Borgfirðingabók - 01.12.2015, Page 247

247
B O R G F I R Ð I N G A B Ó K 2015
Upplýsingar um bækurnar eru fengnar úr eða af þeim sjálfum eða kynn-
ing ar efni útgefenda þeirra. Listi þessi er unninn eftir bestu getu, þó
vís ast verði alltaf einhver vanhöld á. Í þeim tilfellum eru viðkomandi
beðn ir velvirðingar.
Bjarni Guðmundsson
Frá hestum til hestafla
Útgefandi: Uppheimar 2013
Á 20. öld breyttust verkhættir Íslendinga
við ræktun og fóðuröflun svo tala megi um
byltingu. Ræktunarumbætur voru liður í
sjálfstæðisbaráttu þjóðar; vinnuafköstin uxu
til muna og minna vinnuafl þurfti til landbúnaðar en fyrr. Vinnuhestarnir
drógu þróunina af stað; fyrsta dráttarvélin kom til landsins árið 1918
og þúfnabaninn litlu seinna. Þúfnabaninn sýndi að vélum mátti beita
til stórfelldrar túnræktar rétt eins og vélar höfðu þá breytt sjósókn og
fiskveiðum landsmanna. Svo rann upp tími heimilisdráttarvélanna. Um
miðja 20. öld veitti landbúnaðarjeppinn þeim samkeppni sem aflgjafi
við bústörf með hætti sem óþekktur var í öðrum löndum.
Bjarni Valtýr Guðjónsson
Hvert sem ég lít – ljóð
Útgefandi: Sigurjón Þorbergsson 2013
Hvert sem ég lít er fjórða ljóðabók Bjarna Valtýs.
Eins og fyrri daginn leitast höfundur við að endur-
segja í ljóði allnokkurn forða fornsagnabrota sam-
hliða atburðalýsingum af vettvangi síðari tíma.
Stór brotin náttúra er Bjarna Valtý einnig ofarlega
í huga og landlýsingar nokkrar. Gróðurfar í sinni endalausu fjölbreytni
verður þá eigi með öllu útundan og fuglalífið fær þar sinn skerf.
Úr bókaskápnum
Borgfirskar bækur 2013 og 2014