Borgfirðingabók - 01.12.1981, Page 105
103
skólann fokheldan og í apríl var gengið frá verksamningi að
upphæð kr. 193.833.761. Stærð hússins er samtals 2.420 ferm.
Um áramót var búið að steypa þennan áfanga upp og vinna
hafin við það.
23. júní hófst vinna við viðbyggingu við íþróttahúsið. Stærð
378,8 ferm. + 20,6 ferm. — 1.613 rúmm. Viðbyggingin er
anddyri niðri og 4 kennslustofur, kennarastofa og salerni. Húsið
var tekið í notkun fyrir kennslu grunnskólabarna, 21. október.
Hafnargerð: Grjótgarður í Lambhúsasundi.
Vinna við verkið hófst 11. ágúst og því lauk 26. sept. Ekið var
kjarna í 220 m. langan gerð, því verki var lokið 4. sept. Var síðan
klæddur að utan með stóru grjóti, réðst af því hvað náman gaf af
stóru grjóti. Því verki lauk 23. sept. Þá var grafinn upp vegur
sem hafði verið lagður út að garðinum. í garðinn fóru 18.618
rúmm. af kjarna og grjóti. Kostnaður við garðinn voru rúmar
111 millj. kr.
Aðrar framkvæmdir við hófnina voru viðhald á fríholtum,
ferjubrú o.fl. A Qárhagsáætlun var veitt fé til byggingar á
hafnarhúsi, en þar sem ekki náðist samkomulag um stað og
teikningu hjá bæjarstjórn, varð ekkert úr framkvæmdum nema
teikningar og aftur teikningar.
Endurbætur á grjótvörn framan við einingarvegg..
Vinna við verkið hófst 21. júní, og því lauk 11. ágúst. Akstur
með grjót hófst 11. júlí, ekið var 6440 rúmm. af grjóti. Lengd á
grjótvörninni var um 200 m, kostnaður við verkið var tæpar 48
millj. kr. Grjót var tekið úr sömu námu og var opnuð 1976 og
hefur verið notuð að mestu síðan.