Sjómannablaðið Víkingur - 01.04.2008, Blaðsíða 48

48 - Sjóm­annablaðið Víkingur­
Sigling um Netið
Í umsjón Hilmars Snorrasonar
Að þessu sinni hyggst ég gera smá
breytingu á þeirri reglu minni að
fjalla að eins um 10 síður í hverju blaði.
Jólin eru framundan og því líklegt að
góður tími geti gefist frá áti og jólaboð­
um til að ferðast um netið. Fyrsta síðan
að þessu sinni er aðsend frá lesanda
blaðsins og er ein AIS síðan til viðbótar
við þann fjölda sem þegar er aðgengi­
legur á netinu. En síðan http://mar­
inetraffic.com/ais/ hefur þó eitt fram yfir
aðrar opnar AIS síður að nú er Ísland
með í pakkanum. Þessi síða er með
mjög skemmtilegu viðmóti og auðvelt að
leita uppi skip ef þau eru stödd inni á
einhverju þeirra svæða sem hún vaktar.
Hægt er að sjá ferla skipa og þar af leið­
andi er þetta síða sem við myndum setja
sem eina af upphafssíðum í vafranum
okkar og hafa alltaf opna. Hún er þegar
orðin slík síða á minni tölvu.
Næsta síða fjallar um sjóslys sem varð
á vötnunum miklu í ágúst 2001 þegar
akstursbrú yfir skipaskurð var slakað
niður og í veg fyrir skip sem var að sigla
undir hana. Skemmst er frá því að segja
að brúin lenti á brú skipsins sem skarst af
við brúarglugga og síðan fyldi skorsteinn-
inn með. Windoc slysið er á síðunni
www.boatnerd.com/windoc/ en þar er
sagan öll rituð og síðan tenglar á mynd-
band af atvikinu. Mörgum mun finnast
atvikið ótrúlegt en einnig er slóð á nið-
urstöður rannsóknar á atvikinu sem skýra
vel hvernig svona atburður gat gerst.
Þegar allir eru nýbúnir að senda jóla-
kortin er tilvalið að leggjast yfir síðu um
póstkort og það af skipum. Slóðin www.
simplonpc.co.uk er mjög öflug póst-
kortasíða. Þar kennir hundruða póstkorta
sem einhver ætti að hafa ánægju af að
skoða.
Hvort sem þið trúið því eður ei þá er á
netinu skandinavísk vefsíða um Titanic
sem er á slóðinni www.scandtitanic.com.
Hér er á ferðinni félagsskapur sem kallar
sig Skandinaviska Titanicföreningen og
hefur aðsetur í Svíþjóð. Hægt er að gerast
félagi í samtökunum sem gefur út forláta
fréttabréf sem örugglega fjallar um þetta
margumrædda slys sem átti eftir að valda
miklum breytingum sem enn eimir af í
siglingaheiminum.
Ég rakst á mjög einfalda en þó
merkilega vefsíðu sem ég hvet ykkur
til að kíkja á ef þið hafið áhuga á að
skoða myndir af skipum annarra þjóða.
Ég hef mikinn áhuga á að sjá mun á
hönnun skipa milli landa og það var því
ánægjulegt að rekast á skipasíðu portú-
galskra skipa. Slóðin www.geocities.com/
CapeCanaveral/8870/index.html leiðir
okkur á réttan stað en látið ekki óaðlað-
andi útlitið hafa letjandi áhrif á ykkur.
Mikil fréttaveita um farþegaskip er á
slóðinni http://maritimematters.com en
hún hefur yfir miklum fróðleik að búa.
Þar má meðal annars sjá umræður um
skip sem ég hef fjallað um í Utan úr
heimi og hefur heitið Maxim Gorky en
hér las ég að nú fái skipið að öllum lík-
indum að kljúfa Atlantshafsöldurnar í
skemmtisiglingum en útgerðarfélag hefur
áhuga á skipinu og að nefna það Marco
Polo II. Það er fleira sem er að finna á
þessari síðu, til dæmis mjög gott saman-
safn af vefmyndavélum sem staðsettar eru
á stjórnpalli fjölda skemmtiferðaskipa.
Á síðunni www.shipsandharbours.com
er að finna á fjórða þúsund ljósmynda
bæði af skipum og höfnum svo eitthvað
sé nefnt. Ég geri mér grein fyrir því að ef
til vill munu ekki margir renna í gegnum
þennan mikla fjölda mynda en hægt er að
leita sig áfram á síðunni sem hefur verið
flokkuð mjög skemmtilega niður. Ég held
að margir geti dundað sér vel á þessari
síðu.
Hollendingar hafa löngum verið þekkir
fyrir sínar strandsiglingar um Evrópu á
skipum sem bera sannarlega hollensk
einkenni. Það má næstum segja að það sé
jafn auðvelt að sjá á byggingarlagi skips
hvort það sé byggt í Hollandi eins og að
þekkja japansksmíðuð skip. Á slóðinni
www.groningerkustvaart.nl er að finna
sögu nokkurra skipaútgerða og fjöldann
allan af myndum af skipum.
Hollendingar eru þekktir sem öflug
siglingaþjóð og líklegast þeir öflugustu
þegar kemur að sanddælu- og dýpkunar-
skipum. Slóðin www.dredgers.nl er alveg
hafsjór fyrir þá sem vilja sjá og kynnast
þessum sérstæðu skipum sem eru sólar-
hringana út og inn að skapa rými fyrir
stærri eða fleiri skip í höfnum eða þá að
búa til dýpi fyrir nýjar hafnir. Ég hafði
mikið gaman af að skoða þessa síðu og
sjá hversu mikið er til af gríðarlega öfl-
ugum dýpkunarskipum um allan heim
sem eflaust væru ekki lengi að hespa af
allar þær dýpkanir og efnistökur af hafs-
botni sem eiga sér stað hér á landi á ári
hverju. Ég er þess næsta viss að ekki
vanti mörg skip í þessa síðu en íslensku
sanddæluskipin eru meðal þeirra skipa