Morgunblaðið - 19.08.2022, Blaðsíða 8

Morgunblaðið/Sigurður Bogi
Fasteignir Vísitala íbúðaverðs á höfuðborgar-
svæði hækkar en vísitala leiguverðs lækkar.
Þinglýstir leigusamningar um íbúðarhúsnæði
voru 480 talsins á landinu öllu í júlí. Fækkaði
þeim um 24,4% frá mánuðinum á undan og um
60,3% frá júlí 2021.
Fram kemur á vef Þjóðskrár að á höfuð-
borgarsvæðinu voru þinglýstir leigusamningar
345 í júlí og fækkaði þeim um 19,8% frá því í
júní 2022 og um 34,5% frá júlí 2021.
Vísitala leiguverðs á höfuðborgarsvæðinu,
sem sýnir breytingar á vegnu meðaltali fer-
metraverðs, stóð í stað í júlí miðað við júní.
Síðastliðna þrjá mánuði hækkaði vísitalan um
0,6% og síðastliðna 12 mánuði hækkaði hún um
7,4%.
Íbúðaverð hækkar
Vísitala íbúðaverðs á höfuðborgarsvæðinu,
sem Þjóðskrá reiknar einnig út og sýnir breyt-
ingar á vegnu meðaltali fermetraverðs, hækk-
aði um 1,1% milli júní og júlí. Síðastliðna þrjá
mánuði hækkaði vísitalan um 6,4%, síðastliðna
sex mánuði hækkaði hún um 15,5% og síðast-
liðna 12 mánuði hækkaði hún um 25,5%.
Þinglýstum leigusamningum fækkar
- Samdrátturinn nemur
34,5% frá júlí á síðasta ári
8 FRÉTTIR
Innlent
MORGUNBLAÐIÐ FÖSTUDAGUR 19. ÁGÚST 2022
Skuldir og skuldbindingar
borgarsjóðs, svokallaðs A-hluta
Reykjavíkurborgar, jukust á fyrstu
þremur mánuðum ársins um níu
milljarða króna, eða um eitt hundr-
að milljónir á dag. Þetta er enn verri
þróun en að meðaltali á síðasta kjör-
tímabili en þá hækkuðu skuldirnar
um það bil um fimmtíu milljarða
króna.
- - -
Viðskiptablaðið sagði í gær frá
því að borginni hefði gengið
treglega að afla nýs lánsfjár með
skuldabréfaútboðum að undan-
förnu. Rætt var við Valdimar Ár-
mann, forstöðumann eignastýringar
hjá Arctica Finance, sem segir að
mikil umræða hafi verið um fjármál
borgarinnar og aukna skuldsetn-
ingu: „Ætla má að fjárfestar hafi
horft til þess að borgin þyrfti senni-
lega að auka í útgáfuna til að fjár-
magna hallareksturinn,“ segir hann.
- - -
Þá bendir Valdimar á að ríkissjóð-
ur, sem sé stór á markaðnum,
hafi dregið úr fjármögnunarþörf
sinni og gömlu verðtryggðu íbúða-
bréfin séu farin að greiðast frekar
hratt upp, þannig að þetta ætti ekki
að vera slæmur tími fyrir borgina að
gefa út skuldabréf.
- - -
Þá segir hann áhugavert að
Reykjavík þurfi nú, ólíkt því
sem áður var, að fjármagna sig á
verri kjörum en Lánasjóður sveitar-
félaga. Valdimar segir að þetta
bendi til að markaðurinn sé búinn að
verðleggja hallarekstur borgar-
innar inn í ávöxtunarkröfu skulda-
bréfanna, sem þýðir að hallarekstur-
inn er að verða borgarbúum æ
dýrari, ekki aðeins vegna aukinna
skulda heldur einnig vegna óhag-
stæðari vaxtakjara.
Hallarekstur borg-
arinnar þyngist
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
S: 555 0800 · Fornubúðum 12 · Hafnarfirði · sign@sign.is · facebook.com/signskart
WWW. S I G N . I S
Gengið hefur verið frá sam-
komulagi á milli Háskólans á Hól-
um og FISK Seafood ehf. á Sauð-
árkróki um nýtt húsnæði fyrir
fiskeldis- og fiskalíffræðideild skól-
ans.
Starfsemin hefur um langt árabil
verið rekin með stuðningi FISK
Seafood í húsnæði félagsins á Sauð-
árkróki en mun á næsta ári færast
á tæplega tvö þúsund fermetra í
nágrenni skólans í Hjaltadal. Hús-
næðið var áður í eigu FISK Sea-
food en hefur nú verið gefið skól-
anum ásamt myndarlegum
fjárstyrk til þess að flytja búnað
deildarinnar og koma honum fyrir í
nýjum húsakynnum.
Fram kemur í tilkynningu, að
með þessu undirstriki FISK Sea-
food vilja sinn til þess að styðja
áfram við bakið á þeirri mikilvægu
starfsemi sem háskólinn starfrækir
á sviði rannsókna og kennslu.
FISK Seafood áformar umtals-
verðar byggingarframkvæmdir
vegna nýs hátæknifrystihúss og
fiskvinnslu á athafnasvæði sínu við
höfnina á Sauðárkróki. Á meðal
mannvirkja sem þurfa að víkja er
húsnæði sem skólinn hefur haft af-
not af án endurgjalds í tæpa tvo
áratugi. Aðstaðan, sem FISK Sea-
food hefur nú gefið skólanum, hýsti
áður bleikjueldi Hólalax í Hjaltadal
sem var í eigu FISK Seafood en
hefur nú verið lagt af.
Haft er eftir Hólmfríði Sveins-
dóttur, rektor Háskólans á Hólum, í
tilkynningunni, að um sé að ræða
mikilvægt skref í áttina að framtíð-
aráformum um byggingu á nýju
kennslu- og rannsóknahúsnæði á
Sauðárkróki fyrir starfsemi Fisk-
eldis- og fiskalíffræðideildarinnar.
Háskólinn á Hólum
fær hús að gjöf
- Fiskeldis- og fiska-
líffræðideild skólans
flyst í hús Hólalax
Morgunblaðið/Björn Jóhann
Háeyri Fiskeldisdeild Háskólans á
Hólum hefur verið á Sauðárkróki.