Borgfirðingabók - 01.12.2015, Qupperneq 174

174
B O R G F I R Ð I N G A B Ó K 2015
að Sigurbjörn Þorbjarnarson á Bjargarsteini hafi tekið við af honum. Þá
tel ur hann líklegt að Sigurður Einarsson hafi einnig kennt.
Sundlaugin var 22 sinnum 14 metrar að stærð. Hún stóð í halla og
þurfti ekki nema einn hliðarvegg. Hún smá dýpkaði út að honum og var
um það bil 1,80 metri á dýpt þar. Í laugina rann heitt vatn úr tveimur
litlum laugum. Einnig mun hveralækurinn hafa runnið í hana en hægt
var að veita honum framhjá. Laugin var leirug og þurfti oft að hreinsa
hana og gera við vegginn.
Sundlaugarfélagið byggði skýli fyrir sundnema ári eftir að sundlaugin
var byggð. Jóhannes Þorbjarnarson frá Stafholtsveggjum segir að það
hafi verið lítill og einfaldur blikkskúr, í mesta lagi 3 x 3 metrar að stærð.
(Samtal 1992.)
Lundalaug var stærri en laugin við Veggjalaug. Hins vegar var hún
alveg við hverinn og átti það til að verða of heit til sundkennslu. Þó var
kennt þar í hálfan annan áratug en kennslan loks sameinuð við Veggja-
laug.
Veggjalaug er upphaflega nafnið á stærsta hvernum á hverasvæði Staf-
holtsveggja en nafnið færðist smám saman yfir á sundlaugarnar.
Sundkennslan sem hófst í Veggjalaug 1895 hefur þá sérstöðu í
héraðinu að kennsla hefur farið þar fram og í beinu framhaldi í stein-
steyptu laugunum á Laugalandi og Varmalandi svo til óslitið til dagsins
í dag, í alls 120 ár. Fyrst annaðist áhugamannafélagið reksturinn, síðan
Ungmennafélag Stafholtstungna og loks skólanefnd og sveitarfélög eft ir
að sund varð skyldunámsgrein í skólum.
UNGMENNAFÉLAGIÐ TEKUR UPP MERKIÐ
Sundkennsla féll niður í Veggjalaug í einhver ár en þegar Ungmennafél ag
Stafholtstungna var stofnað 1912 var það eitt af fyrstu og mikilvægustu
verkefnum þess að hefja aftur kennslu. Var það og gert og fékkst styrkur
hjá sýslunefnd og ef til vill úr landssjóði til að hefja sundkennslu strax á
fyrsta ári félagsins.
Eins og sést af þessu tók ungmennafélagið sundið strax föstum
tökum. Veggjalaug og Lundalaug voru ónothæfar án viðgerða. Menn
voru settir í að gera við þær og fóru 15 dagsverk í Veggjalaug og 10
dag sverk í viðgerðir á Lundalaug. Mikið var unnið í sjálfboðavinnu við
ár legar viðgerðir og hreinsun.
Fyrsta vorið nutu 5 piltar stöðugrar kennslu í Veggjalaug en 10-12