Borgfirðingabók - 01.12.2015, Page 42

42
B O R G F I R Ð I N G A B Ó K 2015
GIFTIST FRÆNDA SÍNUM
Ekki fer sögum af menntunarmöguleikum Sesselju. En um tvítugt fór
hún sem ráðskona til Jóns Guðmundssonar frænda síns, sem var ellefu
árum eldri og bjó á Valbjarnarvöllum í Borgarhreppi. Hann var sonur
Guð rúnar móðursystur Sesselju svo þau voru systrabörn. Þau giftust 24.
júní 1881 og áttu alls tíu börn á árabilinu 1882-1901, þar af eina tvíbura.
Fyrsta barn sitt misstu þau, mjög líklega úr mislingum, en níu komust
upp. Jón og Sesselja bjuggu á Valbjarnarvöllum í Borgarhreppi fram til
ársins 1915 að Guðmundur sonur þeirra tók við búskapnum.4 Algeng
tala heimilisfólks á þessum tíma var 12-14 manns og auk matreiðslu,
þvotta, mjalta og þjónustubragða spann Sesselja allt band, sem þurfti í
sokka, nærföt og utanyfirföt á heimilisfólkið. Ekki er vitað annað en að
hún hafi almennt verið við góða heilsu, en þó var hún með vott af astma
sem eflaust hefur háð henni nokkuð. Hún var listfeng eins og móðir
hennar og slíkir hæfileikar kvenna gátu á þessum tíma helst notið sín í
fallegum hannyrðum.
Til eru sögur af Jóni sem bera vott um að hann hafi verið skapstór og
strangur. Sesselja var hins vegar sögð glöð og kát með leikandi lund,
alla daga jafnlynd, en fór sínu fram ef hún vildi svo. Eitt sinn hafði Jón
4 Síðar bjó Guðmundur í Einarsnesi í Borgarhreppi.
Bærinn á Valbjarnarvöllum, myndin er tekin af Sigfúsi Eymundssyni og er birt með
leyfi Þjóðminjasafns Íslands.