Borgfirðingabók - 01.12.1981, Page 148

Samband Borgfirskra kvenna
Samband borgfirskra kvenna var stofnað 30. júní 1931
I sambandinu eru 17 kvenfélög með 946 meðlimi.
Aðalfundur sambandsins var haldinn að Hlöðum á
Hvalfjarðarströnd dagana 3.og 4. maí 1980. Var aðalfundurinn
haldinn í umsjá Kvenfélagsins Lilju á Hvalfjarðarströnd. Arleg
kvöldvaka S.B.K. var einnig haldin að Hlöðum að kvöldi föstu-
dagsins 2.maí og sáu kvenfélagskonur í Lilju um skemmtiatriði
og báru fram veitingar af mikilli rausn. Fjölmenntu félagskonur
víðs vegar af félagssvæðinu á kvöldvökuna að vanda. Gestir
sambandsins voru María Pétursdóttir, formaður Kvenfélaga-
sambands íslands, Þórunn Eiríksdóttir úr varastjórn K.Í.,
Brynhildur Eyjólfsdóttir fyrrv. ritari S.B.K. og 2 konur frá
Kvennadeild Borgfirðingafélagsins í Reykjavík, þær Asta
Sigurðardóttir og Guðný Þórðardóttir.
í mars og apríl 1980 voru haldin 2 saumanámskeið að Varma-
landi með þátttakendum úr nokkrum kvenfélaganna norðan
heiðar. Kennarar voru þær Herdís Guðmundsdóttir, og Magda-
lena Þórisdóttir, saumakennarar á Varmalandi. Steinunn Ingi-
mundardóttir, skólastjóri, var svo vinsamleg að lána saumastofu
skólans undir námskeiðin endurgjaldslaust.
Boðið var til kvöldvöku að Varmalandi í hússtjórnarskólanum
fimmtudaginn 17. apríl 1980. Þar flutti Jón Sveinsson, lögfræð-
ingur á Akranesi, erindi um nýja skattafrumvarpið og svaraði
fyrirspurnum. Námsmeyjar skólans skemmtu gestum og boðið