Borgfirðingabók - 01.12.2015, Blaðsíða 56

56
B O R G F I R Ð I N G A B Ó K 2015
ur. Krikkjan er smíðuð úr jafnstórum viði og kjölbekkurinn, hún er lík
trapisu í laginu og önnur hlið hennar er fest við kjölbekkinn með 4“
saumum en hin hliðin er fest við gaflinn. Krikkjan í afturgaflinum er
töluvert stærri en sú í framgaflinum.
Lokið er við gaflana með því að setja gaflhaldana á. Gaflhaldarnir eru
fjórar þríhyrndar spýtur, tvær við hvorn gafl. Gaflhaldarnir eru úr sama
viði og krikkjan. Þeir eru til þess að halda göflunum og síðuborðunum
saman. Þeir náðu alveg neðan frá fráskoti og upp að borðstokki. Í
framgaflinum eru gaflarnir beinir en í afturgafli eru þeir sveigðir eins og
lagið á afturgaflinum er.
Byrðing
Þegar gaflarnir eru komnir í er hægt að byrja á hinni endanlegu byrð-
ingu. Síðuborðin sem koma upp frá kjölsíðu hafa flest sitt eigið heiti
(og eru þau nefnd á skýringarmyndinni til einföldunar). Síðuborðin eru
lengri en botnborðin. Þau eru öll mislöng og raðað þannig að stystu
borðin eru neðst og smálengjast eftir því sem ofar dregur. Það er vegna
þess að meiri svigi er á efstu borðunum. Áður en átt er við borðin er
aðgætt hvort einhverjar sprungur leynist í viðnum, því ef hann er mikið
sprunginn er hætta á að sprungurnar gliðni upp þegar farið er að þvinga
hann.
Þegar borðin eru sniðin til er fyrst byrjað á að laga hálsinn. Hann er
heflaður þvert, til að ná laginu á bátnum; aftur á móti eru afturendarnir
látnir halda sér, vegna þess að afturgaflinn kemur þvert á. Þegar búið er
að hefla borðin til er byrjað á því erfiðasta, það er að ná réttum sviga
á hvert band. Það verður að vanda sig mjög mikið við það, því báðar
hliðarnar verða að vera eins. Ef borðin eru ekki jafnsveigð er hætta á
að slagsíða komi á bátinn. Borðin eru hituð og höggvin á lagið og áður
en þau eru sett saman eru þau mæld bæði við borðið sem koma á hinu
megin á bátnum og eins hliðarborðið. Aðgæta verður að borðin falli þétt
hvort að öðru.
Til þess að borðin haldist saman meðan verið er að bora í gegn, en fari
ekki á misvíxl, er þeim haldið saman með þvingum. Mælt er fyrir hverju
gati og er alltaf jafn langt á milli þeirra, u.þ.b. 6-8“. Betra er að báturinn
sé þéttseymdur frekar en hitt. Hvert borð er látið ná um 1/2 -1“ niður á
næsta borð fyrir neðan.