Læknablaðið - 01.11.2022, Síða 43
L ÆKNABL AÐIÐ 2022/108 519
„Hvernig hefur þú það í vinnunni?“ spurði
Valgerður Rúnarsdóttir, forstjóri Vogs og
framkvæmdastjóri lækninga hjá SÁÁ, ráð-
herrann. Valgerður spurði hvort ráðherrann
sæi tækifæri til að bregðast við þeim vanda
sem ræddur hafi verið á fundinum um alvar-
lega stöðu heilbrigðiskerfisins.
„Við erum að tala um öryggi sjúklinga og
gæði þjónustu. Það er það eina sem við vilj-
um og það hriktir alvarlega í,“ sagði hún.
Willum Þór Þórsson heilbrigðisráðherra
lagði áherslu á að ráðuneytið og læknar, heil-
brigðisstarfsmenn, væru ekki andstæðingar
heldur samherjar. Samræðurnar þennan dag
væru dýrmætar fyrir hann.
„Ég er innilega þakklátur fyrir þetta sam-
tal og skal reyna að gera mitt allra besta.“
Ráðherra sagðist ætla að
reyna að gera sitt allra besta
„Mikið rosalega varð ég fyrir miklum
vonbrigðum þegar þú skipaðir þessa
stjórn yfir Landspítala,“ sagði Helga
Ágústa Sigurjónsdóttir innkirtlalæknir
og ritstjóri Læknablaðsins. Hún hefði verið
í hópi þeirra sem fóru á fund formanns
heilbrigðisnefndar Alþingis þegar hún fór
fyrir prófessoraráði Landspítala og óskaði
eftir stjórn yfir spítalanum. Hún hafi
ekki þá trú að þessi stjórn geti fylgt eftir
þremur meginhlutverkum Landspítala:
kennslu, vísindastarfi og lækningum.
„Í mínum huga er Landspítali ekki að
fylgja lögum um hvað hann á að starfa
við.“ Stjórnin sé ekki þannig samansett
að hún eigi auðvelt með fylgjast með því
að spítalinn virði vísindastarf og kennslu.
Hún vitnaði til Svíþjóðar þar sem því væri
haldið á lofti að 30% hvers útskriftarár-
gangs lækna þyrftu að stunda vísindi til
að tryggja gott heilbrigðiskerfi.
„Vísindin eru á hraðri niðurleið með
knöppu fjármagni til vísinda,“ sagði hún.
Án öflugs vísindastarfs þróist heilbrigð-
iskerfið ekki áfram. Hún spurði einnig
hvernig ætti að fjölga læknum á Íslandi.
„Í dag eyðum við fullt af peningum;
nemendurnir, foreldrar þeirra og íslenska
ríkið til að efla erlenda háskóla til að
mennta læknana okkar.“ Vilja og pólitíska
ákvörðun þyrfti til að efla læknadeildina
hér á landi.
„Það er fullt af fólki sem getur kennt
læknanemum. Það ríður á að setja mikið
fjármagn í læknadeild Háskóla Íslands
til þess að þetta unga fólk sem vill verða
læknar fái að verða það og þurfi ekki að
leita eftir menntun sinni erlendis,“ sagði
hún og lýsti því hvernig íslenskir nemar
kynnist miklu öflugri heilbrigðisstofnun-
um erlendis og hefðu lítið heim að sækja.
„Þau skila sér síður heim þegar þau eru
búin.“
Óttast um vísindastarf spítalans
Helga Ágústa Sigurjóns-
dóttir ritstjóri Lækna-
blaðsins hvatti til meira
vísindastarfs og öflugri
læknadeildar. Mynd/gag