Skessuhorn - 17.08.2022, Blaðsíða 14

MIÐVIKUDAGUR 17. ÁGÚST 202214
Nú líður að hausti og fjölskyldur
í landshlutanum að komast í fyrri
rútínu eftir sumarleyfi og ferða-
lög. Grunnskólar á Vesturlandi
eru nú að komast á fullt skrið og
eru skólastjórnendur spenntir fyrir
komandi vetri. Vel hefur gengið að
manna stöður og að vanda eru fjöl-
mörg og áhugaverð verkefni á döf-
inni í starfi grunnskólanna í lands-
hlutanum. Skessuhorn sló á þráð-
inn til skólastjóranna á Vesturlandi
og ræddi stuttlega við þá um kom-
andi skólaár.
Grundaskóli á Akranesi
Setningarathöfn Grundaskóla á
Akranesi verður mánudaginn 22.
ágúst og byrjar klukkan níu þegar
fyrsti bekkur mætir, bekkirnir mæta
svo hver af öðrum á hálftíma fresti
til klukkan hálf tvö þegar tíundi og
síðasti bekkurinn mætir. Börnin
verða viðstödd litla athöfn á sal
og fara svo í heimastofurnar sínar
þar sem þau hitta kennara og fá
afhentar stundatöflur. Strax daginn
eftir, 23. ágúst, hefst kennsla sam-
kvæmt stundaskrá.
Í vetur verða í kringum 690 nem-
endur í skólanum sem er svipaður
fjöldi og verið hefur síðustu ár. Vel
gekk að manna í þær stöður sem
auglýstar voru og segir Sigurður
Arnar Sigurðsson, skólastjóri, að
skólinn sé skipaður úrvals starfs-
fólki. „Við vorum til að mynda
að ráða inn þrjá nýja raungreina-
kennara og ætlum okkur að reyna
að efla raungreinakennslu, svo sem
líffræði, eðlisfræði og efnafræði, í
samstarfi við FVA.“
Ýmsar tilfæringar hafa verið í
skólastarfi Grundaskóla síðustu ár
þar sem skólinn stendur í miklum
endurbótum á byggingum. Nem-
endur í 10. bekk hafa verið með
sitt aðsetur í Fjölbrautaskóla Vest-
urlands og verður svo áfram næstu
ár. Gamla stjórnunarálma skól-
ans er nú lokuð vegna endurbóta.
Verið er að breyta henni í kennslu-
álmu sem von er til að verði tilbúin
núna í október og 9. bekkur mun
þá færa sig þangað. Þar til gamla
stjórnendaálman verður tilbúin þarf
Grundaskóli að leysa sín mál með
bráðabirgðalausnum; þá verður
t.a.m. útikennsla, kennsla á sal og
gangar skólans einnig nýttir. Fleiri
framkvæmdir eru einnig á dagskrá
í skólanum; C-álma skólans verður
boðin út á evrópska efnahagssvæð-
inu á næstu mánuðum og eiga fram-
kvæmdir við hana að hefjast strax á
næsta ári. Til stendur að Grunda-
skóli fái eftir áramót það húsnæði
sem leikskólinn Garðasel er í núna
og þarf þá að ráðast í endurbætur
á því húsnæði og skólalóðinni. Þar
verða líklega kenndar list- og verk-
greinar til að byrja með en svo mun
frístund Grundaskóla færast þangað.
Brekkubæjarskóli
á Akranesi
Brekkubæjarskóli verður settur
mánudaginn 22. ágúst kl. 10 og
hefst kennsla samkvæmt stunda-
skrá daginn eftir, þriðjudaginn
23. ágúst. Nemendur skólans eru
474 þennan veturinn og er svip-
aður fjöldi og verið hefur. Búið er
að manna í allar kennarastöður við
skólann og gekk það vel.
Starfsfólkið er spennt fyrir kom-
andi vetri án sóttvarnatakmarkana.
„Já, við erum bara full tilhlökk-
unar og spennt fyrir því að fara inn
í næsta skólaár og geta t.d. boðið
upp á morgunstundir þar sem allir
bekkir eru saman,“ segir Elsa Lára
Arnar dóttir, aðstoðarskólastjóri í
samtali við Skessuhorn.
Eldsvoði varð í smíðastofu
Brekkubæjarskóla í janúar á þessu
ári og olli hann töluverðu tjóni í
því rými. Hluti skólans varð ónot-
hæfur í nokkurn tíma á eftir því
mikil lykt var í húsinu og loftgæði
slök. Þá þurfti að færa nokkra bekki
tímabundið í annað húsnæði og var
t.a.m. kennt í Þorpinu, Akranes-
kirkju og Tónlistarskóla Akraness
um tíma. Elsa Lára segir húsnæði
Brekkubæjarskóla ekki vera upp-
gert að fullu eftir eldsvoðann, en
ástandið sé orðið nokkuð gott. „Já,
þetta er mikil bót frá því sem áður
var. Nú fer allt skólastarf fram inni
í Brekkubæjarskóla og við þurfum
ekki að nýta húsnæði annars staðar
í bænum. Frístundin verður einnig
inni í Brekkubæjarskóla fram
eftir haustinu, í stofum 1. bekkjar
og niður að gamla Ási, á meðan
Garðasel er með frístundina okkar,
Þekjuna, að láni.“
Heiðarskóli í
Hvalfjarðarsveit
Skólasetning í Heiðarskóla verður
mánudaginn 22. ágúst kl. 16 og
hefst kennsla samkvæmt stunda-
skrá daginn eftir, þriðjudaginn 23.
ágúst. Í vetur verða í skólanum ríf-
lega 90 nemendur sem er smávægi-
leg fjölgun frá síðasta ári. Í skól-
anum er þriðji bekkur fjölmenn-
astur, í honum eru 16 börn eða
tæplega 18% af nemendum skól-
ans. Fámennastur er annar bekkur
með fjóra nemendur.
Búið er að manna í þær 12
kennarastöður sem eru við skólann
og tókst það vel. Einungis þrír sem
sinna starfi kennara næsta vetur
hafa ekki lokið réttindanámi, tveir
þeirra eru þó á lokametrunum með
það nám.
Ráðist var í viðhald og fram-
kvæmdir á skólabyggingunni í
sumar og þar er nú verið að binda
lausa enda og sér skólastjórinn Sig-
ríður Lára Guðmundsdóttir fram
á að framkvæmdum ljúki áður en
skólastarf hefst nú í næstu viku.
Grunnskóli
Borgarfjarðar
Grunnskóli Borgarfjarðar verður
settur mánudaginn 22. ágúst; á
Hvanneyri kl. 10, á Kleppjárns-
reykjum kl. 12 og á Varmalandi kl.
14. Kennsla hefst á öllum starfs-
stöðvum skv. stundaskrá degi
síðar. Alls verða 167 nemendur við
grunnskólann í vetur. Á Hvanneyri
er kennt í 1.-5. bekk og þar verða
30 nemendur, á Kleppjárnsreykjum
eru 95 nemendur í 1.-10. bekk og
á Varmalandi verða 42 nemendur í
1.-10. bekk.
Búið er að ráða í allar stöður við
skólann en nú er auglýst eftir for-
fallakennara sem getur komið inn
tímabundið til að brúa ákveðið
bil. Alls er 21 kennarastaða við
skólann og eru þær flestar mann-
aðar faglærðum kennurum. Þeir
fáu leiðbeinendur sem starfa við
skólann eru ýmist í meistaranámi
í kennslufræðum eða með aðra
háskólamenntun.
Á Varmalandi er nú tekið á móti
börnum flóttafólks frá Úkraínu sem
dvelur á Bifröst og er Helga Jensína
Svavarsdóttir, skólastjóri, ánægð
með hvernig það hefur gengið.
„Það verkefni byrjaði í vor og var
mjög skemmtileg viðbót við skóla-
starfið hjá okkur. Við vorum svo
heppin að fá til okkar kennara frá
Úkraínu sem hefur verið ráðin sem
kennari við skólann í vetur,“ segir
Helga.
Grunnskólinn
í Borgarnesi
Setningarathöfn Grunnskólans í
Borgarnesi verður í íþróttahúsinu
í Borgarnesi klukkan 10, mánu-
daginn 22. ágúst, og hefst hefð-
bundin kennsla degi síðar skv.
stundaskrá. Enn eru hreyfingar á
nemendafjölda skólans en endan-
legur fjöldi verður öðru hvorum
megin við 300. Búið er að manna
í allar stöður við skólann en tölu-
verðar hreyfingar eru á starfsliðinu.
Í skólanum starfa í kringum 60
manns og af þeim voru 12 sem fóru
í vor í tímabundið leyfi. Því þurfti
að ráða inn nýtt fólk sem kemur inn
núna og verður til skemmri tíma.
Síðustu ár hefur verið töluvert
rask á skólastarfi í skólanum bæði
vegna framkvæmda, þar sem byggt
var húsnæði undir mötuneyti og sal
skólans, og vegna Covid. Júlía Guð-
jónsdóttir, skólastjóri, segist sér-
staklega spennt fyrir því að fara inn
í næsta skólavetur því hún sér fyrir
sér nokkuð hefðbundið skólastarf,
laust við sóttvarnatakmarkanir og
tilfærslur og ónæði vegna fram-
kvæmda. „Síðustu fimm ár hafa
verið ansi strembin hér í skólanum.
Fyrir Covid vorum við búin að vera
í þrjú ár í framkvæmdum hér á hús-
næðinu þar sem bæði var verið að
byggja nýtt húsnæði undir mötu-
neyti og sal, sem hafði ekki verið
áður í skólanum, og gera upp gam-
alt húsnæði með tilheyrandi raski
og tilfæringum. Framkvæmdum er
nú lokið inni í skólanum en eftir
stendur skólalóðin sem verður von-
andi kláruð sem fyrst.“
Grunnskólinn í Borgarnesi er
nú í innleiðingarferli til að verða
réttindaskóli Unicef. Það inn-
leiðingarferli tekur tvö ár og felst
Grunnskólastarf að hefjast á Vesturlandi
Nemendur á skólalóð Brekkubæjarskóla á Akranesi. Ljósm. úr safni/vaks
Ungir Grundfirðingar á leið í skólann. Ljósm. úr safni/tfk.