Morgunblaðið - 19.08.2022, Blaðsíða 4

4 FRÉTTIR
Innlent
MORGUNBLAÐIÐ FÖSTUDAGUR 19. ÁGÚST 2022
„Hér hafa allir hlaupið mjög hratt.
Ég held að það sé góð samstaða í
borgarráði milli minni- og meiri-
hluta um að gera allt sem við get-
um til þess að auka framboð á
plássum og koma börnum á leik-
skóla,“ sagði Einar Þorsteinsson,
borgarfulltrúi Framsóknarflokksins
og formaður borgarráðs, eftir
kynningu borgarráðs á tillögum
vegna leikskólavandans í gær. Alls
voru sex tillögur kynntar.
Kristín Tómasdóttir, fjögurra
barna móðir og fjölskyldumeðferð-
arfræðingur sem hefur staðið fyrir
mótmælum vegna leikskólavandans
í Reykjavíkurborg, tók til máls að
kynningu lokinni. Kvaðst hún ekki
sátt við kynningu borgaryfirvalda á
tillögum þeirra á lausn vandans og
telur hún borgina þurfa að gera
betur. Þá sakaði hún borgaryfir-
völd um kæruleysi og dónaskap og
sagði kynninguna ekki innihalda
nein bein svör. „Við getum ekki
farið í vinnuna okkar vegna þess að
þið eruð ekki að vinna vinnuna
ykkar.“
Biðlistabætur
ekki á meðal tillaganna
Kristín kallaði eftir því að borgin
myndi greiða foreldrum biðlista-
bætur þar sem margir hefðu þurft
að hætta vinnu. Á fundi borgarráðs
þann 11. ágúst lögðu fulltrúar
Sjálfstæðisflokksins til að foreldrar
þeirra barna sem væru orðin 12
mánaða eða eldri og enn á biðlista
fengju um 200.000 krónur í mán-
aðarlegar biðlistabætur. Biðlista-
bætur voru ekki meðal tillagnanna
sem meirihluti borgarráðs kynnti í
gær.
Einar Þorsteinsson segir það
vera snúið mál að greiða foreldrum
sem eru með börn á biðlista eftir
leikskólaplássi í Reykjavík biðlista-
bætur. „Það þarf að nýta fjár-
magnið sem best til að auka úrræð-
in. Það eru víða biðlistar í borg-
inni.“ Sem dæmi nefnir Einar bið-
lista eftir félagslegu húsnæði og
þjónustu við fatlað fólk.
„Það er alveg viðbúið að þeir
sem myndu fá biðlistabætur í leik-
skólakerfinu myndu ekki vera þeir
einu sem myndu gera kröfu um
biðlistabætur. Af því að aðrir hóp-
ar, sem eiga rétt á lögbundinni
þjónustu, munu telja sig eiga skýra
kröfu á að fá bætur líka. Í því sam-
hengi má benda á að leikskólaúr-
ræði er ekki lögbundin skylda
sveitarfélaganna.“
Tillögunni um biðlistabætur var
ekki hafnað af borgarráði. Var hún
sendi til umsagnar hjá fjármála- og
áhættustýringarsviði sem mun
greina umfang hennar og þau laga-
legu sjónarmið sem eru uppi varð-
andi jafnræði gagnvart öðrum hóp-
um.
Stórt mál sem geti haft
alvarlegar afleiðingar
Skúli Helgason, borgarfulltrúi
Samfylkingarinnar og formaður
stýrihóps borgarinnar í uppbygg-
ingu leikskóla, segir biðlistabætur
vera í skoðun en að það sé mjög
stórt mál sem geti haft alvarlegar
afleiðingar. „Við þurfum að skoða
fordæmið og jafnræði gagnvart
öðrum umsækjendum um grunn-
þjónustu. Eiga þeir þá sama rétt
eins og í þessu tilviki? Þessari til-
lögu er ekki hafnað, hún fer í rýni
og skoðun og fær umsögn hjá fjár-
málaskrifstofunni.“
Hann segir að á biðlista eftir
leikskólaplássi séu um 665 börn
sem eru 12 mánaða og eldri.
Segir tillögurnar
ekki duga til
Hildur Björnsdóttir, oddviti
Sjálfstæðisflokksins, fagnar því að
eitthvað sé gert til að taka á vand-
anum en segir þó að tillögur meiri-
hlutans dugi ekki til. „Það skortir
raunhæfar tímaáætlanir, áætlanir
um mönnun og tölfræði um það
hversu langt þetta nær til að stytta
biðlistann til framtíðar.“ Að mati
Hildar koma tillögur meirihlutans
heldur seint.
Skúli Helgason telur aftur á móti
tillögurnar til þess fallnar að bæta
stöðuna mikið.
„Við erum fyrst og fremst með
þessum tillögum að reyna að koma
til móts við foreldra sem höfðu
réttmætar væntingar um að þeir
kæmust með börnin inn í haust.
Við byggðum okkar tímaáætlun á
þeirri spá sem skóla- og frístunda-
svið gaf út miðað við þær fram-
kvæmdir sem voru í gangi. Sam-
kvæmt þeim átti að vera hægt að
taka á móti 12 mánaða börnum í
haust. Svo hafa ýmsir þættir orðið
til þess að tefja það plan en mark-
miðið er áfram það sama. Við vilj-
um koma börnum frá 12 mánaða
inn í leikskólana og þurfum að
finna nýjar leiðir, til viðbótar við
þær sem hafa þegar verið sam-
þykktar. Þessar tillögur eru inn-
legg inn í þá vinnu,“ segir Skúli.
Margar aðgerðir í tengslum
við mönnunarvandann
Spurður um mönnunarvandann
segir Skúli að hann sé vel reifaður í
greinargerðinni sem fylgir með til-
lögunum. „Þar er sérstakur kafli
um mönnunarmálin. Það eru mjög
margar aðgerðir í gangi á sviðinu
um þau mál. Þetta er meiri vinna
varðandi mönnun en við höfum séð
lengi.“
Tillögur að lausnum kynntar
- Um 665 börn 12 mánaða og eldri á biðlista eftir leikskólaplássi - Kallað eftir biðlistabótum fyrir for-
eldra - Borgin kynnti sex tillögur að lausn á leikskólavandanum - Telur að borgin þurfi að gera betur
Morgunblaðið/Hákon
Leikskólamál Kristín Tómasdóttir tók til máls eftir að meirihlutinn kynnti tillögurnar að leikskólavandanum
Nýjar aðgerðir borgarinnar í leikskólamálum
Heimild: Reykjavíkurborg
1.OpnunÆvintýraborgar
á Nauthólsvegi verði flýtt
til fyrri hluta september
Áhersla verður á fjölbreytta
útiveru meðan unnið er
að frágangi útileiksvæðis.
Leikskólinn getur tekið á
móti 100 börnum.
2. Laust húsnæði borg-
arinnar verði nýtt til að
taka við nýjum börnum
í haust
Verið er að kanna hvort
nýta megi Korpuskóla
undir leikskólastarf. Einnig
tvær deildir til viðbótar
í leikskólanum Bakka
í Staðarhverfi. Þannig
er stefnt að því að fjölga
plássum um 160-200.
Þá er skoðað hvort hægt
er að nýta húsnæði
frístundaheimila og annað
húsnæði borgarinnar.
3. Nýr leikskóli í Fossvogi
Reykjavíkurborg nýti
forkaupsrétt sinn með
kaupum á lóð í Fossvogs-
dalnum, við hlið Rækt-
unarstöðvar Reykjavíkur.
Ævintýraborg fyrir
100 börn verði sett
upp á lóðinni
verði skipulagsbreytingar
fyrir lóðina samþykktar.
4. Stækkun Steinahlíðar
Reykjavíkurborg taki upp
viðræður við Barna-
vinafélagið Sumargjöf
sem á húsnæði og lóð
Steinahlíðar um að leik-
skólinn verði stækkaður,
tímabundið og/eða varan-
lega. Steinahlíð rúmar 55
börn í dag.
5. Hækkun niðurgreiðslu
til dagforeldra
Stofnstyrkir verði
hækkaðir og fleiri leiðir
til úrbóta kannaðar, s.s.
húsnæðisstuðningur og
fræðslustyrkir.
6. Verklag leikskóla-
innritunar
Samþykkt var að verklag
leikskólainnritunar verði
endurskoðað með tilliti til
bættrar upplýsingagjaf-
ar til foreldra, einföldun-
ar umsóknarferils og
meira gagnsæis.
Höskuldur Daði Magnússon
hdm@mbl.is
„Við höfum því miður ekki náð að
anna eftirspurn í ár. Við fáum
aldrei nægjanlegt magn af vörum,“
segir Tinna Gunnlaugsdóttir, vöru-
merkjastjóri í matvörudeild ÓJK-
ÍSAM sem flytur inn hið vinsæla
Maille-sinnep frá Frakklandi.
Margir hafa komið að tómum
hillum í kjörbúðum á höfuðborg-
arsvæðinu að undanförnu sem alla
jafna svigna undan ýmsum gerðum
af Dijon-sinnepi. Dijon-sinnepið á
sér marga aðdáendur enda þykir
sú blanda, sem næst fram með því
að láta brún sinnepsfræ liggja á
hvítvíni, slá einstakan tón.
Skortur hefur verið á sinnepi í
heiminum í ár en hann má að
mestu rekja til mikilla þurrka í
Kanada. Þar í landi eru framleidd
um 80% af öllum sinnepsfræjum í
heiminum. Stríðið í Úkraínu spilar
enn fremur inn í skortinn því þar
er framleitt talsvert af hvítum
sinnepsfræjum, sem notuð eru í
gult sinnep og breskt sinnep. Eftir
að hvítu fræin urðu ófáanleg sóttu
margir framleiðendur í þau brúnu
sem Kanadamenn framleiða. Verð-
ið þrefaldaðist og því hafa fram-
leiðendur dregið saman seglin.
Tinna segir að skorturinn hafi
verið viðvarandi allt þetta ár en
það er fyrst núna sem hann bítur
okkur Íslendinga. „Þetta er að
koma í bakið á okkur núna. Vegna
skorts á sinnepsfræjum er sinn-
epið skammtað á alla markaði. Við
fáum um helmingi minna en við
seljum venjulega. Þannig hefur
þetta verið í ár. Þó við höfum
reynt að stýra framboðinu kemur
þetta í bylgjum. Við vildum ekki
að allt væri búið í júlí og nú er út-
lit fyrir að það líti ágætlega út
með framboð fyrir jólin,“ segir
hún. Von er á sendingu af
Maille-sinnepi eftir 1-2 vikur og þá
ætti að vera hægt að næla sér í
krukku í flestum búðum. Ljóst er
þó að það verður ekki fyrr en á
nýju ári sem framleiðslan kemst í
samt horf og fólk getur gengið að
tryggum birgðum.
„Fólk þarf að fylgjast með þeg-
ar næsta sending kemur. Svo
fáum við aftur magn fyrir jólin.
Það eru sterkar hefðir sem sinn-
epið er hluti af og við stílum vís-
vitandi inn á að hægt sé að halda í
þær,“ segir Tinna Gunnlaugs-
dóttir.
Sinnepsskortur skekur landsmenn
- Dijon-sinnep víða ófáanlegt um þessar mundir - Tómar hillur í kjörbúðum en von á sendingu eftir
1-2 vikur - Þurrkum í Kanada og stríðinu í Úkraínu um að kenna - Vona að nóg verði til fyrir jólin
Morgunblaðið/Hákon
Skortur Þar sem Dijon-sinnepið er vanalega að finna er nú allt tómt. Enn er
þó hægt að næla sér í krukku af pólsku sinnepi og sælkerasinnepi Svövu.
AFP/JEFF PACHOUD
Vinsælt Hið franska Dijon-sinnep á sér marga aðdáendur. Hér má sjá veg-
lega sinneps-verslun sem er að finna í borginni Dijon í Austur-Frakklandi.