Verktækni - 2019, Síða 34

34

nemenda með námskeiðið var mun meiri en með T2 – í raun var það mesta ánægja sem hafði mælst fyrir
námskeiðið öll árin.
Þær niðurstöður okkar sem hér eru kynntar eru í takt við fyrri rannsóknir (Battaglia & Kaya, 2015; Hoole
et al., 2015; Hotle & Garrow, 2016; Kim et al., 2014; Mason et al., 2013; Tanner & Scott, 2015) þrátt fyrir
að þær séu fengnar með öðrum hætti en hér var gert. Þessum rannsóknum ber saman um að æfingar
eru nauðsynlegur hluti vendikennslunnar en að þær leiði ekki endilega til betri frammistöðu nemenda.
Niðurstöður þessarar rannsóknar benda til þess að vendikennsla með tímaverkefnum auki ánægju
nemenda og tímaverkefnin virðast bæta frammistöðu nemenda. Við heimildaleit fannst engin rannsókn
sem gerði mælingar á áhrifum tímaverkefna eins og hér var gert. Prófanir á þessum áhrifum bíða frekari
rannsókna.
Kennarinn var einnig ánægðari með fyrirlestratímana vegna þess að ekki þurfti að fara yfir allt
námsefnið, nemendur voru virkari í að spyrja og betra andrúmsloft myndaðist í tímanum. Það var meðal
annars vegna þess að hann upplifði minni pressu á að komast yfir allt námsefni vikunnar í
fyrirlestratímunum – upptökur af fyrirlestrum sem tóku á öllu námsefninu voru aðgengilegar nemendum
á vef námskeiðsins. Kennarinn gat því nýtt tímana til að taka ítarlegra fyrir erfið hugtök og aðferðir en
áður sem varð örugglega til þess að kennarinn virkaði vingjarnlegri gagnvart nemendunum.
Samantekt
Megintilgátan hér er að að kennsluaðferð hafi áhrif á frammistöðu nemenda. Höfundar breyttu
kennsluaðferð frá hefðbundnum fyrirlestrum yfir í vendikennslu; þ.e. upptökur af fyrirlestrum voru
gerðar aðgengilegar nemendum á vef námskeiðsins. Tölfræðilega marktækar niðurstöður sýna að
vendikennsla hefur jákvæð áhrif á frammistöðu nemenda á lokaprófi. Hins vegar fékkst ekki tölfræðilega
marktækur munur á vendikennsluaðferðunum tveimur en frekari greining leiddi í ljós að það eru sterk
tengsl á milli góðrar einkunnar á lokaprófi og að taka þátt í fyrirlestraæfingum. Álykta má út frá
niðurstöðum þessarar rannsóknar að vendikennsla með fyrirlestraupptökum og æfingum í lok
fyrirlestratíma er betri nálgun en aukin heimaverkefni þegar markmiðið er að bæta frammistöðu
nemenda í lokaprófi. Þessi kennsluaðferð bætir einnig upplifun nemenda; þ.e. ánægja nemenda jókst þó
svo að heimaverkefnaálaginu væri haldið óbreyttu. Út frá niðurstöðum þessarar rannsóknar þá hafa
höfundar gert smávægilegar breytingar á meðferð M3. Meginbreytingarnar eru að æfingar verða í lok
hvers fyrirlestratíma – í stað þess að hafa þær í helmingi þeirra – og einungis raunverulegar tilraunir til
úrlausnar verða samþykktar sem skil. Höfundar ætla sér að prófa þessar breytingar og birta
niðurstöðurnar síðar.
Heimildir
Al-Zahrani, A. M. (2015). From passive to active: The impact of the flipped classroom through social
learning platforms on higher education students' creative thinking. British Journal of Educational
Technology, 46(6), 1133-1148. doi:10.1111/bjet.12353
Baepler, P., Walker, J. D., & Driessen, M. (2014). It's not about seat time: Blending, flipping, and
efficiency in active learning classrooms. Computers & Education, 78, 227-236.
doi:10.1016/j.compedu.2014.06.006
Balan, P., Clark, M., & Restall, G. (2015). Preparing students for Flipped or Team-Based Learning
methods. Education and Training, 57(6), 639-657. doi:10.1108/et-07-2014-0088
Battaglia, D. M., & Kaya, T. (2015). How Flipping Your First-Year Digital Circuits Course Positively Affects
Student Perceptions and Learning. International Journal of Engineering Education, 31(4), 1126-
1138.