Borgfirðingabók - 01.12.1981, Side 144

Frá Búnaðarsambandi Borgarfjarðar
Veðrátta árið 1980 var hagstæð landbúnaði hér í Borgarfirði
eins og annarsstaðar á landinu. Veturinn frááramótum 1979og
1980 var veðragóður og snjóléttur. Hey frá sumrinu reyndust
vel, voru drjúg og kraftmikil og fór allur fénaður vel að. Kýr
mjólkuðu mjög vel. Kom þar einnig til að verð á kjarnfóðri var
tiltölulega hagstætt og það því mikið notað. Fyrstu 6 mánuði
ársins var mjólkurinnlegg í Mjólkursamlag K.B. 3,3% meira en
sama tímabil árið áður, þrátt fyrir lítilsháttar fækkun kúa.
Vorið kom snemma a.m.k. miðað við síðari ár og jörð kom
óskemmd undan vetri. Uthagi gréri fljótt og var kominn sæmi-
legur sauðgróður um miðjan sauðburð. Sauðfé gekk vel fram og
sauðburður varð auðveldur vegna góðviðra og mikils gróðurs,
en færri ær urðu að tiltölu tvílembdar en oft áður.
Sláttur var víðast hafinn í lok júnímánaðar. Heyskapartíð
mátti heita sæmileg, þó var skúrasamt fyrri hluta júlímánaðar
einkum í upphéraðinu. Leiddi það til þess að hey velktust dálítið
og sláttur tafðist. I ágústmánuði voru þurrkar stopulir. Hey
komust þó víðast græn í hlöðu og sæmilega verkuð. Þau urðu
mikil að vöxtum. Alls varð heyfengur í Borgarfjarðarsýslu
177.588 m3 af þurrheyi og 7.342 m3 af votheyi en í Mýrasýslu
141.521 m3 af þurrheyi og 4.958 m3 af votheyi. Það er einróma
dómur bænda, að heyin frá sumrinu 1980 reynist létt. Niður-
stöður efnagreininga styðja þessa skoðun. A vegum Búnaðar-
sambands Borgarfjarðar var efnagreint 71 þurrheyssýni úr hér-
aðinu á efnarannsóknarstofu Bændaskólans á Hvanneyri. Af