Borgfirðingabók - 01.12.2015, Page 40
40
B O R G F I R Ð I N G A B Ó K 2015
Morguninn eftir var fátt sagt. Báðir vorum við alvarlegir í bragði,
jafn vel skömmustulegir, tygjuðum okkur snemma til heimferðar og
héld um þögulir til Reykjavíkur. Þar kvöddumst við fremur stuttaralega
og vinátta okkar var ekki söm um sinn á eftir.
Síðdegis hafði Knútur símasamband og bað okkur hjón að lofa því
að segja aldrei nokkrum lifandi manni frá því sem gerðist á Grjóteyri
þetta kvöld. Hann sagði eiginkonu sína leggja blátt bann við að þetta
spyrðist út. Nokkrum árum síðar leysti Knútur mig undan loforðinu.
Kvaðst hann hafa sjálfur skrifað frásögn af atburði kvöldsins í stílabók til
þess að minningin um hann væri þrátt fyrir allt einhvers staðar geymd.
Einhver hafði nú náð að lesa frásögnina, vitneskjan á margra vitorði
og því ekki lengur launungarmál. Seinni eiginkona Knúts, Ragnhildur
Blöndal hefur tjáð mér að hann hafi margsinnis minnst á þessa háska för
okkar á ísnum við hana.
Þar með var leyndinni aflétt, og enginn trúnaðarbrestur með þessarri
upprifjun nú.
Á þeim áratugum sem liðnir eru frá þessu kvöldi hefur minningin
um það sem þá gerðist oft ásótt huga minn og mér rennur enn kalt vatn
milli skinns og hörunds við tilhugsunina um það hvernig vanþekking
okk ar á náttúrunni og vanmat á aðstæðum hafði næstum kostað okkur
báða lífið.
Rifjað upp vorið 2007, örlítið breytt í mars 2015.
P.S.
Með bjartsýni og óraunsæi að leiðarljósi var strax hafinn undirbúningur
að byggingu laxeldisstöðvar, grafið fyrir uppistöðulónum, steyptar þrjár
stíflur, keyptur bátur og vinnuvélar auk annarra nauðsynjahluta til
fiskeldis. Smám saman varð okkur þó ljóst að þetta var allt of viðamikið
og fjárfrekt fyrirtæki fyrir tvenn skuldug hjón að ráðast í. Frekar en að
fá fleiri aðila, sem þó buðust, til samstarfs fjaraði draumurinn smám
saman út og mun nú flestum gleymdur. Eins og margir vita hafa nær
allar fiskeldisstöðvar á Íslandi farið á hausinn við lítinn orðstír, og ég
efast ekki um að Grjóteyrarstöðvarinnar hefðu beðið sömu örlög, ef
skynsemin hefði ekki tekið í taumana á réttum tíma.
Knútur lést árið 2011 áttræður að aldri. Hann hafði oft átt erfitt upp-
dráttar á Íslandi, sem hann þó unni meira en öðrum stöðum á jarð-
kringl unni. Ég minnist hans fyrir sterka réttlætiskennd og heiðarleika.