Heilbrigðisskýrslur - 08.12.1982, Blaðsíða 51

árió 1976 svarandi til 2,85 litra og árið 1980 3,32 litra af hrein-
uiu vinanda á hvern ibúa landsins. Sala áfengis hefur aukist um 13%
á timabilinu en sölumagn svefn- og róandi lyfja minnkað um 43% á
sama tima (sjá mynd 15). Sala á tollfrjálsu áfengi mun vera svipuð
frá ári til árs. Rökstuddur grunur leikur á þvi að neysla heima-
bruggaðra vina og öls hafi aukist stórlega á Íslandi siðustu árin.
Ástæða er til að ætla að margir neytendur noti sér róandi og svæf-
andi verkun áfengisins. Fjallað er á öðrum staö um breytingar á
sölu og neyslu ólöglegra fikniefna og eiturlyfja á Islandi.
Hin mikla minnkun á sölu diazepams á efalitið að mestum hluta rætur
að rekja til þess að 10 mg töflurnar voru teknar af skrá á árinu
1977 og að magn benzódiazepinlyfja á hverjum lyfseðli var takmarkað
árió 1980. Einnig hefur verió fylgst með ávisunum lækna á benzódia-
zepinlyf á ákveónum timabilum og hefur landlæknir ritað þeim bréf
ef ábendingum um hámarksskammta hefur ekki verið fylgt.
Mynd 15: Samanburður á aukinni áfengissölu og minnkandi sölu
róandi lyfja og svefnlyfja.
51