Norræn jól : ársrit Norræna félagsins - 01.12.1941, Page 94

J. H. O. Djurhuus
Songur um
Yrkning vígð Jörgen-Frantz Jacobsen.
BLÍÐ byrjar lívsins siglingsferð
— barnaraddir umborð —
so við eitt eru flesjar og sker,
lúnskir boðar og undirgerð —
— allt í sorl og í sor1) —
— uttan sögu og spor —
— grá eru mannakor. —
Strúkandi lívsins siglingsferð —
reystmenn og brögd-) umborð —
boðabrot um flesjar og sker,
sjóvaródn3), hav og gljáv og gerð —
— alt í sorl og í sor —
— myrkur og niður og norð1) —
— mein eru mannakor.
Vón vekur livsins siglingsferð —
— sveinar og sprund umborð —
bróta tá brátt um flesjar og sker
lúnskir boðar og undirgerð
— alt í sorl og í sor —
— grátur í suður og norð —
sár eru mannakor. —
— Fullfíggjað ') lívsins siglingsferð —
— aldrandi manning umborð —
mutlar milt um flesjar og sker,
vestfallið líðandi hagar ber —
— gnaddast so smátt í sor —
— glógvar ei minni og orð —
— grá eru mannakor. —
— Geislandi lívsins siglingsferð —
— skaldamanning umborð —
syngjandi sær hon flesjar og sker,
óttast ei hav og gjálv og gerð —
— fer so í sorl og í sor —
— skapti tó sögu og orð —
— stór eru mannakor.
1) í sorl og i sor, í mask og mél. 2) brögd, afrek. 3) sjóvaródn, ósjór, haugabrim.
4) niöur og norS, norður og niður. 5) fiillfíggjað, fullgert, fullkomnað.
92