Borgfirðingabók - 01.12.1981, Side 76

74
eftir það verkamannavinnu í Borgarnesi og í Reykjavík. Guð-
brandi var gefin mikil iðni og vinnusemi, og hann fékk að njóta
þess, að stunda sín daglegu störf allt til 80 ára aldurs og átti það
vel við skaphöfn hans.
Signður Steinunn Benediktsdóttir hfr. á Vogalæk í Álftaneshrepp,
síðast til heimils að Dvalarheimili aldraðra í Borgarnesi, lést 7.
janúar 1980 og varð jarðsunginn frá Borgarneskirkju 12.janúar
sama ár. Hún var fædd að Skíðsholtum í Hraunhreppi 22. sept.
1891, dóttir hjónanna Andríönu Sigríðar Guðmundsdóttur og
Benedikts Þórðarsonar sem þá bjuggu þar en síðar í Hólmakoti í
sömu sveit. Sigríður var þriðja í aldursröð sjö systkina. Sigríður
ólst upp og dvaldist með fjölskyldu sinni í Hólmakoti og á
Okrum fram yfir fertugsaldur.
Þrítug að aldri tók hún til fósturs fárra vikna gamalt stúlku-
barn, Guðrúnu Arnbjörgu Pétursdóttur, sem aldrei gekk heil til
skógar en Sigríður vékst ekki undan skyldum og ól önn fyrir
þessari dóttur sinni í full 55 ár eða á meðan heilsa og kraftar
leyfðu. Var til þess tekið, hvílíka umhyggju og ástúð hún sýndi
þessu fósturbarni sínu. Á vordögum 1936 urðu þáttaskil í lífi
hennar er hún tók við forsjá heimilis fyrir Gísla frænda sinn
Þorkelsson, bónda á Vogalæk og 19. mars árið eftir gengu þau í
hjónaband.
Þau hjón tóku til fósturs ungan dreng, Jóhannes Vilhelm
Sigurbjörnsson og reyndust honum sem væri hann þeirra eigin
sonur. Býr hann nú á Vogalæk og rekur þar bíla- og búvéla-
verkstæði. Sigríður missti mann sinn árið 1973 og var þá sjálf
þrotin að heilsu og kröftum en reyndi þó að halda heimili á
Vogalæk næstu þrjú árin með fósturbörnum sínum. Eftir það
var hún um skeið hjá frænda sínum, Ólafi Þórðarsyni á Ökrum
en síðustu æviárin á Dvalarheimili aldraðra í Borgarnesi.
Guðjón Þórarinsson Öfjörð lést hinn 30. janúar 1980. Fæddur
varhann 17. sept. 1890 í Austurhlíð í Gnúpverjahreppi Árn.