Morgunblaðið - 19.08.2022, Blaðsíða 12

12 FRÉTTIR
Viðskipti | Atvinnulíf
MORGUNBLAÐIÐ FÖSTUDAGUR 19. ÁGÚST 2022
19. ágúst 2022
Gjaldmiðill Gengi
Dollari 138.04
Sterlingspund 166.61
Kanadadalur 106.96
Dönsk króna 18.863
Norsk króna 14.254
Sænsk króna 13.284
Svissn. franki 144.85
Japanskt jen 1.0214
SDR 181.85
Evra 140.3
Meðalgengi/Viðskiptavog þröng 173.7744
« Hagnaður Eim-
skips á öðrum árs-
fjórðungi þessa árs
nam um 24,9 millj-
ónum evra, sem er
um 3,5 milljarðar á
núverandi gengi.
Hagnaðurinn eykst
um tæp 87% á
milli ára. Tekjur
félagsins námu um
283 milljónum evra
og jukust um 34%
á milli ára. Rekstrarkostnaður félagsins
eykst þó einnig, eða um 31% á milli ára
og nam um 238,4 milljónum evra á
tímabilinu. Í uppgjörstilkynningu frá
Eimskipi í gær kemur fram að hærri
rekstrarkostnaður skýrist að mestu af
kaupum á þjónustu flutningabirgja og
hærra olíuverði.
Þrátt fyrir þessar kostnaðarhækkanir
batnaði afkoma félagsins umtalsvert á
milli ára. Það skýrist af góðri nýtingu í
siglingakerfi félagsins og mikilli eftir-
spurn eftir flutningum, þá sérstaklega á
milli Evrópu og Norður-Ameríku. Vil-
helm Már Þorsteinsson, forstjóri Eim-
skips, segir í tilkynningu að innflutn-
ingsmagn til Íslands sé enn mikið og að
félagið geri ráð fyrir að útflutnings-
magnið frá Íslandi taki við sér með
haustinu.
Þegar horft er til fyrstu sex mánaða
ársins jukust tekjur félagsins um 34% á
milli ára og námu 523 milljónum evra.
Þá hefur hagnaður á fyrri helmingi árs-
ins aukist um 119% á milli ára.
Auknar tekjur og meiri
hagnaður hjá Eimskip
Vilhelm Már
Þorsteinsson,
forstjóri Eimskips.
STUTT
BAKSVIÐ
Baldur Arnarson
Þóroddur Bjarnason
Rúmt ár er liðið síðan veitingastað-
urinn Flatey pizza opnaði útibú í mat-
höllinni Mjólkurbúinu á Selfossi. Sig-
urvin Ellert Jensson, rekstrarstjóri
fyrirtækisins, segir viðskiptin í
Mjólkurbúinu hafa glæðst í sumar.
„Ferðamönnum fer fjölgandi og
svo hafa heimamenn og sumar-
bústaðafólk tekið við sér. Helgarnar
eru mjög góðar en virku dagarnir eru
misjafnir eins og í bænum,“ segir
Sigurvin Ellert. Flatey er jafnframt
með pítsustaði á Grandagarði og
Hlemmi í Reykjavík og á Garðatorgi í
Garðabæ.
Biðröð eftir pítsum
Þegar Morgunblaðið kom við í
Mjólkurbúinu á Selfossi var biðröð
við pítsustað Flateyjar. Þar var jafn-
framt auglýst eftir pítsubakara og
starfsfólki í afgreiðslu.
Sigurvin Ellert segir aðspurður
það hafa verið rétta ákvörðun að opna
veitingastað í Mjólkurbúinu.
Það sé enda meðal helstu áfanga-
staða ferðamanna og heimamanna.
Flatey sækir í hefðir frá Napólí í
pítsugerðinni eins og fjallað hefur
verið um í Morgunblaðinu. Áhersla er
lögð á að sósan, deigið og osturinn séu
upp á tíu, en notað er súrdeig í botn-
inn.
Einfaldleikinn ræður ríkjum
Eins og Haukur Már Gestsson,
einn stofnenda fyrirtækisins, lýsti í
samtali við Morgunblaðið á sínum
tíma þá ræður einfaldleikinn ríkjum
þannig að annað álegg en tómatsósan
er sparlega notað. Sagði hann að
margarítan gæfi pítsum með áleggi
þannig ekkert eftir.
Opnuðu Neó á Hafnartorgi
Flatey hefur einnig opnað pítsu-
staðinn Neó í Hafnartorgi Gallery,
nýrri mathöll á Hafnartorgi við
Geirsgötu í Reykjavík. Þar eru alls
ellefu veitingastaðir og verslanir til
húsa.
Sigurvin Ellert segir að á Neó
verði seldar öðruvísi pítsur en Flatey
bjóði upp á, eða svokallaðar New
York-pítsur. „Þær eru með lengri
bökunartíma. Deigið er öðruvísi sem
gefur „sveittari“ og stökkari pítsu.“
Spurður um af hverju ákveðið var
að fara af stað með nýja hugmynda-
fræði í Hafnartorgi Gallery segir
hann það hafa verið hugmynd eig-
enda Flateyjar, að prófa nýja leið.
Opna í Kringlunni í október
Spurður um frekari vöxt félagsins
segir Sigurvin Ellert að Flatey opni
pítsustað í nýrri mathöll sem verið er
að undirbúa í Kringlunni. „Það er
stefnt að opnun í október.“
Tapaði á síðasta ári
Reykjavík Napolí, félagið sem rek-
ur Flatey, tapaði tæpri einni milljón
króna á síðasta ári samanborið við 23
mkr. hagnað 2020. Tekjur félagsins
árið 2021 voru 483 m.kr. en höfðu ver-
ið 398 m.kr. árið á undan.
Viðskiptin í Mjólkurbúinu
glæddust í sumar
Morgunblaðið/Baldur Arnarson
Viðskipti Biðröð var við útibú Flateyjar á Selfossi þegar blaðamaður stakk þar inn nefi á dögunum.
Flatbökur
» Flatey sækir í pítsuhefðina
sem kennd er við Napólí.
» Súrdeig gert á staðnum og
látið þroskast í sólarhring.
» Pítsa bökuð við 500°C hita.
» Eigendur eru Brynjar Guð-
jónsson (23%), Haukur Már
Gestsson (23%), JDD% ehf.
(23%), SSJ13 ehf. (23%) og
Herðubreið eignarhaldsfélag
ehf. (8%)
- Flatey á fjórum stöðum - Opna þann fimmta í október - Neó kominn af stað
Hagnaður Kviku banka nam á fyrri
helmingi ársins rúmum 1,7 milljörð-
um króna, samanborið við um fimm
milljarða króna á sama tíma í fyrra.
Hagnaður fyrir skatta nam tæpum
2,2 milljörðum króna og dregst sam-
an um 2,5 milljarða á milli ára.
Hagnaður á öðrum ársfjórðungi var
um 430 milljónir króna. Bankinn
hafði áður gert ráð fyrir hagnaði á
bilinu 2,1–2,4 milljarða króna en í af-
komuviðvörun, sem send var um
miðjan júlí, kom fram að hann yrði
töluvert minni.
Í uppgjöri sem birt var í gær kem-
ur fram að arðsemi eigin fjár fyrir
skatta var 10% og eigið fé samstæð-
unnar var um 79 milljarðar króna við
lok tímabilsins. Hreinar fjárfest-
ingatekjur voru neikvæðar um 91
milljón króna við „krefjandi aðstæð-
ur á eignamörkuðum“ eins og það er
orðað í uppgjörstilkynningu. Hrein-
ar þóknanatekjur námu um 3,2 millj-
örðum króna.
Marinó Örn Tryggvason, forstjóri
Kviku, segir í uppgjörstilkynningu
að félagið skili jákvæðri afkomu á
öðrum ársfjórðungi þrátt fyrir
erfiðar markaðsaðstæður. Afkoma
Kviku banka á fyrri helmingi er heilt
yfir í takt við væntingar stjórnenda
bankans og þeirra markaðsaðila sem
Morgunblaðið hefur rætt við.
Aðstæður á mörkuðum hafa áhrif á
fjárfestingatekjur bankans. Kvika
hefur þó uppfært afkomuspá sína á
ný og gerir nú ráð fyrir því að heild-
arhagnaður fyrir árið verði um 8,5
milljarðar króna og 9,8 milljarðar
fyrir næstu fjóra ársfjórðunga.
Morgunblaðið/Árni Sæberg
Uppgjör Marinó Örn Tryggvason,
forstjóri Kviku.
Hagnaður Kviku
um 1,7 milljarðar
- Afkoma í takt við
væntingar og að-
stæður á mörkuðum