Fréttablaðið - 17.03.2023, Blaðsíða 8

ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is AÐSTOÐARRITSTJÓRI: Garðar Örn Úlfarsson gar@frettabladid.is
FRÉTTASTJÓRI: Lovísa Arnardóttir lovisa@frettabladid.is. Fréttablaðið kemur út fimm daga í viku og hægt er að nálgast það ókeypis á 250 fjölförnum stöðum á höfuðborgarsvæðinu, á Suðurnesjum, Árborg, Ölfusi, Akranesi, Borgarnesi,
Akureyri og víðar. Að auki er blaðið aðgengilegt í pdf-formi og í appi. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871 FRÉTTABLAÐIÐ Kalkofnsvegur 2, 101
Reykjavík Sími: 550 5000, ritstjorn@frettabladid.is. VEFSTJÓRI: Einar Þór Sigurðsson einarthor@frettabladid.is MARKAÐURINN: Guðmundur Gunnarsson ggunnars@frettabladid.is HELGARBLAÐ: Björk Eiðsdóttir bjork@frettabladid.is
MENNING: Þorvaldur S. Helgason tsh@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
HALLDÓR
FRÁ DEGI TIL DAGS
Alveg týp-
ísk afleið-
ing „þetta
reddast“
hugar-
fars okkar
Íslendinga.
Lovísa
Arnardóttir
lovisaa
@frettabladid.is
Það er vor í lofti þrátt fyrir kuldatíð. Sólin og norður­
ljósin skiptast á að létta okkur lund og skipulagning
sumarleyfa er farin af stað á f lestum heimilum.
Með hækkandi sól kemur hlýr blær að sunnan og
trén verða græn á ný.
Við vitum fyrir víst að bráðum verður Austurvöllur
stappaður af ungu fólki með sólgleraugu og frisbí­
diska, þótt bjórinn sé dýrari en í fyrra.
Margar fjölskyldur munu líka baða sig í enn meiri
sól og hlýjum sjó í öðrum löndum þrátt fyrir að
útlandaferðir verði áfram efst á bannlista Seðla­
bankans.
Enda vita landsmenn vel að verðbólgunni er haldið
uppi af hallarekstri ríkisins en ekki af kokteilum á
Tenerife.
Friedman fór ekki með neitt f leipur þegar hann
benti á að verðbólgan er alltaf á ábyrgð stjórnvalda
en ekki fólksins í landinu.
Þrátt fyrir úrræða­ og aðgerðaleysi stjórnvalda í
efnahagsmálum léttist brúnin víða við það eitt að
sumarið er nú á næsta leiti. Þannig virkar þetta hjá
okkur hér í norðrinu þegar loksins sér fyrir endann á
dimmum vetri.
Það er hins vegar ekki að sjá að ríkisstjórnin átti sig
á því hversu stutt er í sumarið. Af áramótaheitunum
hennar, þingmálaskránni, eru enn þá 107 mál úti­
standandi.
Fresturinn til að leggja málin fram styttist hratt,
en 1. apríl næstkomandi er síðasti dagurinn til leggja
fram ný frumvörp á vorþingi.
Þessi frestur er hafður til að tryggja að þinginu
gefist tími til að fullvinna mál fyrir sumarhlé í júní.
Meðal mikilvægra mála af þingmálaskránni sem
enn hefur ekkert frést af, eru aðgerðaráætlun um
þjónustu við eldra fólk, fjölmiðlastefna, lög um
almenningssamgöngur og lög um vindorku.
Þessi staða er kannski ekki merki um kæruleysi
stjórnvalda heldur frekar merki þess að samstaðan,
eða öllu heldur skortur á henni, standi ráðherrunum
í vegi.
Það væri óskandi að með hækkandi sól sæjust
merki um ríkisstjórn sem nær að skapa samstöðu á
þingi til að vinna með sóma þær mikilvægu umbætur
sem fólkið í landinu kallar eftir. n
Tilbúin í sumarið
Hanna Katrín
Friðriksson
formaður þing-
flokks Viðreisnar
Enda vita
landsmenn
vel að verð-
bólgunni
er haldið
uppi af
hallarekstri
ríkisins
en ekki af
kokteilum
á Tenerife.
HVAÐ ER
AÐ FRÉTTA?
Í vikunni fengu foreldrar í Reykjavík póst
um innritun í leikskóla næsta haust. Fjöl­
miðlar hafa undanfarna daga og vikur
sagt sögur af þessu fólki. Fólki sem hefur
skráð sig aftur í nám, flutt heim og jafn­
vel þurft að hætta í vinnunni sinni, því það
hefur ekki vistun fyrir barnið sitt. Sumir fengu
ekki pláss síðasta haust, þrátt fyrir loforð um
inntöku við 12 mánaða aldur, og sjá jafnvel
ekki heldur fram á að fá leikskólapláss í haust
fyrir barnið sitt.
Þetta er algert neyðarástand og þó svo að
ég tali hér um Reykjavík, þá á þetta ekki bara
við þar. Í nágrannasveitarfélögum hefur verið
farin sú leið að greiða fólki heimgreiðslur á
meðan það bíður. Það vill Sjálfstæðisflokkur­
inn líka gera í Reykjavík en von er á tillögum
frá honum vegna þess vanda sem blasir við.
En vandinn er ekki bara í innrituninni.
Hann er líka hjá þeim börnum sem þegar eru
innrituð en eru á flakki og eru ítrekað send
heim. Vegna myglu og manneklu.
Ég er ekki eitt þessara foreldra sem bíða eftir
plássi en ég fékk samt póst fyrir viku þar sem
kom fram að viðgerðir í leikskóla barnsins
míns síðustu vikur myndu ekki duga og að
það þyrfti að ráðast í viðameiri aðgerðir. Þær
krefjast þess að húsið verði tæmt og starfsem­
in flutt annað. Nú er verið að leita að húsnæði.
Með póstinum fylgdi að ekki yrðu tekin
fleiri börn inn í leikskólann næsta haust. Þetta
er mín saga.
Svo er það systir mín. Leikskóla dóttur
hennar var lokað og hún þarf nú að keyra
með hana hvern morgun í annað hverfi.
Því húsnæðið sem leikskólinn var í var svo
myglað.
Þetta eru auðvitað engin einsdæmi. Þessa
sögu hef ég heyrt frá mörgum og þið eflaust
líka. Fólki sem býr í alls konar hverfum og
ýmsum sveitarfélögum. Á einum stað var
meira að segja kúkaloft í leikskólanum og þess
vegna þurfti að færa börnin annað. Kúkaloft.
Og gleymum svo ekki fólkinu sem fær reglu­
lega pósta frá leikskólanum um manneklu,
eða fáliðunarstefnu, og þarf að sækja barnið
snemma.
Ég veit að það eru ástæður fyrir vandanum
sem voru ófyrirséðar. Stríð og heimsfaraldur.
Svo er það viðhaldið og myglan. Sem er samt
kannski alveg eitthvað sem hefði átt að vera
fyrirséð, en er alveg týpísk afleiðing „þetta
reddast“ hugarfars okkar Íslendinga.
Það voru mótmæli í gær í Ráðhúsinu. Það
voru mótmæli í Ráðhúsinu í haust. Þetta er
endurtekið efni og svo við getum komið í veg
fyrir aðra endurtekningu þá væri ég til í að sjá
nýjar lausnir. Það er ekki bara þörf núna, það
er alger nauðsyn. n
Pössun óskast
kristinnhaukur@frettabladid.is
Allt í gúddí
Landsfundur Vinstri grænna
er um helgina. Enginn hefur
boðið sig fram gegn Katrínu
Jakobsdóttur í formannsstólinn
og heldur ekki í varaformanns­
stólinn gegn Guðmundi Inga
Guðbrandssyni. Þykir þetta
til marks um hvað þau stýra
flokknum vel. Ísland notar
mikla olíu, útlendingar eru
fluttir brott um miðjar nætur
og bankar eru seldir til vanda­
manna. Flokkurinn er kominn
niður í 6 prósenta fylgi. Engin
ástæða til að skora forystuna á
hólm eða pönkast neitt í henni.
Allt í gúddí hér. Eða kannski er
bara enginn eftir í f lokknum til
að skora neinn á hólm?
Áhyggjur
Eftir fréttir af sölu jarðarinnar
Horns til kanadísks auðkýfings
hafa margir stigið fram og lýst
áhyggjum. Það er að verið sé að
selja jarðir, ódýrt, til erlendra
auðkýfinga. Þeir ætli að meina
íslenskum göngugörpum að
klífa tinda og jafnvel mylja
fjöll niður í duft. Gott og vel.
Eðlilegt er að hafa áhyggjur af
náttúrunni, sérstaklega perl­
unum. En eru auðkýfingar með
erlendar kennitölur eitthvað
verri en aðrir? Ekki eru mjög
mörg ár síðan íslenskur auðkýf­
ingur ætlaði að berja, já berja,
með höndunum, mann sem
gekk inn á jörðina hjá honum í
Borgarfirði. Er sniðugt að bjóða
nokkrum auðkýfingi að kaupa
jarðir? n
8 SKOÐUN FRÉTTABLAÐIÐ 17. MARS 2023
FÖSTUDAGUR