Skessuhorn - 17.08.2022, Blaðsíða 31

MIÐVIKUDAGUR 17. ÁGÚST 2022 31
Völsungur og ÍA mættust í mikil-
vægum leik í 2. deild kvenna í
knattspyrnu á laugardaginn og
var leikurinn á PCC vellinum á
Húsavík. Sylvía Lind Henrysdóttir
kom Völsungi yfir í leiknum á sjö-
undu mínútu en tíu mínútum síðar
jafnaði Samira Suleman leikinn
fyrir ÍA. Aðeins tveimur mínútum
eftir jöfnunarmark ÍA skoraði Berta
María Björnsdóttir annað mark
Völsungs og þannig var staðan í
hálfleik, 2-1 fyrir heimakonum.
Fyrirliðinn Bryndís Rún Þór-
ólfsdóttir jafnaði metin aftur fyrir
ÍA fimm mínútum fyrir leikslok
og virtist hafa bjargað stigi fyrir
gestina. En Sonja Björg Sigurðar-
dóttir sá til þess að Völsungur fékk
öll stigin þrjú þegar hún skoraði
sigurmarkið skömmu fyrir leikslok
og tryggði dýrmætan sigur, loka-
staðan 3-2 fyrir Völsung.
ÍA er nú í fimmta sæti deildar-
innar með 15 stig eftir níu leiki og á
tvo leiki eftir í deildinni, heimaleiki
á móti tveimur neðstu liðunum sem
eru Hamar og KÁ. Einföld umferð
er leikin í deildinni og athygli vekur
að ÍA hefur tapað öllum leikjum
sínum á móti liðunum sem eru fyrir
ofan þær í deildinni og spilað þessa
fjóra leiki alla á útivelli. Eftir mót
verður í fyrsta skipti deildinni skipt
í efri og neðri hluta þar sem sex
efstu og sex neðstu leika einfalda
umferð. Liðin í efri hlutanum taka
með sér stigin úr deildarkeppn-
inni og tvö efstu liðin fara upp í
næstefstu deild, Lengjudeildina.
Miðað við úrslitin í sumar gæti
staðan verið þannig þegar úrslita-
keppnin hefst: Fram með 30 stig,
Völsungur, Grótta og ÍR öll með
26 stig, ÍA með 21 stig og Álftanes
með 16 stig. Það þarf því allt að
ganga upp hjá ÍA svo þær nái tak-
markinu að komast aftur upp í
Lengjudeildina í haust.
Í gær spiluðu ÍA konur gegn
Hamri á Akranesvelli, en leikurinn
var ekki hafinn þegar Skessuhorn
fór í prentun.
vaks
Skallagrímur og Ísbjörninn mætt-
ust á föstudaginn í A riðli 4. deildar
karla í knattspyrnu og fór leikurinn
fram á Skallagrímsvelli. Það var
sannkallað markaregn í blíðunni í
Borgarnesi því Skallagrímsmenn
skoruðu fimm mörk í fyrri hálf-
leik. Arthúr Bjarni Magnason skor-
aði tvö mörk og þeir Viktor Ingi
Jakobsson, Elís Dofri Gylfason og
Helgi Rafn Bergþórsson skoruðu
eitt mark hver.
Viktor Már Jónasson bætti við
sjötta markinu fyrir Skallagrím eftir
rúmlega klukkustundar leik áður en
Vladimir Panic kom Ísbirninum á
blað á 77. mínútu. Elís Dofri átti
lokaorðið á lokamínútunni með
sínu öðru marki í leiknum og tíunda
marki sínu í sumar í riðlinum, loka-
staðan 7-1 fyrir Skallagrím.
Ef skoðuð eru úrslit leikja í
þessum riðli í sumar er áhuga-
vert að í þessum 52 leikjum sem
eru afstaðnir hefur aðeins tveimur
leikjum lokið með jafntefli. Efstu
liðin, Hvíti riddarinn og Árbær
gerðu jafntefli í sínum innbyrðis
viðureignum og lauk þeim báðum
1-1.
Skallagrímur á enn veika von
að ná sæti í úrslitakeppninni eftir
sigurinn en verður að treysta á
að Árbær tapi sínum leik á móti
Ísbirninum næsta föstudag. Daginn
eftir fer Skallagrímur á Ísafjörð
og leikur síðasta leik sinn í sumar
í riðlinum gegn Herði á Olísvell-
inum. Viðureignin hefst klukkan
14 og verður vonandi ekki síðasti
leikur Skallagríms í sumar.
vaks
Íslandsmeistaramótið í hagla-
byssugreininni Skeet fór fram á
skotvelli Skotfélags Reykjavíkur á
Álfsnesi um helgina. Undanþága
fékkst hjá Umhverfisráðherra til að
geta haldið mótið á svæðinu, þar
sem starfsleyfisumsókn félagsins
hefur ekki verið afgreidd hjá Heil-
brigðiseftirliti Reykjavíkurborgar.
Mótið stóð yfir í tvo daga og lauk
svo með úrslitakeppni.
Í karlaflokki varð Stefán Gísli
Örlygsson úr Skotfélagi Akraness
Íslandsmeistari eftir spennandi
viðureign við Hákon Þ. Svavars-
son nýkrýndan Norurlandameist-
ara. Þeir enduðu á bráðabana þar
sem Stefán skaut einni dúfu meira
en Hákon. Í þriðja sæti varð Guð-
laugur Bragi Magnússon úr Skot-
félagi Akureyrar.
Í kvennaflokki varð Íslandsmeist-
ari María Rós Arnfinnsdóttir úr
Skotíþróttafélagi Hafnarfjarðar,
Helga Jóhannsdóttir úr sama félagi
varð önnur, en hún jafnaði eigið
Íslandsmet í undankeppninni. Í
þriðja sæti hafnaði svo Dagný Huld
Hinriksdóttir úr Skotfélagi Reykja-
víkur. Daníel Logi Heiðarsson úr
Skotfélagi Akureyrar varð Íslands-
meistari unglinga. Í liðakeppn-
inni sigraði sveit Skotíþróttafélags
Suðurlands, en sveitir Skotíþrótta-
félags Hafnarfjarðar hlutu annað
og þriðja sætið. Nánar á úrslitasíð-
unni, www.sti.is
mm/sti.is
KA og ÍA mættust í 17. umferð
Bestu deildar karla í knattspyrnu
á sunnudaginn og fór leikurinn
fram á Greifavellinum á Akureyri.
Leikurinn fyrsta hálftímann var
nokkuð fjörugur þar sem bæði lið
fengu nokkur færi en heimamenn
í KA þó líklegri til að skora fyrsta
markið. Eftir rúman hálftíma leik
misstu Skagamenn Hlyn Sævar
Jónsson af velli með beint rautt
spjald þegar hann braut á Hall-
grími Mar Steingrímssyni sem var
kominn einn inn fyrir vörn Skaga-
manna. Fram að hálfleik voru
norðanmenn sterkari en tókst
ekki að komast á blað og marka-
laust í hálfleik, 0-0.
Einum fleiri herjuðu KA menn
áfram á ÍA í seinni hálfleik en
leikmenn ÍA voru skipulagðir og
þéttir fyrir í sínum varnarleik. Það
var síðan á 68. mínútu að fyrsta
mark leiksins leit dagsins ljós.
Eftir mikinn darraðardans í víta-
teig Skagamanna fékk Nökkvi
Þeyr Þórisson sendingu við víta-
teiginn og renndi boltanum í fjær-
hornið. Sjö mínútum síðar voru
KA menn komnir í tveggja marka
forystu þegar Nökkvi Þeyr fékk
boltann fyrir framan teig ÍA og
renndi boltanum á Hallgrím Mar
sem gerði engin mistök þegar
hann færði boltann yfir á vinstri
löppina fram hjá varnarmanni ÍA
og sendi Árna Marinó í vitlaust
horn, staðan 2-0 fyrir KA. Fjórum
mínútum fyrir leikslok gull-
tryggði síðan títtnefndur Nökkvi
Þeyr sigurinn fyrir KA þegar hann
skaut boltanum í fjærhornið eftir
hraða sókn og skoraði sitt 13 mark
í deildinni í sumar, lokatölur 3-0
fyrir KA.
Skagamenn töpuðu þarna sjö-
unda leik sínum í röð í deildinni
sem er það þriðja mesta hjá þeim
á Íslandsmóti. Þeir töpuðu átta
leikjum í röð árið 1990 og níu
leikjum í röð árin 1966 og 1967
þar sem þeir féllu í fyrsta sinn
seinna árið. Skagamenn eru sem
fyrr neðstir með átta stig, tveimur
stigum á eftir Leikni Reykjavík
sem á einn leik til góða. Næsti
leikur Skagamanna er heimaleikur
á móti ÍBV næsta sunnudag og
hefst klukkan 17.
vaks
Stefán Gísli
Íslandsmeistari í Skeet
Stefán Gísli og María Rós, Íslandsmeistarar 2022. Ljósm. gkg
Skallagrímur með
stórsigur á Ísbirninum
Bryndís Rún skoraði sitt sjötta mark í sumar í leiknum gegn Völsungi. Ljósm. sas
Skagakonur töpuðu fyrir Völsungi
Haukur Andri Haraldsson í baráttu við Nökkva Þey í leiknum. Ljósm. Lárus Árni Wöhler.
Taphrina Skagamanna heldur
áfram – Nálgast vafasamt met