Borgfirðingabók - 01.12.2015, Page 145
145
B O R G F I R Ð I N G A B Ó K 2015
Munaðarnes í Stafholtstungum. Munaðarnes er gömul kostajörð.
Bandalag starfsmanna ríkis og bæja (BSRB) gerði sumarið 1969
langtímasamning við Magnús Einarsson (1892–1973), bónda í Munað-
ar nesi, um leyfi til þess að reisa þar mörg sumarhús fyrir félagsmenn
sína. Fyrstu sumarhúsin voru tilbúin vorið 1970. Rafmagn var notað
til húshitunar í upphafi. BSRB lét síðar einnig byggja sumarhús í landi
Stóruskóga, sem er næsta jörð við Munaðarnes. BSRB fékk Jarðhitadeild
til þess að athuga líkur á því að ná í heitt vatn þarna. Mælingamenn
Jarðhitadeildar voru við mælingar þar fyrst sumarið 1974 og aftur 1975.
Katrín Magnúsdóttir (f. 1935), bóndi í Munaðarnesi, lét leita að jarðhita
haustið 1991, og í framhaldi af því bora 969 metra djúpa vinnsluholu
sumarið 1992. Vinnsluhola Katrínar var boruð með jarðbornum Glaumi
frá Jarðborunum hf. Úr vinnsluholu Katrínar má fá um 2 lítra/sek. af
80 °C heitu vatni. Katrín þarf ekki nema brot af því til húshitunar í
Munaðarnesi.
Hins vegar fór BSRB ekki í jarðhitaleit aftur fyrr en vorið 2002.
Hvatinn var hár hitastigull í þurrum leitarholum í Stafholtstungum, sem
voru boraðar síðla vetrar 1997 í leit að köldu vatni. Fleiri hitaleitarholur
voru boraðar vorið og sumarið 2002, og gáfu þær tilefni til að bora
900 metra djúpa vinnsluholu í Kerlingargili í ársbyrjun 2003. Holan er
virkjuð með djúpdælu og gefur 10 lítra/sek. af vatni, sem er 86 °C heitt.
Afl holunnar er 2,1 MW. Svæðið er mun gjöfulla en afkastamælingar
borholunnar gefa til kynna. Kristján Sæmundsson, jarðfræðingur,
stjórnaði hitaleitinni og staðsetti holurnar. Í framhaldinu gerðu OR og
BSRB með sér samkomulag í ársbyrjun 2004 um hitun allra sumarhúsa
með heitu vatni í Munaðarnesi og í Stóruskógum. Veitan í Munaðarnesi
er ein af jaðarveitum OR. Undanfarin ár hafa um 200.000 m3 verið
teknir að meðaltali upp úr vinnsluholunni. Mest var vinnslan árið 2010
eða alls 208.900 m3. Miðað við nýtingu á heita vatninu niður í 35 °C
gerir það 42,5 TJ.
GAMLI NORÐURÁRDALSHREPPUR
Bifröst og Svartagil í Norðurárdal. Bifröst er byggð úr landi Hreða-
vatns. Skóli Sambands íslenskra samvinnufélaga var lengi í Reykjavík,
en eftir flutning hans að Bifröst haustið 1955 fékk hann nafnið Sam-
vinnuskólinn á Bifröst. Stórt skólahús og nokkur íbúðarhús urðu vísir
að þéttbýli þarna. Til húshitunar var ekki annað í boði en olía og/eða