Norræn jól : ársrit Norræna félagsins - 01.12.1986, Síða 18

Tónskáldaverðlaun Norðurlandaráðs 1986:
Hafliði Hallgrímsson
íslenskt tónskáld, Hafliði Hallgríms-
son, hlaut á liðnum vetri tónskálda-
verðlaun Norðurlandaráðs 1986 fyrir
verk sitt, „Poemi“. Hafliði er annar
íslendingurinn sem hlotnast hefur
þessi viðurkenning. Hann er nú bú-
settur í Edinborg, en veitti verð-
laununum viðtöku á 34. þingi Norður-
landaráðs sem haldið var í Kaup-
mannahöfn í byrjun mars. Þá voru
liðin tíu ár frá því að Atli heimir
Sveinsson fékk verðlaunin fyrir
„Flautukonsert“ sinn, en þeim er út-
hlutað annað hvert ár. Atli var nýlega
ráðinn til þess að semja sjónvarps-
óperu í samvinnu við fleiri norræna
listamenn og hyggst að einhverju leyti
hafa hitann úr skáldsögu Gunnars
Gunnarssonar, „Vikivaka".
Hafliði Hallgrímsson er 45 ára
gamall, fædur og uppalinn á Akur-
eyri. Eftir tónlistarnám þar og í
Reykjavík hélt hann utan til fram-
haldsnáms sem hann stundaði m. a. á
Ítalíu og í Bretlandi. Hafliði á að baki
viðburðaríkan feril sem sellóleikari,
tónskáld og kennari. Hann var búsett-
ur í Lundúnum í 13 ár og var á þeim
tíma atkvæðamikill kammertónlistar-
maður og einleikari í tónlistarsölum
og útvarpi og sjónvarpi BBC. Hann
hefur komið fram á tónleikum í um
það bil 40 löndum og haft náið sam-
starf við ýmsa heimskunna listamenn.
Fyrir tæpum fjórum árum stofnaði
hann tríó sem kennt er við málarann
Mondrian og gerðist um svipað leyti
kennari við Konunglegu tónlistaraka-
demíuna í Skotlandi.
Hafliði Hallgrímsson hefur á síðari
árum gefið sig æ meira að tónsmíðum
og hafa tónverk eftir hann verið flutt
víða í Evrópu. Arið 1975 vann hann
fyrstu verðlaun í alþjóðasamkeppni á
Ítalíu sem kennd er við fiðlusnilling-
inn og tónskáldið Viotti.
Verðlaunaverkið „Poemi“ var sam-
ið í Edinborg fyrri hluta árs 1983 að
tilstuðlan Skoska listráðsins. Það er
tileiknað Jaime Laredo og strengja-
deild Skosku kammersveitarinnar í
tilefni af tíu ára afmæli hennar, en í
þeirri sveit var Hafliði fyrsti selló-
leikari um árabil.
„Poemi“ er verk fyrir fiðlu og
strengjasveit og var frumflutt í
Reykjavík 1985 af Sinfóníuhljómsveit
íslands undir stjórn tónskálsins.
Kveikja þess er þrjú málverk Chagalls
á safni í Nice og skiptist það í þrjá
þætti: Draum Jakobs, Fórn ísaks og
Glímu Jakobs við engilinn.
„Norræn jól“ samgleðjast Hafliða
yfir sigrinum og óska honum gæfu og
gengis í lífi og list.
Minningar Bodil Begtrup
Á þessu ári komu út hjá Centrum-
forlaginu í Danmörku endurminning-
ar Bodil Begtrup, skráðar af henni
sjálfri. Þar lýsir hún ævi sinni og
starfsferli í stuttu og skýru máli sem
gefur geðþekka mynd af höfundinum
og viðleitni hans til þess að stuðla að
batnandi sambúð, sáttum og skilningi
þjóða í milli.
Bodil Begtrup er íslendingum að
góðu kunn og eignaðist hér marga
vini þegar hún var sendiherra Dana á
íslandi árin 1949—56. Því embætti
gegndi hún fyrst danskra kvenna og
varð síðar sendiherra Danmerkur í
Sviss og Portúgal. Ung nam hún
stjórnvísindi og kom mikið við sögu í
„Danske kvinders nationalrád",
kynntist starfi Þjóðabandalagsins og
var einatt fulltrúi þjóðar sinnar og
dönsku utanríkisþjónustunnar í starfi
alþjóðastofnana eins og Sameinuðu
þjóðanna og Evrópuráðsins þar sem
málefni kvenna, friðar- og mannrétt-
indamál voru meginviðfangsefni
hennar.
Bodil Begtrup
íslendingar hafa löngum verið for-
vitnir um hvernig útlendingar bera
þcim söguna og lýsa kynnum sínum af
landi og þjóð. Má því ætla að minn-
ingar Bodil Begtrup veki áhuga
margra. íslandskaflinn sem birst hef-
ur að hluta til í íslenskri þýðingu í
Morgunblaðinu er tæpur þriðjungur
bókarinnar sem er 192 bls. mcð
allmörgum ljósmyndum og nefnist
„Kvinde i et verdenssamfund".
Hafliði Hallgrímsson.
16