Borgfirðingabók - 01.12.2015, Qupperneq 6

6
B O R G F I R Ð I N G A B Ó K 2015
og það rúmlega 250 síður sem verður að kallast, á tímum netvæðingar
hvers konar, afar athyglisverður árangur. Og það má líka taka það fram
hér að vinna við næstu bók er í rauninni hafin og margt komið á blað til
skoð unar; í sumum tilfellum tilbúnar greinar sem því miður gátu ekki
verið með í bókinni í ár. Þannig efnisstaða hvetur ritnefnd vissulega til
dáða en minna má á að ritnefnd tekur fúslega við öllum ábendingum
um efni til birtingar í bókinni.
Stjórn Sögufélags skipa nú Ingibjörg Daníelsdóttir formaður, Guð-
mund ur Þór Brynjúlfsson gjaldkeri, Bjarni Valtýr Guðjónsson ritari og
með stjórnendurnir Sigrún Ólafsdóttir og Sævar Ingi Jónsson.
Af öðrum verkefnum félagsins má nefna útgáfu Borgfirzkra æviskráa sem
segja má að sjái nú fyrir endann á, í bili að minnsta kosti. Eins og fram
hefur komið í fyrri Borgfirðingabókum hefur vinna við leiðréttingar við
eldri bindi æviskránna staðið yfir í nokkur ár og viðbætur þeirra sem
einhverra hluta vegna höfðu orðið útundan í fyrri bindum. Það verk
hefur verið í höndum Guðmundar Sigurðar Jóhannssonar ættfræðings
á Sauðárkróki sem nú hefur skilað af sér afar góðu og vönduðu búi eins
og búast mátti við af einum færasta ættfræðingi landsins. Þá er þáttur
Þuríðar Kristjánsdóttur ekki hvað síður mikilvægur en hún hefur tekið
saman greinar yfir þá sem fæddur voru á bilinu 1900-1950 og voru
ekki með í bindunum þrettán til þessa. Nú bíður stjórnar Sögufélagsins
að fara yfir þessi gögn og standa að prentun efnisins því félagið telur
útgáfu í bókarformi enn fýsilegri kost en rafræna útgáfu, eingöngu í það
minnsta.
Á titilsíðu bókarinnar má sjá glænýtt einkennismerki Sögufélags Borgar-
fjarðar. Það er hannað og gefið af Aðalsteini Svani Sigfússyni, umbrots-
og kápuhönnuði bókarinnar. Eru honum færðar bestu þakkir fyrir hið
glæsilega merki og ekki síður farsælt samstarf mörg undanfarin ár.
Hér í lokin má líka minna á bókalager félagsins en ennþá eru til flest ar
af útgáfubókum þess þótt sum bindi Íbútals séu nær á þrotum. Eru
áhuga samir hvattir til þess að snúa sér til Ingibjargar, Guðmundar Þórs
eða Sævars Inga.
Ritnefnd óskar lesendum sínum ánægjulegs lesturs.