Skessuhorn - 17.08.2022, Blaðsíða 20

MIÐVIKUDAGUR 17. ÁGÚST 202220
Matvælastofnun óskaði nýerið eftir
áliti Lyfjastofnunar á því um hvort
melatónín skuli flokkast áfram
sem lyf hérlendis, óháð styrkleika.
Lyfja stofnun hefur svarað álits-
beiðninni með þeirri niðurstöðu
að melatónín af vægasta styrkleika,
eða 1 mg verði ekki flokkað sem
lyf, að tilteknum skilyrðum upp-
fylltum. Efnið melatónín hefur
verið flokkað sem lyf hérlendis,
óháð styrkleika og því hefur það
verið bannað í matvælum á grund-
velli matvælalaga. Innflutningur,
markaðssetning og dreifing efnisins
sem matvæli þ.e.a.s. fæðubótarefni,
hefur ekki verið heimil hingað til.
Mjög er mismunandi eftir
löndum hvort sett eru mörk fyrir
styrk efnisins varðandi hvenær
það telst lyf og hvenær megi selja
það sem fæðubótarefni. Þannig
má víða erlendis kaupa í versl-
unum, án lyfseðils, melatonin í
töfluformi af styrkleikanum 2, 5
eða 10 mg. Þessar mismunandi
reglur hafa eðlilega valdið ruglingi
hjá neytendunum, sem keypt hafa
melatónín sem fæðubótarefni í
ferðum erlendis, þrátt fyrir að það
sé ekki skilgreint sem löglegt af
innlendum álitsgjöfum og stofn-
unum. Hér á landi hefur því um
árabil verið virkur „svartur mark-
aður“ fyrir efnið, enda er almennt
talið að melatonin sé skaðlítið,
eða skaðlaust efni sem nota má í
stað lyfseðilsskyldra og ávanabind-
andi svefnlyfja. Sem dæmi um mis-
munandi skilgreiningu efnisins má
nefna að melatonin er lyfseðils-
skylt í Bretlandi og var samþykkt
sem lyf til lækninga af Evrópusam-
bandinu árið 2007. Sum ESB lönd
fara þó ekki eftir þeim reglum og
sem dæmi er hægt að kaupa 10 mg
melatonin í lyfjaverslunum í Grikk-
landi án lyfseðils. Í Bandaríkjunum
er melatonin ekki samþykkt sem
læknislyf og selt í matvöruversl-
unum.
Melatónín er hormón sem
myndast í heilaköngli. Það stillir
dægursveiflu/líkamsklukku milli
svefns og vöku. Ef birta í umhverfi
er mikil þá hamlar það framleiðslu
melatónín en framleiðsla melatóník
eykst í lítilli birtu og hormónið býr
líkamann undir svefn. Melatónín
var uppgötvað árið 1958.
Niðurstaða hinnar íslensku Lyf-
jastofnunar er að fæðubótarefni
sem inniheldur 1 mg eða minna af
melatónín í dagskammti falli ekki
undir skilgreiningu á lyfi, að því
gefnu að við markaðssetningu vör-
unnar sé hún ekki sögð búa yfir
eiginleikum sem koma að gagni við
meðferð sjúkdóma hjá mönnum
eða við forvarnir gegn sjúkdómum.
Stofnunin leggur til að melatónín
í hærri styrk en 1 mg/dag verður
hins vegar áfram flokkað sem lyf.
mm
Þau Bryndís Birgisdóttir og Ingi
Gunnar Kristbergsson eru um
þessar mundir að undirbúa opnun
Metabolic stöðvar að Brákarbraut
18 í Borgarnesi, í húsnæði sem
Björgunarsveitin Brák seldi nýverið.
Ingi Gunnar er frá Hofsstöðum
í Stafholtstungum og Bryndís frá
Kópavogi en þau kynntust við nám
í viðskiptafræði á Bifröst. Þau eru
því bæði viðskiptafræðingar en
Bryndís er einnig einkaþjálfari og
hóf að kenna Metabolic í Borgar-
nesi síðastliðinn vetur. Þau segja
það lengi hafa verið draum þeirra
að opna stöð í Borgarnesi, draum
sem nú verður að veruleika.
,,Þetta verður
allur pakkinn“
Bryndís og Ingi segja hugmyndina
að stöðinni hafa kviknað fyrir
mörgum árum en ekki hafi orðið
af henni fyrr en nú vegna flutninga
og heimsfaraldurs. ,,Það er mjög
fyndið að segja frá því en þegar ég
var að þjálfa á Bifröst árin 2016 til
2019 var ég alltaf með þessa hug-
mynd um að opna stöð í Borgar-
nesi. Svo breyttust tímarnir og
við fluttum burt um tíma en erum
komin til baka núna. Okkur lang-
aði mjög mikið að koma aftur en
við erum mjög spennt fyrir þessu
samfélagi og erum með gott
tengslanet hér. Við fórum eigin-
lega bara strax að leita að húsnæði
þegar við fluttum aftur í Borgar-
fjörðinn fyrr á þessu ári. Nú erum
við komin með þetta flotta hús-
næði sem er í heildina 400 fer-
metrar en salurinn sjálfur er 200
fermetrar. Svo erum við að vinna
í því að útbúa móttöku, búnings-
klefa og hér verður barnahorn líka.
Þetta verður allur pakkinn,“ segja
þau í sameiningu.
Æfingakerfi sem
hentar öllum
Metabolic er tiltölulega nýtt
æfingakerfi sem hefur verið að ryðja
sér til rúms á Íslandi. Kerfið býður
upp á hreyfingu í mismunandi
erfið leikastigum svo tímarnir henti
sem flestum. ,,Metabolic er vöru-
merki eða æfingakerfi sem Helgi
Guðfinnsson í Grindavík stofnaði
og á. Æfingarnar virka þannig að
þetta er í fjórum erfiðleikastigum
þannig að þegar þú mætir á æfingu
getur þú alltaf valið hvaða erfið-
leikastig hentar þér þann daginn.
Það er þess vegna alltaf hægt að
mæta dagsformi hvers og eins, það
er það góða við metabolic. Svo er
þetta líka í fjögurra vikna ákefðar-
bylgjum, í fyrstu vikunni förum
við rólega af stað, höfum lengri
hvíldartíma og styttri vinnutíma.
Svo aukum við ákefðina eftir því
sem líður á vikurnar. Æfingarnar
eru ekkert öðruvísi en hvað annað
en við erum alltaf að vinna með
þessar grunnæfingar sem eru öllum
hollar,“ segir Bryndís.
Sérstakir tímar fyrir
konur á og eftir
meðgöngu
Opið verður fyrir alla iðkendur í
hóptíma en einnig verður hægt að
koma í einkaþjálfun eða mæta á
almennum opnunartíma til að sinna
æfingu dagsins. Bryndís er einnig
sérhæfð í hreyfingu fyrir verðandi
og nýbakaðar mæður en hún segir
það sérstakt áhugasvið. ,,Það verður
þannig að allir iðkendur munu hafa
aðgang að hóptímanum í Metabolic
og svo verðum við með almenna
opnun líka á milli tímanna svo fólk
geti komið þegar hentar. Einnig
verður hægt að sinna algjörlega
sínu óháð metabolic kerfinu og svo
verður auðvitað einkaþjálfun í boði.
Við verðum líka með sérstaka tíma
fyrir konur á og eftir meðgöngu en
ég hef sérhæft mig svolítið í því og
hef gríðarlegan áhuga á því sviði,“
segir Bryndís.
Stefnt að opnun
í september
Bryndís og Ingi segjast hlakka til
að opna stöðina, þau lofa opnunar-
partýi með opnunartilboðum en
segja stefnuna setta á að opna
12. september. ,,Svo er ýmislegt
annað í pokahorninu sem kemur
í ljós seinna. Við erum búin að
setja stundatöflu á Facebook og
Instagram en þar má finna okkur
undir „metabolicborgarnesi“. Sú
stundatafla hefst í Íþróttahúsinu
þangað til við opnum hér. Stefnan
er að opna svo 12. september ef allt
gengur eftir. Við þurfum að keyra
vel áfram núna til að ná að klára.
En það verður opnunarpartý og
opnunar tilboð þegar þar að kemur
og við vonum að sem flestir komi.“
sþ
Melatonín leyft með minnsta styrkleika
Húsnæðið er í heildina 400 fermetrar, salurinn telur um 200 fermetra og mun
koma til með að fá nýtt útlit á næstu vikum. Einnig verða búningsklefar, móttaka
og barnahorn.
Opna í september líkamsræktarstöð í Brákarey
Bryndís og Ingi undirbúa opnun Metabolic stöðvar í Brákarey í Borgarnesi.