.
Spretthópur fjallar um
vanda kjötframleiðenda
Mikil hækkun fasteignamats milli ára
Frá Borgarnesi. Ljósm. gj
Byggingarnefnd íþróttamannvirkja
í Borgarnesi hefur samþykkt að
taka tilboði EFLU verkfræðistofu
í verkefnastjórn vegna byggingar
íþróttamannvirkja í Borgarnesi.
Sama gildir um byggingarnefnd
viðbyggingar við Grunnskóla
Borgar fjarðar á Kleppjárnsreykj-
um, en nefndin hefur ákveðið
að ráða Eflu í verkefnastjórn við
stækkun skólahússins þar. Hvort
tveggja eru umfangsmikil og kostn-
aðarsöm verkefni sem Borgarbyggð
hyggst ráðast í á næstunni og hafa
verið í undirbúningi í nokkurn
tíma.
Í báðum tilvikum er um að ræða
verkefnastjórn vegna undirbúnings
og hönnunar og mun verkefnastjór-
inn sjá um að gera verkið klárt í
útboð til lokahönnunar í samstarfi
við viðkomandi byggingarnefnd.
Þegar tilboð í lokahönnun koma
lýkur hlutverki verkefnisstjóra og
byggingarnefnda sömuleiðis. Þá
mun taka við nýr fasi sem snýr
beint að framkvæmdum og sveitar-
stjórn mun taka ákvörðun um með
hvaða hætti því verður fram haldið.
gj/ Ljósm. mm.
Þegar villtur fugl finnst dauð-
ur, skal hafa samband við Mat-
vælastofnun, nema ef augljóst er
að fuglinn hafi drepist af slysför-
um. „Best er að tilkynna um dauð-
an fugl með því að skrá ábendingu
á heimasíðu stofnunarinnar, en líka
er hægt að hringja í síma 530-4800
á opnunartíma eða senda tölvupóst
á netfangið mast@mast.is. MAST
metur hvort taka skuli sýni úr fugl-
inum,“ segir í tilkynningu.
Hræ skal látið liggja nema ef það
er þannig staðsett að nauðsynlegt
sé að fjarlægja það. Ef það er gert
skal hræið sett í plastpoka, án þess
að það sé snert með berum hönd-
um, lokað fyrir pokann og hann
síðan settur í almennt rusl. Ef við-
komandi sveitarfélag býður upp á
förgunarleið fyrir lífrænan úrgang
má setja hræið í niðurbrjótanleg-
um poka í söfnunarílát fyrir slíkan
úrgang.
Meðfylgjandi myndir sýna tvo
dauða fugla sem rak í Höfðavík á
Akranesi á mánudaginn; súlu og
æðarfugl. mm/ Ljósm. gó.
Hluti húss Grunnskóla
Borgarfjarðar á
Kleppjárnsreykjum.
Efla annast verkefnastjórn
fyrir Borgarbyggð
Íþróttamannvirkin í Borgarnesi, en þar stendur til að byggja nýtt íþróttahús.
Fugladauði enn í gangi