Veiðimaðurinn - 01.12.1958, Blaðsíða 37

Ur veiðibókum.
ORÐIÐ hefur að ráði, að reyna þá ný-
breytni, að birta framvegis öðru hverju
í Veiðimanninum kafla undir þessari fvr-
irsögn.
Efnið verður, eins og nafnið bendir til
tekið úr veiðibókum, og þá fyrst og
fremst úr veiðibókum frá vatnasvæðum,
er S.V.F.R. hefur á leigu.
Lesendum Veiðimannsins er vinsam-
lega bent á, að þessir þættir verða ekki
skemmtilegir til aflestrar, því þetta verða
mest þurrar tölur og margvíslegar töflur,
en ef vel tekst með að vinna úr þeim bók-
um, er notaðar verða sem heimildir, þá
er óhætt að lofa því, að þeir er lesa vilja
þessa þætti, geta orðið margs vísari um
veiðina á hverju veiðisvæði, því að í vel
færðri veiðibók er mikill fróðleikur.
Ef hver sá, er færir inn í veiðibókina,
skrifar þar allar þær upplýsingar, sem til
er ætlast, verður veiðibókin merkileg
iieimild um veiðivatnið. sem hún á að
\ eita fræðslu um. har má m. a. sjá hvaða
fisktegundir veiðast, hversu margir hæng-
eða hrygnur, þyngd og lengd á hverjum
íiski, hve mikil veiðin er á hverjum veiði-
stað, hvað veiðist á hverjum degi, viku,
mánuði, eða allan veiðitímann. Þar má
einnig sjá, hváða agn er mest notað og
hvaða flugur og flugustærðir eru veiðn-
astar. Ef veiðibækur eru færðar reglulega
í nokkur ár í röð, við sama veiðivatnið,
er hægt að sjá allar breytingar, sem verða
á veiðinni, t. d. hvort hún er breytileg
hlutlallslega á liverjum veiðistað, enn-
fremur hvaða veiðistaðir eru áð jafnaði
beztir, einnig hvort veiði fer þverrandi
eða vaxandi og hvort stofninn smækkar
eða stækkar, eða stendur í stað, og fl. og
fleira.
í sambandi við hlutfallslegar breyting-
ar á veiði, á tilteknum veiðistöðum er
rétt að benda á, að vatnsmagnið getur
haft þar mikil áhrif, en um vatnsmagnið
gefa veiðibækur allt of fáar og ónákvæm-
ar upplýsingar. Það er því full ástæða
til þess að koma upp vatnshæðamælum
við árnar, því þá er fyrst hægt að skrifa
vatnshæðina daglega inn í veiðibókina,
og með nægilegri nákvæmni.
Til munu þeir vera, sem telja veiði-
bækur ekki sérstaklega áreiðanlegar
heimildir, vegna þess, að það orð fer af
veiðimönnum, að þeir noti stundum mál
og vog með dálítilli ónákvæmni! En þótt
einhverjum þyki tilgreind stærð á fiski
í veiðisögu, sem lífsglaður veiðimaður
kann að hafa sagt í hópi kátra veiði-
rnanna, ef til vill nokkuð tortryggileg og
lítt sönnuð, rýrir það ekki gildi veiði-
bóka, því fiskurinn, sem er önnur aðal-
hetjan í áðurnefndum veiðisögum, hefur
alltaf lag á að komast undan því að verða
skráður í veiðibók. Enda væru þroska-
skeið slíkra fiska þar með á enda runnin,
b;eði á láði og í legi!
VíWlMAPURJNN