Veiðimaðurinn - 01.12.1989, Side 68

á liðnu starfsári, og fara hér á eftir nokkrir
kaflar úr henni, en sleppt er þeim atriðum í
skýrslunni, sem áður hefur verið getið í
V eiðimanninum.
Spurningalistinn
A fyrsta fundi stjórnar var farið að vinna
úr því veganesti sem síðasti aðalfundur gaf
stjórninni og þá að mestu stuðst við niður-
stöður úr skoðanakönnuninni.
Þau fímm áhersluatriði er flest stig
fengu voru þessi:
1. Að auka áróður fyrir betri umgengni
veiðimanna - 377 stig.
2. að þrýsta á stjórnvöld um aukin fjár-
framlög til Veiðimálastofnunar til aukins
eftirlits með flskeldis- og hafbeitarstöðv-
um og til nauðsynlegra rannsóknarstarfa
- 365 stig.
3. að halda áfram baráttu fyrir því að
almenningur fái að veiða ókeypis í Þjóð-
görðum t.d. við Þingvallavatn - 313 stig.
4. að knýja meira á um fjárveitingu til
vegagerðar á Arnarvatnsheiði - 309 stig.
5. að vinna að því að stangaveiðifélögin
fái frjálsan og frían aðgang að veiði í þeim
uppistöðulónum sem verða til vegna virkj-
unarframkvæmda - 291 stig.
Aðalfundur Landverndar
Hjörleifur Gunnarsson sat fund Land-
verndar á Hótel Sögu 25. og 27. nóvember.
Var fundurinn fróðlegur að vanda og mikið
rætt um umhverfismál. Hjörleifí gafst
tækifæri til að taka þátt í þeim umræðum
og sýna ruslapokana sem við létum fram-
leiða á síðasta ári.
Vakti þessi framtakssemi okkar mikla
athygli á fundinum og hugðust fleiri feta í
fótspor okkar í þessum efnum.
Samstarf við Veiðimálastofnun
Þann 17. nóvember bauð veiðimála-
stjóri til fundar þar sem kynnt var starf-
semi stofnunarinnar.
Fluttu starfsmenn stofnunarinnar þar
mjög fróðleg erindi og skýrslur.
Eg vil taka það sérstakleg fram í þessu
sambandi að allt samstarf við Veiðimála-
stofnun hefur verið með miklum ágætum
og starfsmenn stofnunarinnar hafa ávallt
verið reiðubúnir til að leysa úr óskum
okkar og vanda.
Tel ég það mikið lán fyrir stangaveið-
ina í landinu að hafa svo góða starfskrafta
sem raun ber vitni á þessari stofnun og með
jafn hæfan og víðsýnan veiðimálastjóra. Vil
ég nota þetta tækifæri til að þakka sérstak-
lega Arni Isakssyni fyrir lipra og góða sam-
vinnu og biðja hann að færa starfsfólki
stofnunarinnar sérstakar þakkir frá fund-
inum.
Arni er nú á förum til útlanda til frekara
náms í sínum fræðum og eftir því sem ég
hef fregnað mun hann aðallega ætla að
leggja stund á svokallaða erfðablöndun á
laxi.
Við óskum Arna góðrar ferðar, hlökkum
til að hitta hann að nýju og fá að fræðast
frekar um okkar eilífðar áhugamál.
Bréf til landbúnaðarráðherra
(Sjá Veiðimanninn tbl. 129, bls. 82-83).
Þarna er í fyrsta skipti farið fram á það við
ráðuneytið:
Að ráðnir verði eftirlitsmenn til að fylgjast
með öllu er varðar fiskeldi samkv. lögum
og reglugerðum.
Að settar verði reglur um gerð og frá-
gang eldiskvía í sjó.
Að veita fé til að rannsaka og framleiða
geldstofna, sem notaðir yrðu í kvíaeldi.
Að farið sé strax að frysta svil til
geymslu úr þeim laxastofnum sem talin er
mest hætta búin.
Sem betur fer hafa nokkur þessara
66
VEIÐIMAÐURINN