Skessuhorn - 17.08.2022, Blaðsíða 18

MIÐVIKUDAGUR 17. ÁGÚST 202218
Þriðjudagskvöldið 9. ágúst barst
björgunarsveitum á sunnanverðu
Vesturlandi forgangsútkall þar
sem maður hafði farið í sjóinn við
Langasand á Akranesi. Björgunar-
aðilar brugðust hratt við og sjósettu
báta sína í höfnina á Akranesi. Þar
var að falla frá og sást þá glöggt hve
aðstaða til sjósetningu á bátum er
léleg. Erfiðlega gekk að sjósetja þar
sem bakka þurfti með bátana niður
langan ramp og sleppa þeim í stór-
grýti.
Ásgeir Örn Kristinsson, með-
limur í Björgunarfélagi Akraness,
vakti máls á því á bæjarráðsfundi
Akraneskaupstaðar 28. júlí síðast-
liðinn að öryggismálum við höfnina
á Akranesi og Grundartanga væri
verulega ábótavant. Það mál fór svo
inn á borð umhverfis- og skipulags-
ráðs Akraneskaupstaðar sem fund-
aði um það mánudaginn 15. ágúst.
Dagarnir þar á milli reyndust hins
vegar örlagaríkir því einn maður
lét lífið í sjónum við Akranes. Taka
skal fram að betri aðstæður hefðu
að líkindum engu breytt hvernig
fór í því slysi.
Útfæra nýjan ramp
Guðmundur Ingþór Guðjóns-
son er formaður skipulags- og
umhverfisráðs Akraneskaupstaðar.
„Við ræddum öryggismálin á okkar
fundi og fengum Ragnar Baldvin
Sæmundsson á fundinn til okkar
því hann er stjórnarmaður Akranes-
kaupstaðar í Faxaflóahöfnum. Við
fórum svo yfir það í sameiningu
hvernig aðstaðan er í dag, fyrir
t.d. Björgunarfélagið, að koma
bátum niður af því að rampurinn
sem er þarna í dag er ekki nægi-
lega góður. Nú er þetta mál í fullri
vinnslu og við erum að skoða hvaða
möguleikar og kostir eru í stöð-
unni.“ Þá segir Guðmundur Ing-
þór Akraneskaupstað vilja gera allt
til þess að aðstaðan niðri við höfn
sé sem best fyrir alla aðila. „Það
sorglega er að það þurfti svona slys
til að við vöknum, þó svo að þetta
hafi allt gengið vel með aðgerð-
irnar núna. Þetta vekur mann til
umhugsunar um að það sé hægt að
hafa hlutina betri.“ Aðspurður um
hvort einhver tímarammi sé á verk-
inu segir Guðmundur Ingþór að
vinna eigi þetta verkefni hratt og
örugglega og að Faxaflóahafnir séu
þegar farnar að skoða hvernig best
sé að útfæra nýjan ramp.
Ragnar Baldvin Sæmundsson er
fulltrúi Akraneskaupstaðar í Faxa-
flóahöfnum. „Faxaflóahafnir eru
búnar að vera að skoða í töluverðan
tíma öryggismál við Akraneshöfn,
sér í lagi við sjósetningu smærri
báta í kringum rampinn sem nú
er. Hugmyndin var að betrumbæta
þann ramp sem er fyrir og breikka
hann. En núna er verið að skoða að
setja upp annan ramp sem hentar
betur fyrir sjósetningu.“ Þá segir
Ragnar að ekki yrði þá hróflað við
rampinum sem fyrir er og myndi
hann nýtast þegar unnið er í bátum
o.þ.h. „Nýr rampur kæmi þá úti við
Akraborgarbryggjuna og hann yrði
eingöngu til að setja niður og taka
upp báta.“
Aukið sjósport
Á Akranesi hefur verið mikil aukn-
ing í sjósporti síðustu ár og því er
nauðsynlegt að bæta aðstöðuna
með það í huga. „Nú er að aukast
að menn eru með alls konar báta
sem verið er að setja niður og taka
upp og þá þarf aðstaðan að vera í
takti við það. Faxaflóahafnir leggja
mjög mikið upp úr öryggi og þetta
er stór þáttur í því að það sé til
staðar aðstaða, til að setja niður
og taka upp, sem hægt er að kom-
ast í,“ segir Ragnar. Hann bætir við
að mikilvægt sé að læra af því þegar
slys eiga sér stað. „Við sjáum í
svona aðgerðum, þar sem er háfjara
að þá er mjög erfitt fyrir björgunar-
aðila að koma niður sínum tækjum
og misjafnt eftir því hvort er flóð
eða fjara. Við erum búin að vera í
þessu samtali við björgunarfélagið
og Faxaflóahafnir og höfum haft
öryggismálin á höfninni í skoðun í
nokkurn tíma.“ gbþ
Báturinn Júlli Páls SH byrjaði
nýverið makrílveiðar frá Ólafsvík.
Hefur hann aflað ágætlega, eða upp
í sex tonn yfir daginn. Var hann
aflahæsti löndunarbáturinn í Ólafs-
vík í liðinni viku. Bárður Jóhönnu-
son skipstjóri segir að veiðarnar
gangi þolanlega en það sé hins
vegar erfitt að vera eini báturinn á
þessum veiðum. Því þurfi að leita
makrílinn uppi einn, svæðið sé stórt
og því ekki alltaf auðvelt að finna
makrílinn sem er hraður fiskur
og fljótur að færa sig til og oft sé
þetta því heilmikill eltingarleikur.
Bárður segir að þeir séu að veiða í
beitu fyrir annan bát sem útgerðin
á; línubátinn Kristinn HU.
Að sögn Bárðar er aflinn
heilfrystur á Fiskmarkaði Snæ-
fellsbæjar. „Við sjáum til hvað við
verðum lengi á þessum veiðum í ár
en það fer að sjálfsögðu eftir afla-
brögðum.“ Aðspurður um verð á
makrílnum segir Bárður að hann
hafi heyrt að þeir sem kaupa og
verka makríl á Suðurlandi hafi
boðið 150 krónur fyrir kílóið. af
Fyrrum skólastjórar, sem stýrt
hafa sveitaskólum á Vesturlandi,
hafa reglulega komið saman einu
sinni til tvisvar á ári ásamt mökum
þeirra. Þetta samstarf hefur staðið
allar götur síðan 1966 og hófst
með samstarfi skólastjóranna á
Kleppjárnsreykjum, Heiðarskóla
og Varmalandi. Síðar var hópurinn
stækkaður. Nú hafa að vísu liðið tvö
ár án hittings, en Covid beit ekki á
hópinn, eins og sjá má á myndinni.
Hópurinn kom saman síðastliðinn
miðvikudag á Höfða á Akranesi
þar sem tveir félagar búa. Sest var
með kaffi, kleinur og vínar brauð og
tekið spjall fram eftir degi.
Samstarf dreifbýlisskóla á
Vestur landi var alla tíð töluvert
mikið, bæði í röðum nemenda,
starfsfólks og skólastjórnenda sér-
staklega. Vafalítið eru margir sem
þekkja þarna kunnugleg andlit frá
fyrri tíð, enda voru og eru skóla-
stjórar lykilfólk í hverju byggðar-
lagi.
mm
Hér er verið að sjósetja björgunarbát frá Brák í Borgarnesi í smábátarennunni við Akraneshöfn sl. þriðjudagskvöld. Ljósm.
mm
Bæta þarf aðstöðu í Akraneshöfn til sjósetningar
Bárður á bryggjunni með ísaðan makríl.
Eini báturinn á makríl-
veiðum frá Ólafsvík
Bárður Jóhönnuson ásamt Svavari Kristmundssyni.
F.v. Guðbjörg Sigurðardóttir (dóttir Sigurðar á Leirá), Guðlaugur Óskarsson, Sigurður R Guðmundsson, Kristján Gíslason,
Höskuldur Goði Karlsson, Þrúður Kristjánsdóttir, Jónína Þorgrímsdóttir (ekkja Guðmundar Sigurmonssonar), Birgir Karlsson,
Gyða Bergþórsdóttir, Flemming Jessen, Hjörtur Þórarinsson, Kristín Ingibjörg Baldursdóttir, Jónína Eiríksdóttir og Rannveig
Finnsdóttir. Ljósm. vaks.
Fyrrverandi skólastjórar
komu saman