Morgunblaðið - 14.04.2022, Page 20

20 FRÉTTIR
Innlent
MORGUNBLAÐIÐ FIMMTUDAGUR 14. APRÍL 2022
Trönuhrauni 8, Hafnarfirði, stod.is
Invacare Colibri
Létt og nett rafskutla
sem auðvelt er að taka
sundur og setja í bíl
RAFSKUTLUR
Upplifðu frelsi
og aukin tækifæri
Hámarkshraði 8 km/klst
Hámarksdægni 16 km
Í samningi við
Sjúkratryggingar Íslands.
Verð 269.000 kr.
Gunnlaugur Snær Ólafsson
gso@mbl.is
Fátt bendir til þess að skortur á
aflaheimildum sé afgerandi skýring
þess að grásleppubátar hafa verið
staðnir að stórfelldu brottkasti að
undanförnu. Aðeins tveir þeirra 13
báta sem um ræðir höfðu hvorki
fengið úthlutað aflamark né leigt til
sín. Þetta kemur fram í svari Fiski-
stofu við fyrirspurn Morgunblaðs-
ins.
Í drónaeftirliti í mars stunduðu
allir sjö bátar sem flogið var yfir
brottkast og var um að ræða 30-90%
af öllum þorski sem fékkst í grá-
sleppunetin og var um að ræða stór-
an hrygningarþorsk, en þorskur er
óhjákvæmilegur meðafli veiðanna. Í
kjölfar umfjöllunar um brottkast
grásleppubáta hófst mikil umræða
um hvort skortur á aflaheimildum
væri skýring brottkastsins.
Flogið var á ný yfir tvo báta í síð-
ustu viku og voru þeir einnig staðnir
að brottkasti. Síðan fjóra báta til við-
bótar í gær og var brottkast greint
hjá öllum. „Af þessum 13 eru tveir
sem hafa hvorki fengið úthlutað afla-
mark né leigt til sín, einn sem hefur
leigt til sín 30 kíló og einn sem hefur
leigt til sín 18 tonn. Þremur hefur
verið úthlutað innan við tveggja
tonna aflamarki. Aðrir voru með út-
hlutaðar aflaheimildir og óveitt frá
tæplega fjórum tonnum og upp í yfir
100 tonn, einn af þeim hafði áður en
grásleppuveiðar hófust leigt frá sér
allt aflamark en leigt aftur til sín fá-
ein tonn áður en veiðar hófust,“ seg-
ir í svari Fiskistofu.
Tíu án nokkurra heimilda
Þá hafa alls 10 bátar fengið útgef-
ið leyfi til grásleppuveiða á vertíð-
inni án þess að hafa heimildir til
veiða á þorski. Jafnframt voru 10
með tveggja tonna aflamark eða
minna, sem þeir höfðu í flestum til-
vikum leigt til sín áður en sótt var
um grásleppuleyfi. „Þess ber þó að
geta að það er ekki ólöglegt eða
óeðlilegt að stunda grásleppuveiðar
án þess að hafa aflamark í þorski.
Þessir aðilar geta í einhverjum til-
vikum landað þorski í VS-afla ásamt
því að hafa möguleika á að leigja til
sín aflamark eftir á þegar ljóst er
hve mikið hefur veiðst,“ áréttar
Fiskistofa.
Benda má þó á að grásleppunet
liggja í sjó um nokkurn tíma og fæst
úr netunum þorskur sem telst ekki
af miklum gæðum og fæst því lítið
fyrir hann, að því er blaðamaður
kemst næst. Kostnaður við löndun,
veiðigjald og þjónustu fiskmarkaða
getur skapað aðstæður þar sem mik-
ill fjárhagslegur hvati er til brott-
kasts.
Brottkast ekki
vegna skorts á
aflaheimildum
- Flestir grásleppubáta sem Fiskistofa
greip með nægar heimildir í þorski
Morgunblaðið/Hafþór Hreiðarsson
Grásleppuveiðar Fiskistofa hefur
staðið fleiri báta að brottkasti.
Sigtryggur Sigtryggsson
sisi@mbl.is
Kynjahlutfall félagsmanna Lög-
mannafélags Íslands er áhyggjuefni
að mati Sigurðar Arnar Hilmarsson-
ar formanns félagsins.
Í árskýrslum LMFÍ má finna
ýmsar fróðlegar upplýsingar, segir
Sigurður Örn í grein sem hann ritar í
nýútkomið Lögmannablað. Á hverju
ári sé þar gerð grein fyrir „þróun
kynjahlutfalls félagsmanna LMFÍ“
en við nánari skoðun sjáist að þróun-
in sé nánast engin. Árið 2013 voru
konur 30,2% félagsmanna, en átta
árum síðar voru þær 31,2% fé-
lagsmanna. Nærtækara væri því að
kalla stöplaritið „stöðnun kynjahlut-
falls félagsmanna LMFÍ“.
Hlutfallið sé enn verra ef litið er til
sjálfstætt starfandi lögmanna og
fulltrúa þeirra. Samkvæmt síðustu
ársskýrslu LMFÍ voru konur 27,2%
þeirra lögmanna sem eiga eða starfa
á lögmannsstof-
um.
En hvað veld-
ur? spyr Sigurður
Örn í greininni.
„Einhverjir
kynnu að halda að
kynjaskiptingin
héldist í hendur
við kynjahlutföll
útskriftar-
árganga laga-
deilda landsins. Svo er ekki. Sam-
kvæmt upplýsingum frá öllum
lagadeildum landsins voru konur
57,5% brautskráðra á árunum 2012-
2021. Á hverju þessara ára hafa laga-
deildirnar brautskráð fleiri konur en
karla. Samt breytist kynjahlutfall
LMFÍ nánast ekki neitt. Ef kynja-
hlutfall LMFÍ yrði yfirfært á út-
skriftarárgangana væri eins og 380
konur hefðu ekki útskrifast á þessu
tímabili. En það gerðu þær sannar-
lega. Þær bara skila sér ekki inn í fé-
lagið eða staldra stutt við,“ segir Sig-
urður Örn. Hann segir það sameigin-
legt verkefni lögmanna að breyta
þessu.
Í fyrsta lagi mætti kynna betur
lögmennsku sem starfsvettvang fyr-
ir fjölbreyttari hóp. Í öðru lagi þurfi
að gæta þess að konur fái sömu tæki-
færi og karlar, hvort heldur er við
nýráðningar, þróun í starfi eða fram-
gang. Í þriðja lagi þurfi að huga bet-
ur að starfsumhverfi lögmanna. Það
sé að mörgu leyti gamaldags, bæði
hvað varðar vinnutíma og vinnulag. Í
fjórða lagi þurfi að huga að brottfalli
úr stéttinni og ástæðum þess.
Í lok febrúar 2022 voru félagar í
Lögmannafélagi Íslands 1.058 tals-
ins. Fjöldi lögmanna sem flutt geta
mál fyrir héraðsdómstólum er 698 og
fjöldi þeirra sem auk þess hafa rétt-
indi til málflutnings fyrir Landsrétti
er 61. Þá hafa 297 félagsmenn aflað
sér réttinda til málflutnings fyrir
Hæstarétti.
Morgunblaðið/Ómar
Mál flutt í Hæstarétti Formaður Lögmannafélags Íslands hefur áhyggjur af lágu hlutfalli kvenna í stétt lögmanna.
Segir kynjahlutfall
í LMFÍ áhyggjuefni
- Konur eru 31,2% félagsmanna í Lögmannafélaginu
Sigurður Örn
Hilmarsson
Píratinn Björn Leví Gunnarsson
hefur tekið afgerandi forystu í
keppninni um ræðukóng Alþingis nú
þegar 152. löggjafarþingið er komið
í páskafrí.
Björn Leví hefur flutt 401 ræðu
og athugasemd/andsvar og talað í
1.173 mínútur frá því þingið var sett
23. nóvember 2021. Það eru nær 20
klukkustundir samtals.
Næstir koma Andrés Ingi Jóns-
son Pírati með 315 ræður og athuga-
semdir og hefur talað í 931 mínútu
samtals. Síðan koma Gísli Rafn
Ólafsson Pírati (335/891), Jóhann
Páll Jóhannsson Samfylkingu (320/
717) og Guðmundur Ingi Kristinsson
Flokki fólksins (244/703). Sú þing-
kona sem lengst hefur talað er
Helga Vala Helgadóttir Samfylk-
ingu (242/579). Bjarni Benediktsson
fjármálaráðherra er sá ráðherra
sem lengst hefur talað (207/592).
Ræðukóngur þriggja síðustu
þinga, Birgir Þórarinsson Sjálfstæð-
isflokki, hafði fremur hægt um sig að
þessu sinni. Hann hefur flutt 47 ræð-
ur/athugasemdir og talað í 172 mín-
útur á yfirstandandi þingi.
Samkvæmt yfirliti á vef Alþingis
hafa 105 alþingismenn og varamenn
þeirra tekið til máls það sem af er
152. löggjafarþinginu, en þingmenn
eru sem kunnugt er 63 talsins. Flutt-
ar hafa verið 3.726 þingræður og
gerðar 3.494 athugasemdir. Meðal-
lengd þingræðu er 3,6 mínútur.
Alþingi kemur saman að nýju
mánudaginn 25. apríl, að loknu
páskahléi. Þingið mun starfa í eina
viku en síðan tekur við tveggja vikna
hlé vegna sveitarstjórnarkosning-
anna 14. maí. Nefndarstörfum á að
ljúka 3. júní. Þinglok eru síðan
áformuð föstudaginn 10. júní.
sisi@mbl.is
Hefur talað í tæpa
20 tíma á Alþingi
- Björn Leví stefnir
á ræðukóngstitilinn
Morgunblaðið/Kristinn Magnússon
Öflugur Björn Leví stefnir óðfluga
að ræðukóngstitlinum á þessu þingi.