Norræn jól : ársrit Norræna félagsins - 01.12.1941, Qupperneq 89

Norræn jól
í framtíðinni. Það veltur á því, hvernig auðlegð þess verður varið. Verk-
cfnin eru mörg, sem úrlausnar bíða og hefur vantað fé til framkvæmdanna.
Hér hefur vantað skilvrði, tæki, hús og aðbúnað fyrir marga menningar- og
listastarfsemi og hollari og betri skemmtanir en kostur hefur verið á. Hér
hefur vantað marga hagnýta rannsóknarstarfsemi fyrir búnað, útveg og
ýmsa framleiðslu. Hér hefur vantað leikhús og listasöfn, byggðasöfn, náttúru-
gripasöfn, hús fyrir þjóðminjasöfn, íþróttahús, bókasöfn víða um land,
fagrar kirkjur og fleira það, sem fegrar lífið og gerir það glatt og gott og
hlýtt. Það fæst að vísu ekki allt fyrir peninga — það af því, sem mest er vert,
fæst oft minnst fyrir peninga. En mikil skilyrði aukinnar menningar fást
oft fyrir fé. Gildi uppgangsára og auðsöfnunar verður eftir á metið af þeim
minnisvörðum til menningarauka og mannlífsbóta, sem þau veita.
Og þetta líðandi ár verður ekki sízt metið eftir því, sem það fær áorkaö
til eflingar og varðveizlu á því, sem heilsteypt og heilbrigt er í norrænni og
íslenzkri arfleifð okkar.
Við getum gert okkur það til gamans um jólin, að skoða myndirnar af
því, sem nú er efst á baugi af atburðum ársins. En þegar auður ársins er
eyddur, harmar þess fyrndir og gleði þess gengin, þá fer matið á árinu eftir
þeim myndum, sem tímarnir geyma af draumum þess um friðinn og fram-
tíðina og viljanum og kraftinum, sem í það var lagður að gera þá að
veruleika.