Borgfirðingabók - 01.12.1981, Qupperneq 111

109
Sjálfboðastörf eru auðvitað sjálfsögð í íþróttahreyfingunni, og
sem betur fer er það stór hópur manna sem er reiðubúinn að
verja tómstundum sínum og vel það í störf fyrir íþróttir. En það
er miður hvað mikill tími fer í að útvega fjármagn til
starfseminnar og ef ekki kæmi til almennur skilningur á gildi
íþróttastarfsins og mjög mikil velvild og vinátta þeirra manna
sem eiga og stjórna fyrirtækjum hér, er hætt við, að við værum
illa staddir.
Iþróttabandalagið vill þakka þennan stuðning og þá þolin-
mæði sem stjórnendur fyrirtækja sýna þegar leitað er til þeirra,
en fátt eitt getur virkað eins hvetjandi á bæjarsamstöðu og góð
íþróttaafrek. Einstaklingar og fyrirtæki er hinn sterki bakhjarl
okkar, án hans gætum við lítið, og vonum við að áframhaldandi
skilningur ríki hjá þessum aðilum.
Stjórn IA þakkar svo öllum sem æft og keppt hafa fyrir IA á
þesu ári og vonar að allt það fólk haldi áfram að iðka íþróttir.
Ollum þjálfurum og stjórnum ráða og félaga þakkar hún vel
unnin störf.
Starfsfólki íþróttamannvirkja þökkum við gott samstarf, og
bæjaryfirvöldum, svo og öllum sem á einn eða annan hátt studdu
og styrktu íþróttahreyfinguna.
Stjórn IA gerir sér ljóst að mikið er eftir að gera til upp-
byggingar fyrir gott íþróttalíf hér, en líka er búið að gera
nokkuð, og það er hlutverk hverrar stjórnar að vera vel vakandi
fyrir þörfum hreyfingarinnar. Og þegar menn snúa saman
bökum og vinna í samvinnu að málum þá nást ýmis mál fram
íþróttahreyfmgunni til heilla. Svo vonum við að allt
íþróttalíf og íþróttastarf eigi eftir að blómgast um ókomin ár.