Borgfirðingabók - 01.12.2015, Side 140
140
B O R G F I R Ð I N G A B Ó K 2015
vatni. Núna í haust stendur til að dæluprófa holuna með djúpdælu. Til
fróðleiks má nefna, að 1 lítri/sek. á ársgrundvelli samsvarar 31.536 m3.
Miðað við 70 °C framrásarhita dugar það til þess að hita upp a.m.k.
40 hús af stærðinni 650 m3, og bakrásarhiti verður ekki lægri en 35
°C. Hér er miðað við að selja vatnið gegnum mæli. Þegar heita vatnið
er selt gegnum hemil, er talað um, að húseigandi kaupi áskriftarafl.
Sumarhúsaeigandi kaupir í mörgum tilfellum 3 mínútulítra (1 sek-
úndu lítri svarar til 60 mínútulítra).
Hurðarbak í Reykholtsdal. Á Hurðarbaki eru tveir hverir um 3
km norðan við Deildartunguhver. Líklega gefa þeir a.m.k. 25 lítra/sek.
Vatna mælingar Orkustofnunar mældu hverina sumarið 1975. Niður-
staðan var 48 lítrar/sek. Ekki eru þeir fullnýttir – aðeins nýttir í hús á
Hurðar baki, Brekkukoti og við Kljáfossbrú.
Kjalvararstaðir í Reykholtsdal. Vorið 2002 lét Ármann Bjarnason
(f. 1947), bóndi á Kjalvararstöðum, bora þar 39 metra djúpa skáholu.
Haukur Jóhannesson, jarðfræðingur, staðsetti holuna. Árangur var góður
– vatnið er við suðu. Engin hitamælingargögn eru í Oracle-gagnagrunni
OS um þessa holu. Verktaki var Friðfinnur Knútur Daníelsson (f. 1954),
vélstjóri og verkfræðingur, sem hefur lengi rekið fyrirtækið Alvarr ehf.
Friðfinnur er margreyndur bormaður. Fyrst var hann vélstjóri á Jötni.
Um tíma var hann yfirborstjóri á Ísbor, sem var gerður út frá Selfossi.
Síðustu 20 árin hefur Friðfinnur verið hjá Alvarr ehf. og gert út einn eða
tvo litla jarðbora.
Ásgarður í Reykholtsdal. Ásgarður er nýbýli frá 1944 úr landi
Hamra. Hamralaug er í landi Ásgarðs. Vatnið hefur verið nýtt til hús-
hitunar. Í vetur sem leið voru boraðar tvær holur fyrir Magnús Þór Egg-
ertsson (f. 1960), bónda þar. Verktakafyrirtækið heitir Bjarnastaðir ehf.
og gerir út tvo bora frá Akranesi. Annar borinn heitir Gudda, en hinn
Hallgrímur. Báðir eru smíðaðir í Tyrklandi. Ég man ekki eftir öðrum
íslenzkum jarðbor, sem ber konunafn. Önnur holan í Ásgarði er 100
metra djúp, en hin 178 metrar. Engin nákvæm mæling hefur verið gerð
á rennsli úr holunum svo ég viti, en skammtímamæling í borlok gefur
til kynna, að grynnri holan gefi um 0,5 lítra/sek., en hin, sem er skáhola
og við laugina, um 1,5 lítra/sek.
Snældubeinsstaðir í Reykholtsdal. Logalandshver er austarlega
í landi Snældubeinsstaða – hét áður Snældubeinsstaðahver. Hann var
ekki nýttur til húshitunar á Snældubeinsstöðum, þar eð bæjarhúsin voru
langt vestur af honum. Sumarið 1932 var nýtt íbúðarhús steypt upp