Morgunblaðið - 19.08.2022, Blaðsíða 27

ÍÞRÓTTIR 27
MORGUNBLAÐIÐ FÖSTUDAGUR 19. ÁGÚST 2022
Eitt
ogannað
FRJÁLSAR
Jóhann Ingi Hafþórsson
johanningi@mbl.is
„Ég var svolítið svekktur með ár-
angurinn í dag,“ viðurkenndi
sleggjukastarinn Hilmar Örn Jóns-
son í samtali við Morgunblaðið eftir
að hann hafnaði í tólfta sæti í grein-
inni á Evrópumótinu í München í
Þýskalandi í gærkvöldi.
Hilmar tryggði sér sæti í úrslit-
um með góðum árangri í undanriðli.
Þar kastaði hann 76,33 metra, sem
er hans besta kast á árinu. Í gær
náði hann hins vegar aðeins einu
gildu kasti, 70,03 metra, í þremur
tilraunum. Íslandsmet hans er
77,10 metrar og var hann því nokk-
uð frá sínu besta í úrslitunum.
Töfin hafði áhrif
„Ég er ánægður með hvernig ég
bar mig út á velli og var tilbúinn í
þetta. Ég náði því miður ekki að
setja saman kast, en ég var alveg
klár og tilbúinn. Ég á eftir að fara
betur yfir með þjálfaranum mínum
hvað klikkaði en það vantaði ekk-
ert. Það er örugglega hægt að finna
ástæðu fyrir því hvers vegna ég gat
ekki sett saman gott kast en svona
var þetta í dag,“ sagði hann.
Vegna mikillar úrkomu þurfti að
seinka keppni um 20 mínútur og
Hilmar viðurkennir að það hafi haft
áhrif á undirbúning sinn fyrir úr-
slitin. „Rigningin hafði ekki mikil
áhrif á mig. Eina sem hafði áhrif
var töfin, því ég var í banastuði á
æfingasvæðinu en svo þurftum við
að bíða í skjóli í 20 mínútur. Það
dró úr mér en ég læri af því.“
Í hörkustuði og sýndi það
Hilmar er fyrsti Íslendingurinn í
sögunni sem kemst í úrslit í
sleggjukasti á stórmóti í frjálsum
íþróttum og hann viðurkennir að
það hafi verið skemmtileg tilfinn-
ing að ganga á keppnisvöllinn með
hinum ellefu bestu kösturum álf-
unnar.
„Þetta var ekkert ólíkt því sem
var í undanúrslitunum, nema að
núna vorum við bara tólf bestu og
það var ákveðin tilfinning og maður
kveikti að maður var einn af tólf
bestu. Svo var það bara keppni og
allt í gang,“ sagði hann.
Hilmar var mjög ánægður með
árangurinn í undanriðlum, þar sem
hann var með sjöunda besta árang-
ur allra og tryggði sér sæti í úrslit-
unum með sannfærandi hætti.
Ótrúlega gaman
„Það var geggjað. Ég var í
hörkustuði og náði að sýna það. Það
var fyrsta skrefið og annað skrefið
var í kvöld. Það tókst ekki alveg í
kvöld en það var ótrúlega gaman að
komast í úrslit á stórmóti,“ sagði
Hilmar. Hann var ekki í vafa um að
úrslit á stórmóti sé hans stærsta af-
rek á ferlinum, stærra en að setja
Íslandsmet. „Já algjörlega. Þetta
var klárlega stærra en það. Fyrsta
skrefið var að komast í úrslitin og
allt hefði verið bónus eftir það.“
Yfirstandandi tímabil er senn á
enda, en Hilmar ætlar að halda sér
í góðu standi fyrir innanhússtíma-
bilið á næsta ári. „Það er ekkert á
planinu með mót í dag en ég held
áfram að æfa og undirbúa mig. Ég
klára tímabilið og verð svo klár í
næsta tímabil,“ sagði Hilmar Örn
Jónsson.
Ólympíumeistarinn sigraði
Pólverjinn Wojciech Nowicky, ól-
ympíumeistarinn frá því í Tókýó
síðasta sumar, varði Evrópumeist-
aratitil sinn með kast upp á slétta
82 metra, en það er lengsta kast
ársins í heiminum og hans næst-
besta kast á stórmóti. Nowicky hef-
ur unnið þrjú gull á stórmótum, tvö
silfur og fjögur brons. Bence Ha-
lász frá Ungverjalandi varð annar.
Hann kastaði lengst 80.82 metra,
sem er hans lengsta kast á ferl-
inum. Halász er bronsverðlaunahafi
frá HM í Dóha 2019 og EM í Berlín
2018. Norðmaðurinn Eivind Hen-
riksen kastaði 79,45 metra og tók
bronsið. Henriksen varð annar á
Ólympíuleikunum í Tókýó og tók
bronsið á HM í Eugene í síðasta
mánuði.
Klárlega
stærra en
Íslandsmetið
AFP/Andrej Isakovic
München Hilmar Örn Jónsson býr sig undir að kasta sleggunni í úrslitunum
á Evrópumótinu í München í Þýskalandi í gærkvöldi.
- Hilmar Örn varð tólfti á EM - Fyrsti
Íslendingurinn til að fara í úrslit
Drengjalandslið Íslands, skipað
leikmönnum 16 ára og yngri, mátti
þola stórt tap, 59:107, fyrir Belgíu í
8-liða úrslitum B-deildar Evrópu-
mótsins í Sofíu í Búlgaríu í gær.
Lars Erik Bragason var stiga-
hæstur í íslenska liðinu gegn Belg-
um með 13 stig auk þess sem hann
tók sjö fráköst og og gaf fjórar
stoðsendingar. Ísland mun því leika
um 5.-8. sæti mótsins en liðið mætir
Svíþjóð í dag og sigurvegarinn úr
þeim leik mætir annað hvort Aust-
urríki eða Bosníu í leik um 5. sætið
á morgun.
Ísland mætir
Svíþjóð í Sofíu
Ljósmynd/FIBA
13 Lars Bragason fór mikinn fyrir
íslenska liðið gegn Belgíu í gær.
Valgarð Reinhardsson varð efstur
Íslendinganna fimm á Evrópu-
mótinu í áhaldafimleikum í Münch-
en í Þýskalandi í gær. Valgarð fékk
samtals 77,098 stig í fjölþrautinni
þar sem keppt var á sex áhöldum.
Hann hafnaði í 42. sæti en hann var
hæstur Íslendinganna á gólfi, boga-
hesti, hringjum, stökki og tvíslá.
Jónas Ingi Þórisson hafnaði í 61.
sæti í fjölþrautinni og Martin Bjarni
Guðmundsson í 70. sæti. Atli Snær
Valgeirsson keppti á fjórum áhöld-
um á mótinu og Jón Sigurður Gunn-
arsson á tveimur.
Valgarð efstur
Íslendinganna
Ljósmynd/FSÍ
42 Valgarð Reinhardsson náði best-
um árangri íslensku keppendanna.
KNATTSPYRNA
Mjólkurbikar karla, 8-liða úrslit:
Kórinn: HK – Breiðablik .......................... 20
1. deild kvenna, Lengjudeildin:
Fossvogur: Víkingur R. – Haukar ...... 17.30
Extra-völlur: Fjölnir – Fylkir .................. 18
Kópavogur: Augnablik – Grindavík.... 19.15
3. deild karla:
Fífan: Augnablik – ÍH.......................... 19.30
Samsung-völlur: KFG – Kári .............. 19.15
Valsvöllur: KH – Vængir Júpíters...... 19.15
Í KVÖLD!FH og HK skildu jöfn í toppslag 1.
deildar kvenna í knattspyrnu,
Lengjudeildarinnar, á Kapla-
krikavelli í Hafnarfirði í gær.
Leiknum lauk með markalausu
jafntefli en bæði lið fengu færi til
þess að skora. Markverðir liðanna,
þær Aldís Guðlaugsdóttir, FH, og
Audrey Rose Baldwin, HK, áttu
báðar stórleik á milli stanganna.
Úrslitin þýða að FH er enn með
fjögurra stiga forskot á HK á
toppnum. FH er með 37 stig og HK
í öðru sæti með 33 stog.
Tindastóll getur með sigri á
Fjarðabyggð/Hetti/Leikni á morg-
un farið í 34 stig og upp í annað
sætið, en tvö efstu liðin fara upp í
efstu deild. FH og HK eiga nú að-
eins þrjá leiki eftir en Tindastóll
fjóra og stefnir í æsispennandi bar-
áttu um sæti í deild þeirra bestu.
Morgunblaðið/Eggert
Fyrirliðar Sigríður Lára Garðarsdóttir og Isabella Eva Aradóttir takast á.
Þriggja liða kapphlaup
um sæti í efstu deild
Fylkir tyllti sér á toppinn í 1. deild
karla í knattspyrnu, Lengjudeild-
inni, þegar liðið tók á móti Selfossi
á Würth-vellinum í Árbænum í 17.
umferð deildarinnar í gær.
Leiknum lauk með 4:3-sigri Ár-
bæinga sem leiddu 3:0 í hálfleik en
það voru þeir Emil Ásmundsson og
Birkir Eyþórsson sem skoruðu
mörk Fylkismanna í leiknum á
meðan þeir Gary Martin, Valdimar
Jóhannsson og Hrvoje Tokic skor-
uðu mörk Selfyssinga.
_ Fjölnir styrkti stöðu sína í
þriðja sæti deildarinnar með sigri
gegn Grindavík á Extra-vellinum í
Grafarvogi í sjö marka leik sem
lauk með 4:3-sigri Fjölnis.
Hans Viktor Guðmundsson skor-
aði tvívegis fyrir Fjölni og þeir
Dofri Snorrason og Viktor Andri
Hafþórsson eitt mark hvor en Ken-
an Turudija, Aron Jóhannsson og
Kristófer Páll Viðarsson skoruðu
mörk Grindvíkinga.
_ Grótta er áfram í fjórða sætinu
eftir 1:0-sigur gegn Þrótti úr Vog-
um á Vogaídýfuvellinum í Vogum
þar sem Luke Rae skoraði sigur-
mark leiksins á 29. mínútu.
_ Þá er Afturelding komin í
fimmta sæti deildarinnar eftir 4:1-
sigur gegn KV að Varmá í Mosfells-
bæ þar sem Marciano Aziz skoraði
þrennu fyrir Mosfellinga.
_ Kórdrengir unnu svo 4:0-
stórsigur gegn Vestra á Framvelli í
Safamýri. Þeir Arnleifur Hjörleifs-
son, Morten Hansen, Loic Ondo og
Bjarki Björn Gunnarsson skoruðu
mörk Kórdrengja.
Fylkismenn tylltu sér á
toppinn eftir markaveislu
Morgunblaðið/Eggert
2 Emil Ásmundsson var drjúgur
fyrir Fylkismenn gegn Selfossi í gær.
_ Enska knattspyrnufélagið Manchest-
er United hefur áhuga á að kaupa bras-
ilíska miðjumanninn Casemiro frá Real
Madrid. Það er The Athletic sem greinir
frá þessu. United er sagt tilbúið að
borga 60 milljónir punda fyrir Brasilíu-
manninn sem yrði einn launahæsti leik-
maður liðsins, verði af kaupunum.
Casemiro, sem er þrítugur, hefur verið
hjá Real frá árinu 2013 og unnið Meist-
aradeild Evrópu fimm sinnum og
spænska meistaratitilinn þrisvar. Hann
er samningsbundinn til ársins 2025, en
United gæti boðið honum samning til
ársins 2027.
_ Kvennalið Arsenal í knattspyrnu hef-
ur samið við sænska framherjann Linu
Hurtig, sem kemur frá Ítalíumeisturum
Juventus. Hurtig vann ítölsku A-deild-
ina bæði tímabil sín með Juventus og
einnig ítalska bikarinn á því síðasta.
Hún er 26 ára og á að baki 58 landsleiki
fyrir Svíþjóð, þar sem hún hefur skorað
19 mörk, en hún var hluti af sænska lið-
inu sem komst í undanúrslit EM 2022 á
Englandi í sumar.
_ Wolverhampton Wanderers hefur
fest kaup á Matheus Nunes, eftir-
sóttum portúgölskum miðjumanni sem
kemur frá Sporting frá Lissabon.
Greiða Úlfarnir 38 milljónir punda fyrir
Nunes, sem er félagsmet hjá enska úr-
valsdeildarliðinu. Nunes, sem hafði ver-
ið orðaður við fjölda sterkra liða í sum-
ar, skrifaði undir fimm ára samning.
Nunes er tólfti Portúgalinn sem er nú á
mála hjá Úlfunum auk þess sem knatt-
spyrnustjóri liðsins, Bruno Lage, er
einnig frá Portúgal.
_ Enska knattspyrnusambandið hefur
ákært Englandsmeistara Manchester
City fyrir að hafa ekki haft stjórn á
stuðningsmönnum sínum í lokaumferð
ensku úrvalsdeildarinnar á síðasta
tímabili þegar liðið tryggði sér titilinn
með ótrúlegri endurkomu gegn Aston
Villa. Þúsundir stuðningsmanna City
hlupu inn á Etihad-völlinn til þess að
fagna Englandsmeistaratitlinum en
hegðun sumra þeirra var ekki til fyrir-
myndar. Til að mynda var ráðist á Robin
Olsen, markvörð Villa, og þverslá ann-
ars marksins brotin. Manchester City
hefur til 25. ágúst til þess að bregðast
við ákærunni.
_ Bandaríska körfuknattleiksstjarnan
LeBron James hefur skrifað undir nýjan
tveggja ára samning við LA Lakers sem
tryggir honum 97,1 milljón dollara í eig-
in vasa á samningstímanum.
Það þýðir að James verður að samn-
ingstímanum loknum búinn að þéna
alls 532 milljónir dollara á löngum ferli
sínum í NBA-deildinni.
Kevin Durant, leikmaður Brooklyn
Nets, var sá leikmaður sem var búinn
að þéna hæstu upphæð
allra NBA-leikmanna í
sögunni áður en James
skrifaði undir nýja
samninginn, sem
þýðir að hann mun
spila
fyrir
Lak-
ers
fram til ársins 2024.