Skessuhorn - 17.08.2022, Blaðsíða 25

MIÐVIKUDAGUR 17. ÁGÚST 2022 25
Dagur í lífi...

Nafn: Þóra Olsen
Fjölskylduhagir/búseta: Ég er
gift og á tvö börn. Við erum núna
fjögur á heimili, dóttirin flutt að
heiman en sonurinn býr heima
ásamt tengdapabba sem er 91 árs
og hefur verið hjá okkur síðan
1998. Við búum á Hellissandi.
Starfsheiti/fyrirtæki: Ég er
umsjónarmaður Sjóminjasafnsins
á Hellissandi.
Áhugamál: Áhugamál eru aðal-
lega fjölskyldan, hef mjög gaman
af því að ferðast og svo erum
við hjónin búin að vera mjög
áhugasöm við að byggja upp
safnið síðustu árin.
Dagurinn 11.08.2022
Klukkan hvað vaknaðirðu og
hvað var það fyrsta sem þú
gerðir? Vaknaði um klukkan átta
og skellti mér í heita og kalda
sturtu.
Hvað borðaðirðu í morgunmat?
Fékk mér AB mjólk og flatköku
með hangikjöti í morgunmat.
Hvenær fórstu til vinnu og
hvernig? Fór af stað í vinnuna um
klukkan 9.20 á bílnum þar sem
dóttirin hafði hringt og beðið um
að ég skutlaði til hennar nesti út
við Gufuskála. Þar var hún sem
björgunarsveitarmaður að vakta
þyrlu sem hafði bilað kvöldið
áður. Síðan fór ég til Ólafsvíkur að
ná í einn starfsmann safnsins.
Fyrsta verk í vinnunni? Að
kveikja ljósin í safninu og þrífa það
sem þarf áður en við opnum.
Hvað varstu að gera klukkan 10?
Þá var ég að gefa heimalningnum
pela. Safnið er með einn í fóstri í
sumar.
Hvað gerðirðu í hádeginu? Í
hádeginu fékk ég mér súpu í safn-
inu. Við erum með smá kaffihús í
safninu þannig að ég hef aðgang
að súpu og brauði sem er mjög
gott þegar það er mikið að gera.
Ég notaði hádegið til að leigja ýsu
og fleira til að eiginmaðurinn gæti
farið á sjóinn. Síðan fór ég inn á
heimabankann til að borga reikn-
inga.
Hvað varstu að gera klukkan 14?
Klukkan 14 var ég að fræða þýskan
ferðamann um safnið . Alltaf gaman
að fræða ferðamenn um hlutina í
safninu, margir hlutir sem lítið fer
fyrir en eru mjög áhugaverðir.
Hvenær hætt og það síðasta
sem þú gerðir í vinnunni? Safn-
inu var síðan lokað klukkan 17 og
það síðasta sem ég gerði var að gefa
heimalningnum pelann sinn. Eftir
vinnu heimsótti ég foreldra mína á
dvalarheimilið Jaðar, þar sem þau
hafa dvalið síðustu tvö ár.
Hvað var í kvöldmat og hver eld-
aði? Í kvöldmatinn hafði eiginmað-
urinn hitað afganga frá deginum
áður, snitsel og steiktar kartöflur.
Hvernig var kvöldið? Um kvöldið
var sett í þvottavél og brotinn
saman þvottur, síðan fór ég á raf-
hlaupahjóli hring í bænum og
kom við hjá systur minni sem býr
í næstu götu. Fór annan hring á
hjólinu þar sem veðrið var svo gott,
kom við í safninu og gaf heimaln-
ingnum pela fyrir nóttina og setti
endurnar á safninu inn í gerðið
sitt. Klukkan var um klukkan 22:30
þegar ég kom heim, svo ég setti
Veru á í sjónvarpinu til að slaka á
áður en ég færi að sofa.
Hvenær fórstu að sofa? Fór að
sofa um miðnætti.
Hvað var það síðasta sem þú
gerðir áður en þú fórst að hátta?
Að hleypa hundinum út fyrir
nóttina og að bursta tennurnar.
Hvað stendur upp úr eftir
daginn? Það sem stendur upp úr
er að dagarnir eru aldrei eins, hver
dagur býður upp á eitthvað nýtt.
Umsjónarmanns Sjóminjasafns Hellissands
Í lok síðasta mánaðar urðu þau
Sigríður Ævarsdóttir og Bene-
dikt Líndal þess vör að forystu-
sauður þeirra, sem ber heitið Jarl,
hafi horfið burt af landareign þeirra
að Gufuá í Borgarhreppi. Jarl var
síðan fangaður í hringtorginu í
Borgarnesi rúmum sólarhring síðar
og fluttur aftur til síns heima eftir
mikið menningarsjokk og lífs-
hættulega för.
Í gær fór Jarl aftur á stjá en ekki
er vitað hvort hann hafi ákveðið að
skoða aðra þéttbýlisstaði héraðsins
eða lagt leið sína aftur í Borgarnes,
eða áleiðis þangað. Um miðjan dag
í gær höfðu ekki enn komið fregnir
af því að Jarl hafi komið í leitirnar
en Sigga og Benni biðja vegfar-
endur á bifreiðum, bommsum eða
öðrum fararskjótum að hafa augu
opin á ferðum sínum og hafa sam-
band við þau símleiðis ef til hans
sést. Síminn hjá Siggu er 893-1793
og hjá Benna 863-6895.
sþ
Um liðna helgi fór fram opið
íþróttamót hjá hestamannafélaginu
Dreyra á Æðarodda. Alls voru 140
skráningar á mótið sem fór fram í
blíðviðri. Mótið gekk vel, að sögn
mótsnefndar, og gengu kepp-
endur sáttir frá vel heppnuðu móti.
Mótsnefndin vill koma á framfæri
þökkum fyrir frábært mót.
sþ
Næturfrost hefjast óvenju snemma
þetta árið en allt að 4,3 gráðu frost
mældist í fyrrinótt, nánar tiltekið á
Þingvöllum. Einnig mældist einnar
gráðu frost í Reykjavík. Á Vestur-
landi mældist frost víða í Borgar-
firði, m.a. í Húsafelli fór það niður
í 1,7 gráður, í Stafholtsey mæld-
ist 1,6 gráðu frost og á Hvanneyri
fór frostið í -0,7 gráður samkvæmt
mælingum Veðurstofunnar. Einnig
þurfti að skafa af bílrúðum í Norð-
urárdal og sjá mátti hrím á gróðri
og nýbundnum heyrúllum frá því
um helgina. Þess má einnig geta að
4. ágúst síðastliðinn var einnig næt-
urfrost í uppsveitum Borgarfjarðar
og sá þá á kartöflugrösum. Frostið
er því fremur snemma á ferðinni. sþ
Grundarfjarðarbær hefur staðið
fyrir hinum ýmsu námskeiðum
fyrir börn í sumar sem hafa verið
vel sótt. Eitt þeirra hófst í síðustu
viku undir yfirskriftinni vegglist-
arnámskeið. Það er Dagný Rut
Kjartansdóttir sem er leiðbein-
andi á námskeiðinu en þar fá krakk-
arnir útrás fyrir listsköpun við frá-
bærar aðstæður. Kennslan fer fram
í gömlu spennustöðinni fyrir ofan
bæinn sem nú hefur verið aflögð.
Krakkarnir voru hinir kátustu
þegar fréttaritari leit við hjá þeim
síðasta föstudag. tfk
Forystusauðurinn Jarl kannar nýjar slóðir en ekki er vitað hver hann fór í þetta
skiptið.
Forystusauðurinn Jarl
farinn í annan leiðangur
Vegglistarnámskeið í Grundarfirði
Úrslit í fimmgangi V5, 2. flokki.
Frá hægri: Linda Hrönn Reynisdóttir
á Tangó frá Reyrhaga, Magnús Karl
Gylfason á Birtingu frá Birkihlíð, Guð-
rún Fjelsted á Polka frá Ósi og Ólafur
Guðmundsson á Eldi frá Borgarnesi.
Opið Íþróttamót Dreyra
fór fram í blíðviðri
Hrímuð jörð. Myndina tók Guðrún
Sigurjónsdóttir á Glitstöðum í Norður-
árdal í gærmorgun.
Töluvert næturfrost var í fyrrinótt