Borgfirðingabók - 01.12.1981, Síða 142

140
dæmið gangi upp. Það er von stjórnar UMSB að þessi ferð
heppnist vel og verði öllum til gagns og ánægju.
Félagsmálafrœðsla
Einn er sá þáttur í starfi ungmennafélagshreyfingarinnar sem
hefur í gegnum árin verið hornsteinn öflugs starfs þeirra. í
þennan hornstein telja sumir að komnir séu brestir. Þessi
þáttur er góð félagsleg samstaða þegar vinna þarf verk. Félags-
legur þróttur stjórnenda félaganna til að stýra félagi þannig að
allir finna nokkuð til þess að vera ábyrgur. Þessi formáli að
félagsmálafræðslu er notaður því stjórn UMSB er sammála um
að þessi þáttur í starfi hreyfingarinnar þurfi hressingarsprautu.
I þeim tilgangi fór stjórn UMSB þess á leit við Guðmund
Guðmundsson, skólastjóra Félagsmálaskóla UMFÍ að hann
kæmi á formannafund 4. des. sl. og kynnti starf skólans. Von
stjórnar er að ungmennafélögin taki sig saman tvö eða fleiri og
haldi félagsmálanámskeið.
Spumingakeppni
Fyrir nokkru var ákveðið af stjórn sambandsins að gangast
fyrir spurningakeppni. Formannafundur 4. des. tók mjög vel í
þá hugmynd og hefur verið skipuð nefnd til þess að ýta þessu úr
vör. I nefndinni eiga sæti: Ingibjörg Daníelsdóttir, Sigríður
Þorvaldsdóttir, Davíð Magnússon og Guðjón Viggósson.
Niðurlag
Skýrslu stjórnar fyrir árið 1980 er nú lokið. Drepið hefur verið
á ýmsa þætti starfsins s.l. ár. Sjálfsagt hefur nú eins og svo oft
áður verið staðið að málum ólíkt því sem best verður á kosið, en
mannskepnan er ófullkomin - stjórn og starfsmenn UMSB ekki
síður en aðrir. Þakkir skulu færðar að lokum öllum félags-
stjórnum fyrir gott samstarf og umburðarlyndi svo og