Borgfirðingabók - 01.12.1981, Side 77

75
Foreldrar hans voru þau Þórarinn Vigfússon og kona hans
Guðný Oddsdóttir lengst af kennd við Fossnes í sömu sveit.
Tveggja ára gömlum var Guðjóni komið til fósturs hjá föður-
systur sinni, Guðrúnu Jónsdóttur, í Lækjarbug í Hraunhreppi
og átti þar heima æ síðan.
Arið 1913 kvæntist hann Valgerði Stefánsdóttur frá Jörfa.
Eignuðust þau tvær dætur, Guðrúnu gifta Gísla Þórðarsyni í
Mýrdal og Guðríði gifta Franklín Jónssyni í Reykjavík. Þá átti
Guðjón barn með Kristínu Illugadóttur, Valtý, fyrrverandi
bæjarstjóra í Keflavík.
Guðjón missti konu sína árið 1918 og bjó eftir það með bú-
stýru, Maríu Guðmundsdóttur frá Alftá.
Guðjón var sóknarnefndarformaður og meðhjálpari í Stað-
arhraunskirkju um áratuga skeið og má segja, að núverandi
Firkja þar sé hans verk. Hann var jarðsunginn að Ökrum 9.
febrúar 1980.
LeifurJónsson frá Hamri lést hinn 15. febrúar 1980.
Hann var fæddur 6. mars 1901 á Valbjarnarvöllum í Borgar-
hrepi. Foreldrar hans voru þau Jón Guðmundsson bóndi þar og
kona hans Sesselja Jónsdóttir. Var Leifur yngstur 10 systkina.
Flann átti heima á Valbjarnarvöllum fram á fullorðinsár en
flytur þá til Kristófers bróður síns sem bjó á Hamri í sama hreppi
og var jafnan við þann bæ kenndur. Mörg síðustu árin var hann
verkamaður í Borgarnesi.
Utför hans var gerð frá Borgarneskirkju 23. febrúar 1980.
Guðmundur Helgason frá Stangarholti lést af slysförum í
Reykjavík 17. maí 1980. Hann var fæddur 20. september 1917,
sonur hjónanna í Stangarholti Helga Salómonssonar og Guð-
nýjar Guðmundsdóttur. Bóndi í Stangarholti, fyrst með föður
sínum en síðan einn. Vann árum saman við skurðgröft. Kona
hans var Valdís Valdimarsdóttir frá Guðnabakka og eignuðust
þau 6 börn.
Utför hans fór fram frá Borg 24. maí.